ಈ ಸಂಬಂಧ ಖೇತ್ರಾಜ್‌ಪುರ ಪೊಲೀಸ್ ಠಾಣೆಯಲ್ಲಿ ಎಎಸ್‌ಐ ಸೂರ್ಯ ನಾರಾಯಣ್ ದಾಸ್ ಪ್ರಕರಣ ದಾಖಲಿಸಿದ್ದಾರೆ. ‘ಈ ಸಂಬಂಧ ಇದುವರೆಗೆ ಮೂವರನ್ನು ಬಂಧಿಸಲಾಗಿದೆ’ ಎಂದು ಸಂಬಲ್‌ಪುರ ಹೆಚ್ಚುವರಿ ಎಸ್‌ಪಿ ಅಜಯ್ ಕುಮಾರ್ ಮಿಶ್ರಾ ಮಾಹಿತಿ ನೀಡಿದ್ದಾರೆ.

‘ವಿಷ್ಣು ಶಿಬು ಕೆಲಸ ಕಳೆದುಕೊಂಡ ನಂತರ ಬರ್ಗಢವನ್ನು ತೊರೆದು ಕೆಲಸ ಹುಡುಕಿಕೊಂಡು ಸಂಬಲ್‌ಪುರಕ್ಕೆ ಹೋಗಿದ್ದರು. ಕೆಲವು ಸ್ಥಳೀಯರು ಆತ ಅಪರಾಧ ಮಾಡಲು ನಗರದಲ್ಲಿದ್ದಾನೆ ಎಂದು ಶಂಕಿಸಿ ಧೋಬಾಪಾಡ ಚೌಕದಲ್ಲಿ ಆತನನ್ನು ಥಳಿಸಿದರು. ಭಾಷೆಯ ಅಡಚಣೆಯಿಂದಾಗಿ ವಿಷ್ಣುವಿಗೆ ಸ್ಥಳೀಯರನ್ನು ಅರ್ಥಮಾಡಿಕೊಳ್ಳಲು ಸಾಧ್ಯವಾಗಲಿಲ್ಲ, ಆಗ ಆತನನ್ನು ಮನಸೋಇಚ್ಛೆ ಥಳಿಸಲಾಯಿತು’ ಎಂದು ಅಜಯ್ ಕುಮಾರ್ ಮಿಶ್ರಾ ಹೇಳಿದರು.