ನನಗೆ ಈಗ ಸದ್ಯದ ಪರಿಸ್ಥಿತಿಯಲ್ಲಿ ಏನನ್ನಿಸುತ್ತಿದೆಯೆಂದರೆ – ಒಂದು ಸಂಸಾರ ಹೇಗಿರಬೇಕು ಅಂದ್ರೆ, ಒಬ್ಬ ಗಂಡ ಹೆಂಡತಿಯನ್ನು ಯಾವಾಗಲೂ ಹೊಡೀತಾ ಇರಬೇಕು, ಕುಡಿದು ಬಂದು ಗಲಾಟೆ ಮಾಡ್ತಾ ಇರಬೇಕು. ಒಬ್ಬ ಹೆಂಡತಿ ಯಾವಾಗಲೂ ಗಂಡನನ್ನೇ ದೂಷಿಸುತ್ತಾ ಇರಬೇಕು. ಮಕ್ಕಳು ತಂದೆ-ತಾಯಿಯನ್ನು ಗೌರವಿಸಬಾರದು. ತಂದೆ-ತಾಯಿಯೂ ಅಷ್ಟೇ, ಮಕ್ಕಳನ್ನು ಯಾವಾಗಲೂ ದೂಷಿಸುತ್ತಾ ಇರಬೇಕು. ಒಂದು ಮನೆಯಲ್ಲಿ ಶಾಂತಿ, ನೆಮ್ಮದಿ ಅನ್ನೋದೇ ಇರಬಾರದು. ಒಬ್ಬರು ಒಬ್ಬರು ಕಿತ್ತಾಡ್ಕೊಂಡೇ ಇರಬೇಕು.

ಇನ್ನು ಇಂದು ಮುಂಜಾನೆಯಷ್ಟೇ ಹಿಟ್ಲರ್ ಕಲ್ಯಾಣ್ ಸೀರಿಯಲ್‌ನ ಒಂದು ದೃಶ್ಯವನ್ನ ಶ್ರೀವಿದ್ಯಾ ಹಂಚಿಕೊಂಡಿದ್ದಾರೆ. ಈ ಒಂದು ದೃಶ್ಯವನ್ನ ಹಂಚಿಕೊಂಡ ಶ್ರೀವಿದ್ಯಾ, ನನ್ನ ಪತಿ ಹಂಕ್ ಅಂತಲೇ ಬರೆದುಕೊಂಡಿದ್ದಾರೆ. “Hunk” ಅಂತ ಒಂದೇ ಒಂದು ಪದ ಬರೆದುಕೊಂಡಿದ್ದಾರೆ. ಈ ಪದಕ್ಕೂ ಹಂಚಿಕೊಂಡ ವಿಡಿಯೋಗೂ ಸಖತ್ ಸಿಂಕ್ ಆಗುತ್ತದೆ. ಈ ದೃಶ್ಯದಲ್ಲಿ ದಿಲೀಪ್ ರಾಜ್ ಮೆಟ್ಟಿಲು ಇಳಿದು ಕೆಳಗೆ ಬರ್ತಾರೆ. ಬಂದು ಒಂದು ವಾಕ್ ಮಾಡ್ತಾರೆ. ಕೊನೆಗೆ ಒಂದು ಲುಕ್ ಕೊಡ್ತಾರೆ. ತುಂಬಾನೆ ಚಂದನೆಯ ಒಂದು ಸ್ಮೈಲ್ ಕೊಡ್ತಾರೆ. ಈ ಎಲ್ಲವನ್ನು ಶ್ರೀವಿದ್ಯಾ ‘ಹಂಕ್’ ಅನ್ನುವ ಒಂದೇ ಪದದಲ್ಲಿ ಕಟ್ಟಿಕೊಟ್ಟಿದ್ದಾರೆ.

ದಿಲೀಪ್ ರಾಜ್ ಅವರು ಹೋಗಿ 6 ದಿನಗಳು ಕಳೆದಿವೆ. ಮೇ-13 ರಂದು ಹೃದಯಾಘಾತದಿಂದ ಇವರು ಕೊನೆಯುಸಿರೆಳೆದರು. ಇದರಿಂದ ಇಡೀ ಫ್ಯಾಮಿಲಿ ಆ ಶಾಕ್ ಅಲ್ಲಿಯೇ ಇದೆ. ಮಕ್ಕಳಾದ ಅದಿತಿ ಮತ್ತು ಧೃತಿ ಅಪ್ಪನನ್ನ ಮಿಸ್ ಮಾಡಿಕೊಳ್ಳುತ್ತಿದ್ದಾರೆ. ಪತ್ನಿ ಶ್ರೀವಿದ್ಯಾ ಕೂಡ ದಿಲೀಪ್ ರಾಜ್ ನೆನಪಿನಲ್ಲಿಯೇ ಇದ್ದಾರೆ. ಪತಿ ಜೊತೆಗಿನ ವಿಡಿಯೋಗಳನ್ನೆ ಒಂದೊಂದಾಗಿಯೇ ಹಂಚಿಕೊಳ್ಳುತ್ತಿದ್ದಾರೆ.