Last Updated:
Railway Rules: ರೈಲಿನಲ್ಲಿ ಪುಕ್ಕಟ್ಟೆ ಪ್ರಯಾಣಿಸೋರಿಗೆ ಭಾರತೀಯ ರೈಲ್ವೆ ಇಲಾಖೆ ಶಾಕ್ ಕೊಟ್ಟಿದೆ. ರೈಲಿನಲ್ಲಿ ಟಿಕೆಟ್ ಇಲ್ಲದೆ ಪ್ರಯಾಣಿಸಿದರೆ ಭಾರೀ ದಂಡ ವಿಧಿಸಲು ನಿರ್ಧರಿಸಲಾಗಿದೆ. ಜುಲೈ 1ರಿಂದ ಈ ಹೊಸ ನಿಯಮ ಜಾರಿಗೆ ಬರಲಿದೆ.
ರೈಲಿನಲ್ಲಿ (Rail) ಪುಕ್ಕಟ್ಟೆ ಪ್ರಯಾಣಿಸೋರಿಗೆ ಭಾರತೀಯ ರೈಲ್ವೆ ಇಲಾಖೆ (Indian Railway) ಶಾಕ್ ಕೊಟ್ಟಿದೆ. ರೈಲಿನಲ್ಲಿ ಟಿಕೆಟ್ (Train Ticket) ಇಲ್ಲದೆ ಪ್ರಯಾಣಿಸಿದರೆ ಭಾರೀ ದಂಡ ವಿಧಿಸಲು ನಿರ್ಧರಿಸಲಾಗಿದೆ. ಜುಲೈ 1ರಿಂದ ಈ ಹೊಸ ನಿಯಮ ಜಾರಿಗೆ ಬರಲಿದೆ. ಭಾರತೀಯ ರೈಲ್ವೆಯಲ್ಲಿ ಟಿಕೆಟ್ ಇಲ್ಲದೆ ಅಥವಾ ಅನಧಿಕೃತವಾಗಿ ಪ್ರಯಾಣ ಮಾಡುವುದು ಈಗ ತುಂಬಾ ದುಬಾರಿಯಾಗುತ್ತಿದೆ. ಈವರೆಗೆ ಇದ್ದ ದಂಡದ ಮೊತ್ತವನ್ನು ಹೆಚ್ಚಿಸಲಾಗಿದೆ. ಈಗ ದುಪ್ಪಟ್ಟು ದಂಡ ವಿಧಿಸಲು ರೈಲ್ವೆ ಇಲಾಖೆ ನಿರ್ಧರಿಸಿದೆ.
ಟಿಕೆಟ್ ಇಲ್ಲದೆ ರೈಲು ಹತ್ತಿದರೆ, ನೀವು ಪ್ರಯಾಣಿಸಿದ ದೂರಕ್ಕೆ ಸರಿಯಾದ ಟಿಕೆಟ್ ದರವನ್ನು ಪಾವತಿಸಬೇಕು. ಅದರ ಜೊತೆಗೆ ಕನಿಷ್ಠ ₹500 ದಂಡ ಸಹ ಕಟ್ಟಬೇಕು. ಹಿಂದೆ ಇದು ₹250 ಆಗಿತ್ತು. ಉದಾಹರಣೆಗೆ, ಬೆಂಗಳೂರಿನಿಂದ ಮೈಸೂರಿಗೆ ಟಿಕೆಟ್ ಇಲ್ಲದೆ ಹೋದರೆ, ಸಾಮಾನ್ಯ ಟಿಕೆಟ್ ದರ ₹100 ಇದ್ದರೆ, ಅದರ ಜೊತೆಗೆ ₹500 ದಂಡ ಹಾಗೂ ಬೇರೆ ಶುಲ್ಕಗಳು ಸೇರಿ ಒಟ್ಟು ₹600ಕ್ಕೂ ಹೆಚ್ಚು ಕಟ್ಟಬೇಕಾಗುತ್ತದೆ.
ದೂರ ಹೆಚ್ಚಿದರೆ ದಂಡದ ಜೊತೆಗೆ ಟಿಕೆಟ್ ದರವೂ ಹೆಚ್ಚಾಗುತ್ತದೆ. ಇದು ಸಾಮಾನ್ಯ ಪ್ರಯಾಣಿಕರಿಗೆ ಮಾತ್ರವಲ್ಲ, ಜನರಲ್ ಟಿಕೆಟ್ ಇದ್ದರೂ ಸ್ಲೀಪರ್ ಅಥವಾ ಎಸಿ ಕೋಚ್ಗಳಲ್ಲಿ ಪ್ರಯಾಣಿಸಿದರೂ ಅನ್ವಯವಾಗುತ್ತದೆ.
ರೈಲ್ವೆಗೆ ಟಿಕೆಟ್ ರಹಿತ ಪ್ರಯಾಣದಿಂದ ಪ್ರತಿ ವರ್ಷ ಕೋಟಿಗಟ್ಟಲೆ ರೂಪಾಯಿ ನಷ್ಟವಾಗುತ್ತಿದೆ. ಕೆಲವು ಜನರು ಉದ್ದೇಶಪೂರ್ವಕವಾಗಿ ಟಿಕೆಟ್ ತೆಗೆದುಕೊಳ್ಳದೆ ಪ್ರಯಾಣಿಸುತ್ತಾರೆ. ಇದರಿಂದ ನಿಜವಾಗಿ ಟಿಕೆಟ್ ತೆಗೆದುಕೊಂಡು ಪ್ರಯಾಣ ಮಾಡುವವರಿಗೆ ತೊಂದರೆಯಾಗುತ್ತದೆ. ರೈಲುಗಳು ತುಂಬಿ ತುಂಬಿ ಹೋಗುತ್ತವೆ. ಹೀಗಾಗಿ ಪ್ರಾಮಾಣಿಕವಾಗಿ ಟಿಕೆಟ್ ಪಡೆದು ಪ್ರಯಾಣಿಸುವವರಿಗೆ ಸೀಟು ಸಿಗುವುದಿಲ್ಲ. ಈ ಸಮಸ್ಯೆಯನ್ನು ತಡೆಯಲು ಸರ್ಕಾರ ಈ ಕಠಿಣ ನಿಯಮ ತಂದಿದೆ. ಇದು ಸುಮಾರು 13 ವರ್ಷಗಳ ನಂತರದ ದೊಡ್ಡ ಬದಲಾವಣೆಯಾಗಿದೆ.
ರೈಲ್ವೆಗಳಲ್ಲಿ ಹಲವು ರೀತಿಯ ದಂಡ
- ಮಹಿಳಾ ಕೋಚ್ಗೆ ಪುರುಷರು ಅನಧಿಕೃತವಾಗಿ ಹೋದರೆ ₹2,500ವರೆಗೆ ದಂಡ.
- ರೈಲು ನಿಲ್ದಾಣ ಅಥವಾ ರೈಲಿನಲ್ಲಿ ಅನುಮತಿ ಇಲ್ಲದೆ ವ್ಯಾಪಾರ, ಹಾಕಿಂಗ್ ಅಥವಾ ಭಿಕ್ಷೆ ಬೇಡಿದರೆ ₹2,000 ದಂಡ.
- ಇತರೆ ತೊಂದರೆ ಕೊಡುವ ಕ್ರಮಗಳಿಗೆ ₹1,000 ದಂಡ.
ಗಂಭೀರ ಪ್ರಕರಣಗಳಲ್ಲಿ ಆರು ತಿಂಗಳುವರೆಗೆ ಜೈಲು ಶಿಕ್ಷೆಯೂ ಆಗಬಹುದು.
ರೈಲು ಪ್ರಯಾಣ ಸುಖಕರವಾಗಲು ಹೀಗೆ ಮಾಡಿ
- ಪ್ರಯಾಣಕ್ಕೆ ಮುನ್ನ ಯಾವಾಗಲೂ ಟಿಕೆಟ್ ತೆಗೆದುಕೊಳ್ಳಿ. ಆನ್ಲೈನ್ನಲ್ಲಿ IRCTC ಅಪ್ಲಿಕೇಶನ್ ಅಥವಾ ವೆಬ್ಸೈಟ್ನಲ್ಲಿ ಬುಕ್ ಮಾಡಿ.
- ಟಿಕೆಟ್ ಜೊತೆಗೆ ಆಧಾರ್ ಅಥವಾ ಇತರೆ ಗುರುತಿನ ಚೀಟಿ ಇರಿಸಿಕೊಳ್ಳಿ.
- ಟಿಕೆಟ್ ಇಲ್ಲದಿದ್ದರೆ ಟಿಟಿಇ ಅಥವಾ ರೈಲ್ವೆ ಪೊಲೀಸರು ಸಿಕ್ಕಿಸಿದರೆ ತಕ್ಷಣ ದಂಡ ಕಟ್ಟಬೇಕಾಗುತ್ತದೆ.
- ದಂಡದ ಹಣ ಕೊಡದಿದ್ದರೆ ಕೋರ್ಟ್ಗೆ ಹೋಗಬಹುದು.
- ಸಣ್ಣ ತಪ್ಪು ದೊಡ್ಡ ನಷ್ಟಕ್ಕೆ ಕಾರಣವಾಗಬಹುದು.
- ರೈಲು ಪ್ರಯಾಣ ಸುರಕ್ಷಿತ ಮತ್ತು ಆರಾಮದಾಯಕವಾಗಿರಲಿ ಎಂಬುದು ರೈಲ್ವೆಯ ಉದ್ದೇಶ.
ಈ ಹೊಸ ನಿಯಮ ಎಲ್ಲಾ ರೈಲುಗಳಿಗೂ ಅನ್ವಯವಾಗುತ್ತದೆ. ಜುಲೈ 1ರಿಂದರಿಂದಲೇ ಹೊಸ ರೂಲ್ಸ್ ಜಾರಿಗೆ ಬರಲಿದೆ. ಪ್ರಯಾಣಿಕರೆಲ್ಲರೂ ಜಾಗರೂಕರಾಗಿ ಟಿಕೆಟ್ ತೆಗೆದುಕೊಂಡು ಪ್ರಯಾಣಿಸಿ. ಇದರಿಂದ ರೈಲ್ವೆ ಸುಧಾರಣೆಗೆ ಸಹಾಯವಾಗುತ್ತದೆ. ಟಿಕೆಟ್ ಇಲ್ಲದೆ ಪ್ರಯಾಣ ಮಾಡುವುದು ತಪ್ಪು ಎಂದು ಎಲ್ಲರೂ ಅರ್ಥಮಾಡಿಕೊಳ್ಳಬೇಕು.
