Last Updated:
ಐಸಿಸಿ 2027ರ ಏಕದಿನ ವಿಶ್ವಕಪ್‌ಗೆ ಮುನ್ನ ಭಾರತ ತಂಡದ ತಯಾರಿಯ ಕಡೆ ಬಿಸಿಸಿಐ ಗಮನ ಕೊಡುತ್ತಿದೆ. ದಕ್ಷಿಣ ಆಫ್ರಿಕಾದ ಪಿಚ್‌ಗಳಿಗೆ ಆಟಗಾರರು ಹೊಂದಿಕೊಳ್ಳಲು ಬಿಸಿಸಿಐ ಮಾಸ್ಟರ್ ಪ್ಲಾನ್ ಮಾಡುತ್ತಿದೆ.
ಮುಂದಿನ ಐಸಿಸಿ (ICC) 2027ರ ಏಕದಿನ (ODI) ವಿಶ್ವಕಪ್ (World Cup) ಅನ್ನು ಯಾವುದೇ ಬೆಲೆ ಕೊಟ್ಟಾದರೂ ಗೆಲ್ಲಬೇಕು ಎಂದು ಬಿಸಿಸಿಐ (BCCI) ನಿರ್ಧರಿಸಿದೆ. ಟೂರ್ನಿ ಶುರುವಾಗುವ ಮೊದಲೇ ತಂಡವನ್ನು ಸಿದ್ಧಪಡಿಸಲು ವಿಶೇಷ ಯೋಜನೆ ಮಾಡಲಾಗಿದೆ. ಅದರ ಭಾಗವಾಗಿ, ವಿಶ್ವಕಪ್‌ಗೆ ಮುನ್ನ ದಕ್ಷಿಣ ಆಫ್ರಿಕಾ(South Africa)ದಲ್ಲಿ ಆರು ಏಕದಿನ ಪಂದ್ಯಗಳ ಸರಣಿ ಆಡಿಸುವ ವೇಳಾಪಟ್ಟಿ ಸಿದ್ಧವಾಗುತ್ತಿದೆ. 2023ರ ವಿಶ್ವಕಪ್‌ನಲ್ಲಿ ಫೈನಲ್ ತಲುಪಿದ್ದ ಭಾರತ, ಆಸ್ಟ್ರೇಲಿಯಾ (Australia) ವಿರುದ್ಧ ಸೋತು ಎರಡನೇ ಸ್ಥಾನ ಪಡೆದಿತ್ತು. ಈ ಬಾರಿ ಯಾವುದೇ ತಪ್ಪು ಮಾಡದೆ ಟ್ರೋಫಿ ಗೆಲ್ಲುವ ನಿರೀಕ್ಷೆಯಲ್ಲಿದೆ.
ಹೌದು, 2027ರ ಏಕದಿನ ವಿಶ್ವಕಪ್‌ಗೆ ಮುನ್ನ ಭಾರತ ತಂಡದ ತಯಾರಿಯ ಕಡೆ ಬಿಸಿಸಿಐ ಗಮನ ಕೊಡುತ್ತಿದೆ. ದಕ್ಷಿಣ ಆಫ್ರಿಕಾದಲ್ಲಿ ಆರು ಏಕದಿನ ಪಂದ್ಯಗಳ ಸರಣಿ ಆಡಿಸಲು ಯೋಜನೆ ಸಿದ್ಧವಾಗುತ್ತಿದೆ. ವಿಶ್ವಕಪ್ ನಡೆಯುವ ಮೈದಾನಗಳಲ್ಲಿ ಮುಂಚಿತವಾಗಿ ಅನುಭವ ಪಡೆಯುವುದು, ವೇಗದ ಪಿಚ್‌ಗಳಲ್ಲಿ ಅಭ್ಯಾಸ ಮಾಡುವುದು ಹಾಗೂ ಯುವ ಆಟಗಾರರಿಗೆ ಅವಕಾಶ ಕೊಡುವುದು ಈ ಪ್ರವಾಸದ ಮುಖ್ಯ ಉದ್ದೇಶ.
ವಿಶ್ವಕಪ್ ಪಂದ್ಯಗಳು ಜೋಹಾನ್ಸ್‌ಬರ್ಗ್, ಕೇಪ್ ಟೌನ್ ಮತ್ತು ಸೆಂಚೂರಿಯನ್‌ನಲ್ಲಿ ನಡೆಯುವ ಸಾಧ್ಯತೆ ಇದೆ. ಆದ್ದರಿಂದ ಈ ಸ್ಥಳಗಳಲ್ಲೇ ಏಕದಿನ ಪಂದ್ಯಗಳನ್ನೂ ಆಡಿಸುವ ಯೋಜನೆ ಇದೆ. ದಕ್ಷಿಣ ಆಫ್ರಿಕಾದ ಪಿಚ್‌ಗಳು ಸಾಮಾನ್ಯವಾಗಿ ವೇಗವಾಗಿರುತ್ತವೆ. ಪಿಚ್‌ಗಳು ಸಾಮಾನ್ಯವಾಗಿ ವೇಗ ಮತ್ತು ಹೆಚ್ಚುವರಿ ಬೌನ್ಸ್‌ಗೆ ಹೆಸರುವಾಸಿಯಾಗಿದೆ.
ಐಸಿಸಿ ಇತ್ತೀಚೆಗೆ ಪ್ರಕಟಿಸಿದ ವೇಳಾಪಟ್ಟಿಯ ಪ್ರಕಾರ, 2027ರ ಏಕದಿನ ವಿಶ್ವಕಪ್ ಅನ್ನು ದಕ್ಷಿಣ ಆಫ್ರಿಕಾ, ಜಿಂಬಾಬ್ವೆ ಮತ್ತು ನಮೀಬಿಯಾ ಜಂಟಿಯಾಗಿ ಅಕ್ಟೋಬರ್ 2ರಿಂದ ನವೆಂಬರ್ 21ರವರೆಗೆ ನಡೆಸಲಿವೆ. ಗ್ರೂಪ್ ಎಯಲ್ಲಿರುವ ಭಾರತ ತಂಡ ಅಕ್ಟೋಬರ್ 7ರಂದು ಕೇಪ್ ಟೌನ್‌ನ ನ್ಯೂಲ್ಯಾಂಡ್ಸ್ ಮೈದಾನದಲ್ಲಿ ತನ್ನ ಮೊದಲ ಪಂದ್ಯವನ್ನು ಆಡುತ್ತದೆ. ಈ ಪಂದ್ಯದಲ್ಲಿ ಭಾರತ, ಕಳೆದ ಬಾರಿ ಫೈನಲ್‌ನಲ್ಲಿ ಎದುರಿಸಿದ್ದ ಆಸ್ಟ್ರೇಲಿಯಾವನ್ನು ಎದುರಿಸಲಿದೆ.
ನಂತರ ಅಕ್ಟೋಬರ್ 10ರಂದು ಜೋಹಾನ್ಸ್‌ಬರ್ಗ್‌ನ ಫೇಮಸ್ ವಾಂಡರರ್ಸ್ ಮೈದಾನದಲ್ಲಿ ಭಾರತ ತಣಡ ಪಾಕಿಸ್ತಾನವನ್ನು ಎದುರಿಸಲಿದೆ. ಈ ಟೂರ್ನಿಯಲ್ಲಿ ಪ್ರತಿ ತಂಡವೂ ಫೈನಲ್ ತಲುಪುವ ಮೊದಲು ಲೀಗ್ ಹಂತದಲ್ಲಿ ಕನಿಷ್ಠ ಒಂದು ಪಂದ್ಯವನ್ನಾದರೂ ಆಡಬೇಕು.
ಈ ದೀರ್ಘ ಏಕದಿನ ಸರಣಿ, ನಾಯಕ ಶುಭಮನ್ ಗಿಲ್ ನೇತೃತ್ವದ ಯುವ ತಂಡಕ್ಕೆ ದಕ್ಷಿಣ ಆಫ್ರಿಕಾದ ಪರಿಸ್ಥಿತಿಗಳನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ಅವಕಾಶ ಕೊಡುತ್ತದೆ. ಆಯ್ಕೆದಾರರು ಹಿರಿಯ ಆಟಗಾರರಿಗೆ ಮಾತ್ರವಲ್ಲ, ಮುಂದಿನ ದಿನಗಳ ಅಗತ್ಯವನ್ನು ನೋಡಿ ಯುವ ವೇಗಿಗಳು ಮತ್ತು ಬ್ಯಾಟರ್ಗಳಿಗೂ ಸಾಕಷ್ಟು ವಿಶ್ರಾಂತಿ ಮತ್ತು ಪಂದ್ಯದ ಅಭ್ಯಾಸ ಸಿಗುವಂತೆ ನೋಡುತ್ತಿದ್ದಾರೆ.
ಗುಂಪು ಹಂತ ಮುಗಿದ ನಂತರ, ಅಕ್ಟೋಬರ್ 25 ರಿಂದ ಆರಂಭವಾಗುವ ಸೂಪರ್-7 ಸುತ್ತಿಗೆ ಒಳ್ಳೆಯ ತಂತ್ರಗಳು ಬೇಕಾಗುತ್ತವೆ. ಈ ಹಿನ್ನೆಲೆಯಲ್ಲಿ, ಬಿಸಿಸಿಐ ಮುಂಚಿತವಾಗಿ ಏರ್ಪಡಿಸುತ್ತಿರುವ ಈ ವಿಶೇಷ ಸರಣಿ ಭಾರತ ತಂಡದ ಯಶಸ್ಸಿಗೆ ಮುಖ್ಯ ಪಾತ್ರ ವಹಿಸುತ್ತದೆ ಎಂದು ಕ್ರಿಕೆಟ್ ತಜ್ಞರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
