ಆದರೆ ರಣವೀರ್ ಸಿಂಗ್ ಈ ವಿಷ್ಯದ ಬಗ್ಗೆ ಇನ್ನು ಮೌನವಾಗಿಯೇ ಇದ್ದಾರೆ. ಈ ಸಂದರ್ಭದಲ್ಲಿ ಅವರ ತಂಡ ಪ್ರತಿಕ್ರಿಯೆ ನೀಡಿ ಅವರು ಎಂದಿಗೂ ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿಲ್ಲ. ವೃತ್ತಿಪರ ವಿಷಯಗಳು ಮತ್ತು ವೈಯಕ್ತಿಕ ಸಂಬಂಧಗಳನ್ನು ಘನತೆ, ತಿಳುವಳಿಕೆ ಮತ್ತು ಪರಸ್ಪರ ಗೌರವದಿಂದ ನಿರ್ವಹಿಸಬೇಕು ಎಂದು ಅವರು ನಂಬುತ್ತಾರೆ.

ಫರ್ಹಾನ್ ಅಖ್ತರ್ ಅವರ ದೂರಿನ ನಂತರ, FWICE ಮುಖ್ಯ ಸಲಹೆಗಾರ ಅಶೋಕ್ ಪಂಡಿತ್ ಮಾತನಾಡಿ ಚಲನಚಿತ್ರೋದ್ಯಮವು ನಂಬಿಕೆಯ ಮೇಲೆ ನಿರ್ಮಿಸಲಾದ ವ್ಯವಸ್ಥೆಯಾಗಿದೆ. ಒಬ್ಬ ನಿರ್ಮಾಪಕ ನಟನೊಂದಿಗೆ ಒಪ್ಪಂದ ಮಾಡಿಕೊಂಡ ನಂತರ, ಇಡೀ ತಂಡವು ಅದಕ್ಕೆ ಅನುಗುಣವಾಗಿ ಕೆಲಸ ಮಾಡಲು ಪ್ರಾರಂಭಿಸುತ್ತದೆ. ಚಲನಚಿತ್ರ ತಯಾರಿ, ಶೂಟಿಂಗ್ ಯೋಜನೆ, ಸ್ಥಳಗಳು, ತಾಂತ್ರಿಕ ತಂಡ, ಸೆಟ್‌ಗಳು ಮತ್ತು ಇತರ ಎಲ್ಲದಕ್ಕೂ ಕೋಟ್ಯಂತರ ರೂಪಾಯಿಗಳನ್ನು ಖರ್ಚು ಮಾಡಲಾಗುತ್ತದೆ.

ಚಲನಚಿತ್ರ ತಯಾರಿ ಪ್ರಾರಂಭವಾದ ತಕ್ಷಣ, ನಿರ್ಮಾಪಕರ ಹಣ ನಿರಂತರವಾಗಿ ಹರಿಯಲು ಪ್ರಾರಂಭಿಸುತ್ತದೆ ಎಂದು ಅವರು ಹೇಳಿದರು. ಆದ್ದರಿಂದ, ಒಬ್ಬ ನಟ ಕೊನೆಯ ಕ್ಷಣದಲ್ಲಿ ಯೋಜನೆಯನ್ನು ತೊರೆದರೆ, ಅದು ನಿರ್ಮಾಪಕರ ಮೇಲೆ ಮಾತ್ರವಲ್ಲದೆ ನೂರಾರು ಕಾರ್ಮಿಕರು ಮತ್ತು ತಂತ್ರಜ್ಞರ ಮೇಲೂ ಪರಿಣಾಮ ಬೀರುತ್ತದೆ ಎಂದು ತಿಳಿಸಿದ್ದಾರೆ.