ನೆಟ್‌ವರ್ಕ್ 18 ಆಯೋಜಿಸಿರುವ ಈ ಫಿಟ್‌ನೆಸ್ ಹಬ್ಬ ಅಕ್ಟೋಬರ್ 11ರಂದು ಬೆಳಿಗ್ಗೆ 5:30ರಿಂದ ನೈಸ್ ರೋಡ್ ಟೋಲ್ ಪ್ಲಾಜಾ ಬಳಿ ನಡೆಯಲಿದೆ. 1 ಕಿ.ಮೀ. ಮತ್ತು 2 ಕಿ.ಮೀ. ಮಕ್ಕಳ ಫನ್ ರನ್‌ನಿಂದ ಹಿಡಿದು 3 ಕಿ.ಮೀ. ವಾಕಥಾನ್, 5 ಕಿ.ಮೀ. ಮತ್ತು 10 ಕಿ.ಮೀ. ಓಟ ಹಾಗೂ 21 ಕಿ.ಮೀ. ಹಾಫ್ ಮ್ಯಾರಥಾನ್‌ವರೆಗೆ ವಿಭಾಗಗಳಿರುವುದರಿಂದ, ಬನ್ನೇರುಘಟ್ಟದ ತರಬೇತಿ ಓಟವು ವಿವಿಧ ದೂರಗಳಿಗೆ ಸಿದ್ಧರಾಗುತ್ತಿರುವ ರನ್ನರ್‌ಗಳಿಗೆ ಪ್ರಾಯೋಗಿಕ ಅಭ್ಯಾಸವಾಗಿದೆ. ನಗರದ ವಿವಿಧ ಭಾಗಗಳಿಂದ ರನ್ನರ್‌ಗಳು ಭಾಗವಹಿಸುತ್ತಿದ್ದು ಅಕ್ಟೋಬರ್ 11ರಂದು ನೈಸ್ ರೋಡ್‌ನಲ್ಲಿ 10,000 ರನ್ನರ್‌ಗಳು ಸೇರುವ ನಿರೀಕ್ಷೆಯಿದೆ.

ಸ್ಪರ್ಧಾತ್ಮಕ ವಿಭಾಗಗಳಿಗೆ ಸುಮಾರು ₹3–4 ಲಕ್ಷ ಬಹುಮಾನ ಘೋಷಿಸಲಾಗಿದೆ. ಜೊತೆಗೆ ಬ್ರಾಂಡೆಡ್ ಟಿ-ಶರ್ಟ್, ಫಿನಿಶರ್ ಮೆಡಲ್, ಬಿಬ್, ಇ-ಸರ್ಟಿಫಿಕೇಟ್, ಹೈಡ್ರೇಷನ್, ಜುಂಬಾ ಮತ್ತು ಫಿಟ್‌ನೆಸ್ ಫೆಸ್ಟಿವಲ್, ಲೈವ್ ಮ್ಯೂಸಿಕ್ ಹಾಗೂ ವೃತ್ತಿಪರ ಫೋಟೋಗ್ರಫಿ ಮತ್ತಷ್ಟು ಮೆರುಗು ನೀಡಲಿದೆ. ಇಂತಹ ದೊಡ್ಡ ಮಟ್ಟದ ಆಯೋಜನೆಯ ನಡುವೆ, ತರಬೇತಿ ಓಟ ಮತ್ತು ಸಮುದಾಯ ಕಾರ್ಯಕ್ರಮಗಳು ಈವೆಂಟ್‌ಗೆ ಮತ್ತಷ್ಟು ಉತ್ಸಾಹ ತುಂಬಿದೆ.

ಬನ್ನೇರುಘಟ್ಟದಲ್ಲಿ ನಡೆದ ತರಬೇತಿ ಓಟವು ಕೇವಲ ಅಭ್ಯಾಸಕ್ಕಾಗಿ ಸೀಮಿತವಾಗಿರಲಿಲ್ಲ. ಪೇಸರ್‌ಗಳು ಮತ್ತು ಉತ್ಸಾಹಿಗಳು ಒಟ್ಟಿಗೆ ಓಡುವ ಮೂಲಕ ರೇಸ್ ದಿನದ  ಪ್ರಾಮುಖ್ಯತೆ ಏನು ಎಂಬುವುದನ್ನು ಕಂಡುಕೊಂಡರು. ಇಂತಹ ಸಿದ್ಧತೆಗಳು ಅಕ್ಟೋಬರ್ 11ರಂದು ನೈಸ್ ರೋಡ್‌ನಲ್ಲಿ ನಡೆಯಲಿರುವ ದೊಡ್ಡ ಸಮಾಗಮಕ್ಕೆ ಭದ್ರ ನೆಲೆಯನ್ನು ಒದಗಿಸುತ್ತಿವೆ.

ರನ್ನರ್ಸ್‌ಗಳ ಈ ನಿರಂತರ ತೊಡಗುವಿಕೆ, ನಮ್ಮ ರನ್ ಬೆಂಗಳೂರು ಕೇವಲ ಒಂದು ದಿನದ ಈವೆಂಟ್ ಅಲ್ಲ, ನಗರದಾದ್ಯಂತ ಬೆಳೆಯುತ್ತಿರುವ ಫಿಟ್‌ನೆಸ್ ಚಳುವಳಿ ಎಂಬುದಕ್ಕೆ ಸಾಕ್ಷಿ ಎಂಬಂತಿದೆ. ತರಬೇತಿ ಓಟ ಮುಂದುವರೆದಂತೆ, ಮ್ಯಾರಥಾನ್‌ ದಿನದ ನಿರೀಕ್ಷೆಯೂ ಹಂತ ಹಂತವಾಗಿ ಹೆಚ್ಚುತ್ತಿದೆ.