ಕಾನ್ಸ್‌ಟೇಬಲ್ ಸರೋಜಾ ಖ್ಯಾತಿಯ ಕನ್ನಡದ ನಟಿ ತ್ರಿವೇಣಿ ರಾವ್ ಅಲಿಯಾಸ್ ರುಷಿಕಾ ರಾಜ್ ಮದುವೆಯಾಗಿದ್ದಾರೆ. ತ್ರಿಪುರಾದ ಮಾಜಿ ಸಿಎಂ ಬಿಪ್ಲಬ್ ಕುಮಾರ್ ದೇಬ್‌ರನ್ನು ತ್ರಿವೇಣಿ ರಾವ್ ವಿವಾಹವಾಗಿದ್ದಾರೆ. ದೆಹಲಿಯಲ್ಲಿ ಕೇವಲ ಕುಟುಂಬಸ್ಥರು, ಆಪ್ತೇಷ್ಠರ ಸಮ್ಮುಖದಲ್ಲಿ ತ್ರಿವೇಣರಾವ್ ಹಾಗೂ ಬಿಪ್ಲಬ್ ಕುಮಾರ್ ದೇವ್ ವಿವಾಹ ನೆರವೇರಿದೆ.

ತ್ರಿವೇಣಿ ರಾವ್ ಸೂರಿ ನಿರ್ದೇಶನದ, ಶಿವರಾಜ್‌ಕುಮಾರ್, ಡಾಲಿ ಧನಂಜಯ್ ಅಭಿನಯದ ಟಗರು ಸಿನಿಮಾದ ಮೂಲಕ ಖ್ಯಾತಿ ಗಳಿಸಿದ್ದರು. ಕಾನ್ಸ್‌ಟೇಬಲ್ ಸರೋಜಾ ಎಂಬ ಕ್ಯಾರೆಕ್ಟರ್ ಮಾಡಿದ್ದ ತ್ರಿವೇಣಿ ರಾವ್, ಅಂದು ಕನ್ನಡಿಗರ ಹೊಸ ಕ್ರಶ್ ಆಗಿದ್ದರು.

ಬಳಿಕ ತ್ರಿವೇಣಿ ರಾವ್ ಹಲವು ಸಿನಿಮಾಗಳಲ್ಲಿ ನಟಿಸಿದ್ರು. ತಾಯಿಗೆ ತಕ್ಕ ಮಗ, ರಾಜ ಮಾರ್ತಾಂಡ, ಸಲಗ, ಯುವರತ್ನ ಸೇರಿದಂತೆ ಕನ್ನಡದ ಹಲವು ಸಿನಿಮಾಗಳಲ್ಲಿ ನಟಿಸಿದ್ದ ತ್ರಿವೇಣಿ ರಾವ್, ಬಳಿಕ ತೆಲುಗಿನಲ್ಲೂ ಕೆಲವು ಸಿನಿಮಾಗಳಲ್ಲಿ ಲೀಡ್ ರೋಲ್‌ನಲ್ಲಿ ಕಾಣಿಸಿಕೊಂಡರು. ಇದಾದ ಬಳಿಕ ತಮ್ಮ ಹೆಸರನ್ನು ರುಷಿಕಾ ರಾಜ್ ಅಂತ ಬದಲಾಯಿಸಿಕೊಂಡರು.

ಬಿಪ್ಲಬ್ ಕುಮಾರ್ ದೇಬ್‌ ತ್ರಿಪುರಾದ ಮಾಜಿ ಸಿಎಂ ಆಗಿದ್ದು, ಹಾಲಿ ಬಿಜೆಪಿ ರಾಜ್ಯಸಭಾ ಸದಸ್ಯರಾಗಿದ್ದಾರೆ. 55 ವರ್ಷದ ಬಿಪ್ಲಬ್ ಕುಮಾರ್‌ ದೇಬ್‌ಗೆ ಇದು 2ನೇ ಮದುವೆ. ಈಗಾಗಲೇ ನೀತಿ ದೇವ್ ಎಂಬುವರನ್ನು ಮದುವೆಯಾಗಿದ್ದು, ಇಬ್ಬರ ನಡುವೆ ಡಿವೋರ್ಸ್ ಆಗಿದೆ. ಇದೀಗ ತಾಯಿ ಆಸೆಯಂತೆ ನಟಿ ತ್ರಿವೇಣಿ ರಾವ್‌ರನ್ನು 2ನೇ ವಿವಾಹವಾಗಿದ್ದಾರೆ ಎನ್ನಲಾಗಿದೆ.

2016 ರಲ್ಲಿ, ಬಿಪ್ಲಬ್ ದೇಬ್ ಅವರನ್ನು ತ್ರಿಪುರ ಬಿಜೆಪಿ ಅಧ್ಯಕ್ಷರನ್ನಾಗಿ ಆಯ್ಕೆ ಮಾಡಲಾಯಿತು. ನಂತರ 2018 ರಲ್ಲಿ, ತ್ರಿಪುರದಲ್ಲಿ ಬಿಜೆಪಿ ಅಧಿಕಾರಕ್ಕೆ ಬಂದಿತು. ಅಂದಿನಿಂದ ಅವರು ಮುಖ್ಯಮಂತ್ರಿಯಾಗಿ ಸೇವೆ ಸಲ್ಲಿಸಿದ್ದಾರೆ. ಆದರೆ 2022 ರಲ್ಲಿ ಅವರು ರಾಜೀನಾಮೆ ನೀಡಿ ರಾಜ್ಯಸಭೆಗೆ ಹೋದರು. 2024 ರಲ್ಲಿಯೂ ಸಹ, ಭಾರತೀಯ ಜನತಾ ಪಕ್ಷವು ಅವರಿಗೆ ಲೋಕಸಭೆಗೆ ಟಿಕೆಟ್ ನೀಡಿತು ಮತ್ತು ಅವರು ಅಲ್ಲಿಂದ ಸಂಸದರಾಗಿ ಆಯ್ಕೆಯಾದರು. ಬಿಪ್ಲಬ್ ತಮ್ಮ ಮಾಜಿ ಪತ್ನಿ ನೀತಿ ಅವರನ್ನು ರಾಜಕೀಯ ಕ್ಷೇತ್ರದಿಂದ ಭೇಟಿಯಾದರು. ಅಲ್ಲಿಂದ, ಆತ್ಮೀಯತೆಯ ಮೂಲಕ, ಇಬ್ಬರೂ ನಂತರ ವಿವಾಹವಾದರು. ದಂಪತಿಗೆ ಇಬ್ಬರು ಮಕ್ಕಳೂ ಇದ್ದರು.

ಸದ್ಯ ಬಿಪ್ಲಬ್ ಕುಮಾರ್ ದೇವ್ ಹಾಗೂ ತ್ರಿವೇಣಿ ರಾವ್ ದೆಹಲಿಯಲ್ಲಿ ವಿವಾಹವಾಗಿದ್ದಾರಂತೆ. ಜೂನ್ 24 ರಂದು ತ್ರಿಪುರದ ಹೋಟೆಲ್‌ನಲ್ಲಿ ಅವರ ಆರತಕ್ಷತೆಯನ್ನು ಅದ್ಧೂರಿಯಾಗಿ ಆಯೋಜಿಸಲಾಗುವುದು ಎಂದು ವರದಿಯಾಗಿದೆ.