Last Updated:
10 ದಿನಗಳ ಹಿಂದೆ ಚೀನಾ ವೀಚ್ಯಾಟ್ ಮತ್ತು ವೇಬೋದಲ್ಲಿ ಭಾರತೀಯ ರಾಯಭಾರಿ ಕಚೇರಿ ಹೊಂದಿದ್ದ ಖಾತೆಗಳಲ್ಲೂ ಕೆಲವು ಪೋಸ್ಟ್ಗಳು ಡಿಲೀಟ್ ಆಗಿದ್ದವು. ಪ್ರಧಾನಿ ಮೋದಿ ಅವರದ್ದು ಸೇರಿ ಭಾರತದ ಮೂರು ಅಧಿಕೃತ ಹೇಳಿಕೆಗಳನ್ನ ವಿಚ್ಯಾಟ್ ಅಕೌಂಟ್ನಿಂದ ಡಿಲೀಟ್ ಮಾಡಲಾಗಿತ್ತು.
ನವದೆಹಲಿ(ಜುಲೈ 01): ಭಾರತದಲ್ಲಿ 59 ಚೀನೀ ಆ್ಯಪ್ಗಳನ್ನ ನಿಷೇಧಿಸುವ ಕ್ರಮ ಜಾರಿಯಾದ ಬೆನ್ನಲ್ಲೇ ಇವತ್ತು ಚೀನಾದ ಸೋಷಿಯಲ್ ಮೀಡಿಯಾದಲ್ಲಿ ಪ್ರಧಾನಿ ಮೋದಿ ಹೊಂದಿದ್ದ ಖಾತೆಗಳಲ್ಲಿ ಪೋಸ್ಟ್ಗಳು ಡಿಲೀಟ್ ಆಗಿವೆ. ಟ್ವಿಟ್ಟರ್ ರೀತಿಯ ಮೈಕ್ರೋಸೋಷಿಯಲ್ ಮೀಡಿಯಾ ತಾಣವಾಗಿರುವ ಚೀನಾದ ವೇಬೋದಲ್ಲಿ ಪ್ರಧಾನಿ ಮೋದಿ ಹೊಂದಿದ್ದ ಖಾತೆಯಲ್ಲಿನ ಎಲ್ಲಾ ಪೋಸ್ಟ್ಗಳೂ ಅಳಿಸಿಹೋಗಿವೆ. ಅವರ ಪ್ರೊಫೈಲ್ ಫೋಟೋ, ಕಮೆಂಟ್ ಇತ್ಯಾದಿಗಳನ್ನ ತೆಗೆದುಹಾಕಲಾಗಿದೆ.
10 ದಿನಗಳ ಹಿಂದೆ ಚೀನಾ ವೀಚ್ಯಾಟ್ ಮತ್ತು ವೇಬೋದಲ್ಲಿ ಭಾರತೀಯ ರಾಯಭಾರಿ ಕಚೇರಿ ಹೊಂದಿದ್ದ ಖಾತೆಗಳಲ್ಲೂ ಕೆಲವು ಪೋಸ್ಟ್ಗಳು ಡಿಲೀಟ್ ಆಗಿದ್ದವು. ಪ್ರಧಾನಿ ಮೋದಿ ಅವರದ್ದು ಸೇರಿ ಭಾರತದ ಮೂರು ಅಧಿಕೃತ ಹೇಳಿಕೆಗಳನ್ನ ವಿಚ್ಯಾಟ್ ಅಕೌಂಟ್ನಿಂದ ಡಿಲೀಟ್ ಮಾಡಲಾಗಿತ್ತು.
ಪೋಸ್ಟ್ ಡಿಲೀಟ್ ಆದ ಬಳಿಕ ಮೋದಿ ಅವರ ವೇಬೋ ಅಕೌಂಟ್
ಇದೀಗ ಮೋದಿ ಅವರ ವೇಬೋ ಅಕೌಂಟ್ ಶೂನ್ಯಾವಸ್ತೆಯಲ್ಲಿದೆ. ಆದರೆ, ಚೀನಾ ಸರ್ಕಾರ ಉದ್ದೇಶಪೂರ್ವಕವಾಗಿ ಈ ಕೆಲಸ ಮಾಡಿದೆಯಾ ಎಂಬುದು ದೃಢಪಟ್ಟಿಲ್ಲ. ಚೀನಾದಲ್ಲಿರುವ ಭಾರತದ ರಾಯಭಾರಿ ಕಚೇರಿಯು ವೇಬೋ ಖಾತೆಯಿಂದ ಹೊರಬೀಳುವ ನಿರ್ಧಾರದ ಬಗ್ಗೆ ಯೋಜಿಸಿದೆ.
ಪೋಸ್ಟ್ ಡಿಲೀಟ್ ಆಗುವ ಮುನ್ನ ಇದ್ದ ಮೋದಿ ಅವರ ವೇಬೋ ಅಕೌಂಟ್
2015ರಲ್ಲಿ ಪ್ರಧಾನಿ ಮೋದಿ ಅವರು ವೇಬೋದಲ್ಲಿ ಖಾತೆ ಪ್ರಾರಂಭಿಸಿದ್ದರು. ಚೀನಾದ ಮಂದಾರಿನ್ ಭಾಷೆಯಲ್ಲಿ ಅವರು ಟ್ವೀಟ್ ಮಾಡುತ್ತಿದ್ದರು. ಸುಮಾರು 2.5 ಲಕ್ಷ ಫಾಲೋಯರ್ಸ್ಗಳನ್ನೂ ಸಂಪಾದಿಸಿದ್ದರು. 2015ರಿಂದ 2019ರವರೆಗೆ ಚೀನೀ ಅಧ್ಯಕ್ಷ ಕ್ಸಿ ಜಿನ್ಪಿಂಗ್ ಅವರ ಪ್ರತಿ ಜನ್ಮದಿನಕ್ಕೂ ಶುಭ ಹಾರೈಸುತ್ತಿದ್ದ ಮೋದಿ ಅವರು ಈ ವರ್ಷ ವಿಷ್ ಮಾಡಿಲ್ಲ.
