ಯುವ ಪ್ರತಿಭೆಗಳ ಬೆಳವಣಿಗಾಗಿ ರಿಲಯನ್ಸ್ ಫೌಂಡೇಷನ್ ನಿರಂತರವಾಗಿ ಮಾಡುತ್ತಿರುವ ಹೂಡಿಕೆಯ ಭಾಗವೇ ಈ ಪ್ರವಾಸವಾಗಿದೆ. ಜುಲೈ 11 ರಿಂದ 23 ರವರೆಗೆ ಜಪಾನ್‌ನ ಫುಕುವೋಕಾದಲ್ಲಿ ಭಾರತದ ಮೂರು ಕ್ಲಬ್‌ಗಳು ಜಪಾನ್‌ನ ಪ್ರಮುಖ ಯುವ ತಂಡಗಳಾದ ಅವಿಸ್ಪಾ ಫುಕುವೋಕಾ ಯು18, ಸಾಗನ್ ತೋಸು ಯು18, ಗಿರಾವಾಂಜ್ ಕಿಟಾಕ್ಯುಶು ಯು18 ಮತ್ತು ಎಫ್‌ಸಿ ಬಲೈನ್ ಶಿಮೋನೊಸೆಕಿ ಯು21 ವಿರುದ್ಧ ಸೆಣಸಾಡಲಿವೆ.

ಈ ಪ್ರವಾಸದ ಬಗ್ಗೆ ಬಿಎಫ್​ಸಿ ಸಹಾಯಕ ಕೋಚ್ ಅನೂಪ್ ಥೆರೇಸ್ ರಾಜ್ ಅವರು ಮಾತನಾಡಿ, “ಈ ಆರ್‌ಎಫ್‌ಡಿಎಲ್ (RFDL) ಪ್ಲಾಟ್‌ಫಾರ್ಮ್ ಕೊಟ್ಟಿರೋದು ತುಂಬಾ ಒಳ್ಳೆಯ ಪ್ಲಾಟ್‌ಫಾರ್ಮ್ ನಮಗೆ. ಯಾಕೆಂದ್ರೆ, ನಾವು ಈ 23 ಮ್ಯಾಚ್ ಆಡಿ, ಗೆದ್ದು ಇಂಡಿಯಾಗೆ ಚಾಂಪಿಯನ್ ಆಗಿದ್ದೀವಿ. ಸೋ, ಇವಾಗ ನಮಗೆ ರಿಯಲ್ ಟೆಸ್ಟ್ ಜಪಾನ್ ಟೂರ್ ಕೊಟ್ಟಿರೋದು. ಆರ್‌ಎಫ್‌ಡಿಎಲ್ ಕೊಟ್ಟಿರೋದು ತುಂಬಾ ಒಳ್ಳೆಯ ಪ್ಲಾಟ್‌ಫಾರ್ಮ್. ನಾವು ಎಲ್ಲಿ ನಿಂತಿದ್ದೀವಿ? ಇವಾಗ ಜಪಾನ್ ಹೆಂಗೆ ಆಡ್ತಾ ಇದ್ದಾರೆ, ವರ್ಲ್ಡ್ ಕಪ್ ಅಲ್ಲಿ ಹೆಂಗೆ ಆಡ್ತಾ ಇದ್ದಾರೆ ನೋಡಿದ್ದೀವಿ. ಸೋ, ಅವರು ಯಾವ ಲೆವೆಲ್ ಅಲ್ಲಿ ಇದ್ದಾರೆ ನಮಗೆ ಗೊತ್ತಿದೆ.

ಆಟಗಾರರ ಬೆಳವಣಿಗೆ ಜೊತೆಗೆ ಕೋಚ್‌ಗಳ ಬೆಳವಣಿಗೆಯೂ ಅಷ್ಟೇ ಮುಖ್ಯ ಎಂಬುದನ್ನು ಗುರುತಿಸಿರುವ ಈ ಕಾರ್ಯಕ್ರಮವು, ಪ್ರವಾಸದಲ್ಲಿ ಭಾಗವಹಿಸುವ ಕ್ಲಬ್‌ಗಳ ಆರು ಮಂದಿ ಕೋಚ್‌ಗಳಿಗಾಗಿ ‘ಅವಿಸ್ಪಾ ಫುಕುವೋಕಾ’ದಲ್ಲಿ ಮೂರು ದಿನಗಳ ವಿಶೇಷ ಕೋಚಿಂಗ್ ಮಾಡ್ಯೂಲ್ ಅನ್ನು ಸಹ ಒಳಗೊಂಡಿದೆ. ಇದರಲ್ಲಿ ವೈಯಕ್ತಿಕ ಅಭಿವೃದ್ಧಿ ಯೋಜನೆಗಳು, ಆಟಗಾರರ ಪ್ರಗತಿ ಮತ್ತು ಹೈ-ಪರ್ಫಾರ್ಮೆನ್ಸ್ ಪರಿಸರದ ಕುರಿತು ಸೆಷನ್‌ಗಳು ಇರಲಿವೆ. ಕೇವಲ ಮೂರೇ ವರ್ಷಗಳಲ್ಲಿ ಜೆ2 ಲೀಗ್‌ನಿಂದ ಎಎಫ್‌ಸಿ ಚಾಂಪಿಯನ್ಸ್ ಲೀಗ್ ಎಲೈಟ್ ಫೈನಲ್‌ಗೆ ಲಗ್ಗೆ ಇಟ್ಟಿರುವ ‘ಎಫ್‌ಸಿ ಮಾಚಿಡಾ ಝೆಲ್ವಿಯಾ’ ಕ್ಲಬ್‌ನ ಫುಟ್‌ಬಾಲ್ ಡೈರೆಕ್ಟರ್ ಜೊತೆಗಿನ ಸಂವಾದವೂ ಇದರಲ್ಲಿ ಒಳಗೊಂಡಿದೆ.