Last Updated:
ಜುಲೈನಲ್ಲಿ ಪೀಕ್ ಸೀಸನ್ ಇಲ್ಲದ ಕಾರಣ ಫ್ಲೈಟ್ ದರ ಕಡಿಮೆ, ಮಾಲ್ಡೀವ್ಸ್, ನೇಪಾಳ, ವಿಯೆಟ್ನಾಂಗೆ ಅಗ್ಗದ ಟ್ರಿಪ್ ಸಾಧ್ಯ, ವಿಯೆಟ್ನಾಂಗೆ ಇ ವೀಸಾ, 2026 ಏಪ್ರಿಲ್ 15ರಿಂದ ಡಿಜಿಟಲ್ ವಲಸೆ ಘೋಷಣೆ ಕಡ್ಡಾಯ.
ಬೆಂಗಳೂರು: ನೀವು ಬೆಂಗಳೂರಿನ (Bengaluru) ಮಳೆ ಮತ್ತು ನಗರದ ಟ್ರಾಫಿಕ್ಗೆ (Traffic) ಬೇಸತ್ತಿದ್ದೀರಾ? ಹಾಗಾದರೆ ಜುಲೈ (July) ತಿಂಗಳು ನಿಮ್ಮ ಪಾಲಿನ ‘ಟ್ರಾವೆಲ್ ಮಂತ್’ ಆಗಲಿದೆ. ಹೌದು, ಈ ತಿಂಗಳು ವಿದೇಶ ಪ್ರವಾಸ (Foreign Trip) ಮಾಡಲು ಅತಿ ಅಗ್ಗದ ಅವಧಿಯಾಗಿದೆ. ಪೀಕ್ ಸೀಸನ್ ಇಲ್ಲದಿರುವುದರಿಂದ ವಿಮಾನದ (Flight) ಟಿಕೆಟ್ ದರಗಳು ಕಡಿಮೆ ಇರುತ್ತವೆ, ಜೊತೆಗೆ ಪ್ರವಾಸದ ವೆಚ್ಚವೂ ಕೈಗೆಟುಕುವಂತಿರಲಿದೆ. ನಿಮಗಾಗಿ ಇಲ್ಲಿದೆ ಟಾಪ್ 3 ತಾಣಗಳು.
ನಿಮಗೆ ಐಷಾರಾಮಿ ರೆಸಾರ್ಟ್ನಲ್ಲಿ ಉಳಿಯುವ ಆಸೆ ಇದೆಯೇ? ಜುಲೈನಲ್ಲಿ ಮಾಲ್ಡೀವ್ಸ್ ಗೆ ಭೇಟಿ ನೀಡಿ. ಸೀಸನ್ ಅಲ್ಲದ ಕಾರಣ ರೆಸಾರ್ಟ್ಗಳ ದರಗಳು ಅಗ್ಗವಾಗಿರುತ್ತವೆ. ಕೇವಲ 17,794 ರೂಪಾಯಿ (ರಿಟರ್ನ್ ವಿಮಾನ ದರ) ದಲ್ಲೇ ನೀವು ಈ ಸುಂದರ ದ್ವೀಪವನ್ನು ತಲುಪಬಹುದು. ಭಾರತೀಯರಿಗೆ ವೀಸಾ ಆನ್ ಅರೈವಲ್ ಸೌಲಭ್ಯವಿರುವುದು ಇಲ್ಲಿನ ವಿಶೇಷ ಎಂದು ಸಿಎನ್ಟ್ರಾವೆಲರ್.ಇನ್ ವೆಬ್ಸೈಟ್ ವರದಿ ಮಾಡಿದೆ.
ವಿಯೆಟ್ನಾಂನ ಹಳೆಯ ಪಟ್ಟಣಗಳ ಬೀದಿಗಳಲ್ಲಿ ಅಲೆದಾಡುವುದು ಮತ್ತು ಅಲ್ಲಿನ ಫೋದ ಸವಿಯುವುದೇ ಒಂದು ಅದ್ಭುತ ಅನುಭವ. ಮಧ್ಯ ವಿಯೆಟ್ನಾಂನ ಡಾ ನಾಂಗ್ ಮತ್ತು ಹೋಯಿ ಆನ್ನಲ್ಲಿ ಜುಲೈನಲ್ಲಿ ಹವಾಮಾನವು ಬೀಚ್ ಪ್ರವಾಸಕ್ಕೆ ಹೇಳಿ ಮಾಡಿಸಿದಂತಿದೆ. ಹಚ್ಚ ಹಸಿರಿನ ಭೂದೃಶ್ಯಗಳು ನಿಮ್ಮ ಮನಸ್ಸಿಗೆ ಮುದ ನೀಡುತ್ತವೆ.ಬೆಂಗಳೂರು-ಹೋ ಚಿ ಮಿನ್ಹ್ ನಗರಕ್ಕೆ ಹಿಂದಿರುಗುವ ವಿಮಾನಗಳು ಸುಮಾರು ರೂ.21,516
ವಿಯೆಟ್ನಾಂಗೆ ಪ್ರವೇಶಿಸಲು ಭಾರತೀಯ ಪ್ರಜೆಗಳಿಗೆ ವೀಸಾ ಅಗತ್ಯವಿದೆ. ವಿಯೆಟ್ನಾಂ ಭಾರತೀಯ ನಾಗರಿಕರಿಗೆ ಇ-ವೀಸಾವನ್ನು ನೀಡುತ್ತದೆ. ವಿಯೆಟ್ನಾಂ ವಲಸೆ ಇಲಾಖೆ ಹೊರಡಿಸಿದ ಹೊಸ ನಿಯಮಗಳ ಅಡಿಯಲ್ಲಿ, ಹೋ ಚಿ ಮಿನ್ಹ್ ನಗರದ ಟಾನ್ ಸನ್ ನಾಟ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸುವ ಪ್ರಯಾಣಿಕರು ಈಗ ಆಗಮನದ ಮೊದಲು ಡಿಜಿಟಲ್ ವಲಸೆ ಘೋಷಣೆಯನ್ನು ಪೂರ್ಣಗೊಳಿಸಬೇಕು, ಇದು ಏಪ್ರಿಲ್ 15, 2026 ರಿಂದ ಜಾರಿಗೆ ಬರುತ್ತದೆ.
ಜುಲೈ ಮಾನ್ಸೂನ್ ಕಾಲವಾಗಿರುವುದರಿಂದ, ನಿಮ್ಮ ಪ್ರಯಾಣದ ಯೋಜನೆಯನ್ನು ಸ್ವಲ್ಪ ಫ್ಲೆಕ್ಸಿಬಲ್ ಆಗಿ ಇಟ್ಟುಕೊಳ್ಳಿ. ಸಾಂದರ್ಭಿಕ ಮಳೆಗಳನ್ನು ಮೀರಿ, ಹೊಸ ಜಾಗಗಳನ್ನು ಅನ್ವೇಷಿಸುವುದು ನಿಮ್ಮ ಈ ಬಾರಿಯ ಜುಲೈ ಪ್ರವಾಸವನ್ನು ಸ್ಮರಣೀಯವಾಗಿಸಲಿದೆ.
Bangalore [Bangalore],Bangalore,Karnataka
