ಜಪಾನ್‌ನಲ್ಲಿ ನಡೆಯಲಿರುವ 2026ರ ಏಷ್ಯನ್ ಗೇಮ್ಸ್ (Asian Games) ಮತ್ತು ವೆಸ್ಟ್ ಇಂಡೀಸ್ (West Indies) ವಿರುದ್ಧದ ತವರಿನ ಏಕದಿನ ಸರಣಿಯಿಂದಾಗಿ (ODI Series) ಭಾರತೀಯ ಕ್ರಿಕೆಟ್‌ನಲ್ಲಿ ಅಪರೂಪದ ಸನ್ನಿವೇಶವೊಂದು ನಿರ್ಮಾಣವಾಗಲಿದೆ. ಎರಡು ಭಾರತೀಯ ತಂಡಗಳು ಏಕಕಾಲದಲ್ಲಿ ಎರಡು ವಿಭಿನ್ನ ಪಂದ್ಯಾವಳಿಗಳಲ್ಲಿ ಆಡುವುದು ಅಪರೂಪದ ಕ್ಷಣ ಇದಾಗಿದೆ. ಮೂರು ವರ್ಷಗಳ ಹಿಂದೆ ಇದೇ ರೀತಿಯ ಪರಿಸ್ಥಿತಿ ಉಂಟಾಗಿತ್ತು. ಆಗ ಋತುರಾಜ್ ಗಾಯಕ್ವಾಡ್ ನೇತೃತ್ವದ ಭಾರತೀಯ ಟಿ20 ತಂಡವು ಏಷ್ಯನ್ ಗೇಮ್ಸ್‌ಗಾಗಿ ಚೀನಾದಲ್ಲಿದ್ದರೆ, ರೋಹಿತ್ ಶರ್ಮಾ ನೇತೃತ್ವದ ಏಕದಿನ ತಂಡವು ಭಾರತದಲ್ಲಿ ನಡೆಯಲಿರುವ ವಿಶ್ವಕಪ್​​ನಲ್ಲಿ ತೊಡಗಿಸಿಕೊಂಡಿತ್ತು. ಆದರೆ ಅಂದು ಯುವ ತಂಡ ಏಷ್ಯನ್ ಗೇಮ್ಸ್​ಗೆ ತೆರಳಿತ್ತು. ಇಂದು ಸೀನಿಯರ್ ಟಿ20 ತಂಡವೇ ಜಪಾನ್​ಗೆ ತೆರಳಿದೆ.