ಬರುವ 2026ರ ಅಕ್ಟೋಬರ್ ನಿಂದ ವಾರಕ್ಕೆ ಬರೋಬ್ಬರಿ ಐದು ದಿನ, 11.5 ರಿಂದ 15 ಗಂಟೆಗಳ ಕಾಲ ಈ ಐಷಾರಾಮಿ ಸೇವೆ ಲಭ್ಯವಿರಲಿದೆ.  ಇದರಿಂದಾಗಿ ನೀವು ಜ್ಯೂರಿಕ್ ತಲುಪುವುದು ಮಾತ್ರವಲ್ಲದೇ, ಲುಫ್ತಾನ್ಸಾ ಸಮೂಹದ ಬೃಹತ್ ನೆಟ್‍ವರ್ಕ್ ಮೂಲಕ ಯುರೋಪ್ ಮತ್ತು ಉತ್ತರ ಅಮೆರಿಕಾದ ಪ್ರಮುಖ ನಗರಗಳಿಗೆ ಅತ್ಯಂತ ಸುಲಭವಾಗಿ ಪ್ರಯಾಣಿಸಬಹುದು.

ಕೇವಲ ಬೆಂಗಳೂರಿನವರಿಗೆ ಮಾತ್ರವಲ್ಲ, ಕರ್ನಾಟಕದ ಜನರಿಗೂ ಇದು ಲಕ್ಕಿ ಚಾನ್ಸ್. ಬೆಂಗಳೂರು ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ ದೇಶೀಯ ಸಂಪರ್ಕ ಜಾಲವನ್ನು ಬಳಸಿಕೊಂಡು, ನೀವು ಒಂದೇ ಒಂದು ಟಿಕೆಟ್ ಬುಕ್ ಮಾಡಿ ನಿಮ್ಮ ಊರಿನಿಂದ ಜ್ಯೂರಿಕ್‍ಗೆ ತಡೆರಹಿತ ಪ್ರಯಾಣ ಬೆಳೆಸಬಹುದು ಎಂದು ಕೆಂಪೇಗೌಡ ವಿಮಾನ ನಿಲ್ದಾಣದ ಮುಖ್ಯ ಕಾರ್ಯಾಚರಣಾಧಿಕಾರಿ ಗಿರೀಶ್ ನಾಯರ್ ತಿಳಿಸಿದ್ದಾರೆ.

ಲುಫ್ತಾನ್ಸಾ ಗ್ರೂಪ್‍ನ ಈ ಹೊಸ ಸೇವೆಯಲ್ಲಿ ಫಸ್ಟ್ ಕ್ಲಾಸ್, ಬಿಸಿನೆಸ್ ಕ್ಲಾಸ್ ಹಾಗೂ ಎಕಾನಮಿ ಕ್ಲಾಸ್ ಎಂಬ ಮೂರು ವಿಭಾಗಗಳಿರುತ್ತವೆ. ಪ್ರೀಮಿಯಂ ಲೌಂಜ್‍ಗಳು ಮತ್ತು ಜಗತ್ಪ್ರಸಿದ್ಧ ಸ್ವಿಸ್ ಆಹಾರ ಪದ್ಧತಿಯ ರುಚಿಯನ್ನು ಸವಿಯುತ್ತಾ ನೀವು ನಿರಾಳವಾಗಿ ಪ್ರಯಾಣಿಸಬಹುದು. 2026ರ ಚಳಿಗಾಲದ ವೇಳೆಗೆ ಭಾರತದಿಂದ ವಾರಕ್ಕೆ 70ಕ್ಕೂ ಹೆಚ್ಚು ವಿಮಾನಗಳನ್ನು ಮುನ್ನಡೆಸಲು ಲುಫ್ತಾನ್ಸಾ ಪ್ಲಾನ್ ಮಾಡಿದೆ.

ನೀವೇನಾದರೂ ಯುರೋಪ್ ಪ್ರವಾಸದ ಪ್ಲಾನ್‍ನಲ್ಲಿದ್ದರೆ ತಡ ಮಾಡಬೇಡಿ. ಈ ಅದ್ಭುತ ಮಾರ್ಗದ ವಿಮಾನ ಟಿಕೆಟ್‍ಗಳು ಇಂದಿನಿಂದಲೇ swiss.com ವೆಬ್‍ಸೈಟ್ ಹಾಗೂ ನಿಮ್ಮ ಹತ್ತಿರದ ಟ್ರಾವೆಲ್ ಏಜೆನ್ಸಿಗಳಲ್ಲಿ ಬುಕ್ಕಿಂಗ್‍ಗೆ ಮುಕ್ತವಾಗಿವೆ. ಇನ್ನೇಕೆ ತಡ? ಈಗಲೇ ನಿಮ್ಮ ಸೀಟ್ ಕನ್ಫರ್ಮ್ ಮಾಡಿಕೊಳ್ಳಿ.

ಲುಫ್ತಾನ್ಸಾ ಗ್ರೂಪ್ ಜಾಗತಿಕ ಮಟ್ಟದಲ್ಲಿ ಕಾರ್ಯನಿರ್ವಹಿಸುವ ಪ್ರಮುಖ ವಿಮಾನಯಾನ ಸಮೂಹವಾಗಿದೆ. ವಿಶ್ವದ 164 ದೇಶಗಳ 1 ಲಕ್ಷಕ್ಕೂ ಹೆಚ್ಚು ಸಿಬ್ಬಂದಿಯನ್ನು ಹೊಂದಿರುವ ಈ ಸಂಸ್ಥೆ, 2025ರಲ್ಲಿ 13.5 ಕೋಟಿಗೂ ಹೆಚ್ಚು ಪ್ರಯಾಣಿಕರಿಗೆ ಸೇವೆ ಒದಗಿಸಿದೆ ಹಾಗೂ 39.6 ಬಿಲಿಯನ್ ಯುರೋ ಆದಾಯ ದಾಖಲಿಸಿದೆ. ಪ್ರಯಾಣಿಕರ ವಿಮಾನ ಸೇವೆಯು ಸಂಸ್ಥೆಯ ಪ್ರಮುಖ ವ್ಯವಹಾರ ವಿಭಾಗವಾಗಿದ್ದು, ಲಾಜಿಸ್ಟಿಕ್ಸ್ ಹಾಗೂ ವಿಮಾನ ನಿರ್ವಹಣೆ, ದುರಸ್ತಿ ಮತ್ತು ಮರುಪರಿಶೀಲನೆ (ಎಂಆರ್‌ಒ) ಸೇರಿದಂತೆ ಹಲವು ಕ್ಷೇತ್ರಗಳಲ್ಲಿ ಸಂಸ್ಥೆ ಪ್ರಮುಖ ಸ್ಥಾನದಲ್ಲಿದೆ. ಮಾಹಿತಿ ತಂತ್ರಜ್ಞಾನ ಸಂಸ್ಥೆಗಳು ಹಾಗೂ ಲುಫ್ತಾನ್ಸಾ ಏವಿಯೇಷನ್ ಟ್ರೈನಿಂಗ್ ಸೇರಿದಂತೆ ಇತರ ಘಟಕಗಳು ಸಂಸ್ಥೆಯ ಪ್ರಮುಖ ಅಂಗಗಳಾಗಿವೆ. ಸಂಸ್ಥೆಯ ಎಲ್ಲಾ ಏರ್‌ಲೈನ್‌ಗಳು ಮತ್ತು ವ್ಯವಹಾರ ವಿಭಾಗಗಳು ತಮ್ಮ ತಮ್ಮ ಕ್ಷೇತ್ರಗಳಲ್ಲಿ ಮುಂಚೂಣಿಯಲ್ಲಿವೆ.