‘ಇಂದು ಬೆಂಗಳೂರಿನಲ್ಲಿ ಜನರು ಇಲ್ಲಿಗೆ ಆಗಮಿಸುತ್ತಾರೆ. ಆದರೆ ಇಲ್ಲಿಗೆ ಬಂದ ಬಳಿಕ ವಾಪಸ್ ಹೋಗಲು ಇಷ್ಟ ಪಡೋದಿಲ್ಲ. ಬೆಂಗಳೂರಿನಲ್ಲಿ ಒಂಟಿತನ, ಆತಂಕದಿಂದ ವಾಸ ಮಾಡುತ್ತಿದ್ದರೂ ಕೂಡ ಇಲ್ಲಿಯೇ ಇರಲು ಇಷ್ಟಪಡ್ತಾರೆ. ನಮ್ಮ ಸಂಬಳದಲ್ಲಿ ಅರ್ಧಕ್ಕಿಂತ ಹೆಚ್ಚು ಹಣ ಅಪಾರ್ಟ್​ಮೆಂಟ್ ಬಾಡಿಗೆಗೆ ಹೋದರೂ ಸಹ, ಇಲ್ಲಿಯೇ ಇರ್ತಾರೆ. ಏಕೆಂದರೆ ಬೆಂಗಳೂರಿನಲ್ಲಿ ಇರುವಂತೆಯೇ ಹೈದರಾಬಾದ್, ಚೆನ್ನೈ, ಗುರುಗಾಂವ್ ಹಾಗೂ ದೆಹಲಿಯಲ್ಲಿ ಇದೆ. ಆದರೆ ಇಲ್ಲಿನ ಹವಾಮಾನ ನಮ್ಮನ್ನು ಬೇರೆ ಕಡೆ ಹೋಗಲು ಬಿಡುವುದಿಲ್ಲ’ ಎಂದು ಅಂಕಿತ್ ಹೇಳಿದ್ದಾರೆ.

ಅಂದರೇ, ಅಂಕಿತ್ ಅವರ ಪ್ರಕಾರ ಭಾರತದ ಬೇರೆ ಬೇರೆ ನಗರಗಳಲ್ಲಿ ಸಾಕಷ್ಟು ಉದ್ಯೋಗ ಅವಕಾಶಗಳು ಇದ್ದರೂ, ಬೆಂಗಳೂರಿನ ಆಹ್ಲಾದಕರ ಹವಾಮಾನ ಇಲ್ಲಿಯೇ ನೆಲೆಸುವಂತೆ ಮಾಡುತ್ತದೆ ಎಂದಿದ್ದಾರೆ.

ಮತ್ತಷ್ಟು ಮಂದಿ ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದು, ‘ನಾನು ನಿಮ್ಮ ಅಭಿಪ್ರಾಯಕ್ಕೆ ಸಂಪೂರ್ಣವಾಗಿ ಒಪ್ಪುತ್ತೇನೆ, ಈ ಪೋಸ್ಟ್ ಸಾಕಷ್ಟು ಇಷ್ಟ ಆಗಿದೆ’ ಎಂದು ಹೇಳಿದ್ದಾರೆ.

ಬೆಂಗಳೂರು ನಗರ ಕೇವಲ ಉದ್ಯೋಗ ಅವಕಾಶಗಳನ್ನು ಮಾತ್ರ ನೀಡದೆ, ಹಲವು ಸೌಕರ್ಯ ಮತ್ತು ಜೀವನಶೈಲಿಯಿಂದ ಇಲ್ಲಿಯೇ ಉಳಿಯುವಂತೆ ಬದಲಾವಣೆ ಮಾಡುತ್ತದೆ. ಕೆಲವರು ನಗರದಲ್ಲಿರುವ ನ್ಯೂನತೆಗಳನ್ನು ಎತ್ತಿ ತೋರಿಸುತ್ತಾರೆ. ಆದರೆ ಇದೇ ಸಮಯದಲ್ಲಿ ಅಂಕಿತ್ ರಂತಹ ಜನರು, ಇಲ್ಲಿಯೇ ಉಳಿಯಲು ಇರುವ ಕಾರಣಗಳನ್ನು ನೀಡುತ್ತಾರೆ. ಆದರೆ ಕೆಲವರು ಮಾತ್ರ ಅಂಕಿತ್ ಅವರ ಅಭಿಪ್ರಾಯಕ್ಕೆ ವಿರೋಧ ವ್ಯಕ್ತಪಡಿಸಿದ್ದು, ‘ಕಂಪನಿಗಳು ಜನರಿಗೆ ವರ್ಕ್ ಫ್ರಮ್ ಹೋಮ್ ಅವಕಾಶವನ್ನು ನೀಡಿದರೆ ಶೇಕಡಾ 80ರಷ್ಟು ಜನರು ತಮ್ಮ ತಮ್ಮ ಊರುಗಳಿಗೆ ವಾಪಸ್ ಆಗ್ತಾರೆ. ಬೆಂಗಳೂರಿನ ಹವಾಮಾನವನ್ನು ಹೆಚ್ಚಾಗಿ ಹೈಪ್ ಮಾಡ್ತಿದ್ದಾರೆ ಅಷ್ಟೇ’ ಎಂದು ಕೆಲವರು ಕಾಮೆಂಟ್ ಮಾಡಿದ್ದಾರೆ.