ಆಗಸ್ಟ್ 1 ರ ಶನಿವಾರದಂದು ಸ್ಪೈಡರ್ ಮ್ಯಾನ್: ಬ್ರಾಂಡ್ ನ್ಯೂ ಡೇ ಭಾರತದಾದ್ಯಂತ 66.75 ಕೋಟಿ ರೂ. ನಿವ್ವಳ ಗಳಿಸಿದೆ. ಶನಿವಾರ 17,704 ಪ್ರದರ್ಶನಗಳಲ್ಲಿ ಈ ಚಿತ್ರ ಪ್ರದರ್ಶನಗೊಂಡು ಒಟ್ಟಾರೆ ಶೇ. 76.4 ರಷ್ಟು ಪ್ರೇಕ್ಷಕರನ್ನು ಗಳಿಸಿದೆ. ಕೇವಲ ಮೂರು ದಿನಗಳಲ್ಲಿ, ಸ್ಪೈಡರ್ ಮ್ಯಾನ್: ಬ್ರಾಂಡ್ ನ್ಯೂ ಡೇ ಭಾರತದಲ್ಲಿ 176.70 ಕೋಟಿ ರೂ. ನಿವ್ವಳ ಮತ್ತು 211.27 ಕೋಟಿ ರೂ. ಒಟ್ಟು ಗಳಿಸಿದೆ.
ಗುರುವಾರ 60.60 ಕೋಟಿ ರೂ.ಗಳೊಂದಿಗೆ ತೆರೆಕಂಡ ಈ ಚಿತ್ರ ಶುಕ್ರವಾರ 49.35 ಕೋಟಿ ರೂ. ನಂತರ ಮೊದಲ ಶನಿವಾರ ಭಾರಿ ಏರಿಕೆ ಕಂಡು 66.75 ಕೋಟಿ ರೂ.ಗಳನ್ನು ಸಂಗ್ರಹಿಸುವ ಮೂಲಕ ಮೂರು ದಿನಗಳ ಒಟ್ಟು ಗಳಿಕೆಯನ್ನು ಹೆಚ್ಚಾಗಿದೆ.
ಮೂರನೇ ದಿನದಂದು ಇಂಗ್ಲಿಷ್ ವರ್ಷನ್ 38.35 ಕೋಟಿ ರೂ.ಗಳೊಂದಿಗೆ ಅತಿ ಹೆಚ್ಚು ಗಳಿಕೆ ಕಂಡಿದ್ದು, ಹಿಂದಿ ವರ್ಷನ್ 21.75 ಕೋಟಿ ರೂ.ಗಳನ್ನು ಸೇರಿಸಿದೆ. ಉಳಿದ ಗಳಿಕೆ ತೆಲುಗು, ತಮಿಳು, ಕನ್ನಡ ಮತ್ತು ಮಲಯಾಳಂ ಡಬ್ಬಿಂಗ್ ಆವೃತ್ತಿಗಳಿಂದ ಬಂದಿದೆ.
ಸ್ಪೈಡರ್ ಮ್ಯಾನ್: ಬ್ರಾಂಡ್ ನ್ಯೂ ಡೇ ಈಗಾಗಲೇ ಮೊದಲ ದಿನದಂದು 60.60 ಕೋಟಿ ರೂ. ಗಳಿಸುವ ಮೂಲಕ ಭಾರತದ ಅತಿದೊಡ್ಡ ಹಾಲಿವುಡ್ ಓಪನರ್ ಆಗುವ ಮೂಲಕ ಇತಿಹಾಸ ನಿರ್ಮಿಸಿತ್ತು. 2019 ರಲ್ಲಿ 53.10 ಕೋಟಿ ರೂ. ಗಳಿಸಿದ ಅವೆಂಜರ್ಸ್: ಎಂಡ್ಗೇಮ್ನ ಆರಂಭಿಕ ದಿನದ ದಾಖಲೆಯನ್ನು ಮುರಿದಿದೆ.
ಸ್ಪೈಡರ್ ಮ್ಯಾನ್: ಬ್ರಾಂಡ್ ನ್ಯೂ ಡೇ ಇತ್ತೀಚೆಗೆ ಆನ್ಲೈನ್ ಪೈರಸಿ ಆಗಿದೆ. ಸಿನಿಮಾ ಬಿಡುಗಡೆಯಾದ ಕೇವಲ ಎರಡು ದಿನಗಳ ನಂತರ, ಮಾರ್ವೆಲ್ ಚಿತ್ರದ ಉತ್ತಮ ಗುಣಮಟ್ಟದ ಪೈರೇಟೆಡ್ ವರ್ಷನ್ X (ಹಿಂದೆ ಟ್ವಿಟರ್) ನಲ್ಲಿ ಕಾಣಿಸಿಕೊಂಡಿತು. ಅದನ್ನು ಡಿಲೀಟ್ ಮಾಡುವ ಮೊದಲು ತಕ್ಷಣ ವೇಗವಾಗಿ ಶೇರ್ ಆಗಿದೆ.
ವೆರೈಟಿ ಪ್ರಕಾರ, ಲೀಕ್ ಆಗಿರುವ ವರ್ಷನ್ ಮೊದಲು ಫ್ರೆಡ್ರಿಕ್ ಬ್ರಯಾನ್ ಎಂಬ ಎಕ್ಸ್ ಖಾತೆಯಿಂದ ಬೆಳಿಗ್ಗೆ 6:05 PT ಕ್ಕೆ ಅಪ್ಲೋಡ್ ಮಾಡಲಾಗಿದೆ. ಅದನ್ನು ಮಧ್ಯಾಹ್ನ 3:25 PT ಕ್ಕೆ ತೆಗೆದುಹಾಕುವ ಮೊದಲು, ಪೋಸ್ಟ್ ಸುಮಾರು 5.9 ಮಿಲಿಯನ್ ಅಕೌಂಟ್ ತಲುಪಿತ್ತು ಎಂದು ವರದಿಯಾಗಿದೆ. ಇದು 143,000 ಕ್ಕೂ ಹೆಚ್ಚು ಲೈಕ್ಗಳನ್ನು ಪಡೆದುಕೊಂಡಿತು ಮತ್ತು 10,000 ಕ್ಕೂ ಹೆಚ್ಚು ಬಾರಿ ರೀ ಶೇರ್ ಆಗಿದೆ.
ಹಲವಾರು ಇತರ ಬಳಕೆದಾರರು ಚಿತ್ರದ ಕಾಪಿ ಅಪ್ಲೋಡ್ ಮಾಡಿದರು. ಸ್ಪೈಡರ್ ಮ್ಯಾನ್: ಬ್ರಾಂಡ್ ನ್ಯೂ ಡೇ ಮಾರ್ವೆಲ್ ಕಾಮಿಕ್ಸ್ ಪಾತ್ರವಾದ ಸ್ಪೈಡರ್ ಮ್ಯಾನ್ ಅನ್ನು ಆಧರಿಸಿದೆ.
ಕೊಲಂಬಿಯಾ ಪಿಕ್ಚರ್ಸ್, ಮಾರ್ವೆಲ್ ಸ್ಟುಡಿಯೋಸ್ ಮತ್ತು ಪ್ಯಾಸ್ಕಲ್ ಪಿಕ್ಚರ್ಸ್ ನಿರ್ಮಿಸಿದ ಮತ್ತು ಸೋನಿ ಪಿಕ್ಚರ್ಸ್ ಬಿಡುಗಡೆ ಮಾಡಿದ 38 ನೇ ಚಿತ್ರ ಇದು, ಮಾರ್ವೆಲ್ ಸಿನೆಮ್ಯಾಟಿಕ್ ಯೂನಿವರ್ಸ್ (MCU) ನಲ್ಲಿ 38 ನೇ ಚಿತ್ರ ಮತ್ತು ಸ್ಪೈಡರ್ ಮ್ಯಾನ್: ನೋ ವೇ ಹೋಮ್ (2021) ನಂತರದ ನಾಲ್ಕನೇ MCU ಸ್ಪೈಡರ್ ಮ್ಯಾನ್ ಚಿತ್ರವಾಗಿದೆ.
ಡೆಸ್ಟಿನ್ ಡೇನಿಯಲ್ ಕ್ರೆಟನ್ ನಿರ್ದೇಶಿಸಿದ ಮತ್ತು ಕ್ರಿಸ್ ಮೆಕೆನ್ನಾ ಮತ್ತು ಎರಿಕ್ ಸೋಮರ್ಸ್ ಬರೆದ ಈ ಚಿತ್ರದಲ್ಲಿ ಪೀಟರ್ ಪಾರ್ಕರ್/ಸ್ಪೈಡರ್ ಮ್ಯಾನ್ ಪಾತ್ರದಲ್ಲಿ ಟಾಮ್ ಹಾಲೆಂಡ್ ನಟಿಸಿದ್ದಾರೆ, ಜೊತೆಗೆ ಝೆಂಡಾಯಾ, ಸ್ಯಾಡಿ ಸಿಂಕ್, ಜಾಕೋಬ್ ಬಟಾಲನ್, ಜಾನ್ ಬರ್ನ್ತಾಲ್, ಫ್ಲಾರೆನ್ಸ್ ಪಗ್, ಟ್ರಾಮೆಲ್ ಟಿಲ್ಮನ್, ಮಾರಿಸಾ ಟೋಮಿ ಮತ್ತು ಮಾರ್ಕ್ ರುಫಲೋ ನಟಿಸಿದ್ದಾರೆ.
