ಈ ಸಂಬಂಧ ಸಿಪಿಎಂ ಕೌನ್ಸಿಲರ್ ಎಸ್.ಪಿ. ದೀಪ್ಕಾಕ್ ಹೈಕೋರ್ಟ್ ಮೆಟ್ಟಿಲೇರಿದ್ದರು. ಎದುರಾಳಿ ಕೌನ್ಸಿಲರ್‌ಗಳು ನಿಗದಿತ ಸಮಯದೊಳಗೆ ಕಾನೂನುಬದ್ಧವಾಗಿ ಪ್ರಮಾಣ ವಚನ ಸ್ವೀಕರಿಸುವಂತೆ ನಿರ್ದೇಶಿಸಬೇಕು ಮತ್ತು ಅಲ್ಲಿಯವರೆಗೆ ಅವರನ್ನು ಕೌನ್ಸಿಲ್‌ನಿಂದ ನಿಷೇಧಿಸಬೇಕು ಎಂದು ಅವರು ಅರ್ಜಿಯಲ್ಲಿ ಕೋರಿದ್ದರು. ಕೌನ್ಸಿಲರ್‌ಗಳು ದೇವತೆಗಳು, ಸಂಸ್ಥೆಗಳು ಮತ್ತು ಹುತಾತ್ಮರ ಹೆಸರಿನಲ್ಲಿ ಪ್ರಮಾಣ ವಚನ ಸ್ವೀಕರಿಸಿದ್ದರು. ಮೇಯರ್ ಚುನಾವಣೆಯಲ್ಲಿ ಅವರು ಮತ ಚಲಾಯಿಸುವುದನ್ನು ಸಹ ಅವರು ಪ್ರಶ್ನಿಸಿದ್ದರು.

ಮಾಹಿತಿ ಪ್ರಕಾರ, ಬಿಜೆಪಿ ಕೌನ್ಸಿಲರ್‌ಗಳು ಭಗವಾನ್ ಅಯ್ಯಪ್ಪ, ಕವಿಲಮ್ಮ, ಅಟ್ಟುಕಾಲಮ್ಮ, ಭಾರತಾಂಭೆ, ಶ್ರೀ ಪದ್ಮನಾಭನ್, ​​ಗುರುದೇವನ್, ಹುತಾತ್ಮರು ಇತ್ಯಾದಿಗಳ ಹೆಸರಿನಲ್ಲಿ ಪ್ರಮಾಣ ವಚನ ಸ್ವೀಕರಿಸಿದ್ದರು. ಇದು ಕೇರಳ ಪುರಸಭೆ ಕಾಯ್ದೆಯ ಸೆಕ್ಷನ್ 143 ರ ಉಲ್ಲಂಘನೆಯಾಗಿದೆ ಎಂದು ಅರ್ಜಿಯಲ್ಲಿ ವಾದಿಸಲಾಗಿದೆ. ಕಾನೂನಿನ ಪ್ರಕಾರ, ದೇವರ ಹೆಸರಿನಲ್ಲಿ ಪ್ರಮಾಣವಚನ ಅಥವಾ ದೃಢೀಕರಣಕ್ಕೆ ಮಾತ್ರ ಅವಕಾಶವಿದೆ.

ಮತದಾನಕ್ಕೂ ಮುನ್ನ ಬಿಜೆಪಿ ಕೌನ್ಸಿಲರ್‌ಗಳು ದೇವರ ಹೆಸರಿನಲ್ಲಿ ಪ್ರಮಾಣ ವಚನ ಸ್ವೀಕರಿಸಿದ ನಂತರ ನಿಯಮಗಳ ಉಲ್ಲಂಘನೆ ನಡೆದಿದೆ ಎಂದು ದೀಪಕ್ ಬೊಟ್ಟು ಮಾಡಿ ತೋರಿಸಿದರು. ಆದರೆ, ಪ್ರಮಾಣ ವಚನ ಸ್ವೀಕರಿಸುವ ಸಮಯದಲ್ಲಿ ಯಾವುದೇ ಆಕ್ಷೇಪಣೆಯನ್ನು ವ್ಯಕ್ತಪಡಿಸಬೇಕಾಗಿತ್ತು ಎಂದು ಜಿಲ್ಲಾಧಿಕಾರಿ ಅನುಕುಮಾರಿ ಸೂಚಿಸಿದರು. ಬಿಜೆಪಿ ಸದಸ್ಯರು ಇದನ್ನು ಕೈ ಚಪ್ಪಾಳೆ ತಟ್ಟುವ ಮೂಲಕ ಸ್ವೀಕರಿಸಿದರು. ಪ್ರಮಾಣ ವಚನ ಸ್ವೀಕರಿಸಿದ ನಂತರ, ಅವರು ಫಾರ್ಮ್‌ಗಳಿಗೆ ಸಹಿ ಹಾಕುವ ಮೂಲಕ ಮತ್ತು ಸಭೆಗೆ ಹಾಜರಾಗುವ ಮೂಲಕ ಸದಸ್ಯರಾಗುತ್ತಾರೆ ಮತ್ತು ಯಾವುದೇ ದೂರುಗಳಿದ್ದರೆ ನ್ಯಾಯಾಲಯವನ್ನು ಸಂಪರ್ಕಿಸಬಹುದು ಎಂದು ಜಿಲ್ಲಾಧಿಕಾರಿ ನಿರ್ದೇಶಿಸಿದ್ದರು. ಇದರ ಬೆನ್ನಲ್ಲೇ ದೀಪಕ್ ಹೈಕೋರ್ಟ್ ಮೊರೆ ಹೋದರು.

ಕೊನೆಗೆ ವಾದ ವಿವಾದವನ್ನು ಆಲಿಸಿದ ಕೋರ್ಟ್ ತಿರುವನಂತಪುರಂ ಕಾರ್ಪೊರೇಷನ್‌ನ 20 ಬಿಜೆಪಿ ಕೌನ್ಸಿಲರ್‌ಗಳ ಪ್ರಮಾಣ ವಚನ ಸ್ವೀಕಾರವನ್ನು ಅಸಿಂಧುಗೊಳಿಸಿ ಪುನಃ 4 ವಾರದಲ್ಲಿ ಮತ್ತೊಮ್ಮೆ ಪ್ರಮಾಣ ವಚನ ಸ್ವೀಕಾರ ಮಾಡುವಂತೆ ಆದೇಶಿಸಿತು.