ಟಾಸ್ ಸೋತು ಬ್ಯಾಟಿಂಗ್ ಆರಂಭಿಸಿದ ಲಖನೌ ತಂಡಕ್ಕೆ ಜೋಶ್ ಇಂಗ್ಲಿಸ್ ಮತ್ತು ಮಿಚೆಲ್ ಮಾರ್ಷ್ ಭರ್ಜರಿ ಆರಂಭ ನೀಡಿದರು. ಈ ಆಸೀಸ್ ಜೋಡಿ ಮೊದಲ ವಿಕೆಟ್ ಗೆ 109 ರನ್ ಗಳ ಜೊತೆಯಾಟ ನೀಡಿತು. ಒಂಬತ್ತನೇ ಓವರ್ ನಲ್ಲಿ ಯಶ್ ರಾಜ್ ಪುಂಜಾ ಇಂಗ್ಲಿಸ್ ಅವರನ್ನು ಬೌಲ್ಡ್ ಮಾಡಿ ರಾಯಲ್ಸ್​ಗೆ ಮೊದಲ ಬ್ರೇಕ್ ನೀಡಿದರು. ಇಂಗ್ಲಿಸ್ 29 ಎಸೆತಗಳಲ್ಲಿ 7 ಬೌಂಡರಿ ಹಾಗೂ 3 ಸಿಕ್ಸರ್ ನೆರವಿನಿಂದ 60 ರನ್ ಗಳಿಸಿದರು. ನಂತರ ಬಂದ ನಿಕೋಲಸ್ ಪೂರನ್ 11 ಎಸೆತಗಳಲ್ಲಿ 16 ರನ್ ಗಳಿಸಿ ನಿರ್ಗಮಿಸಿದರು. 13ನೇ ಓವರ್ ನಲ್ಲಿ ಪೂರನ್ ಅವರನ್ನು ಪುಂಜಾ ಪೆವಿಲಿಯನ್ ಗೆ ಕಳುಹಿಸಿದರು.

3ನೇ ವಿಕೆಟ್ ಜೊತೆಯಾಟದಲ್ಲಿ ಒಂದಾದ ಮಿಚೆಲ್ ಮಾರ್ಷ್ ಹಾಗೂ ನಾಯಕ ರಿಷಭ್ ಪಂತ್ 64 ರನ್​ಗಳ ಜೊತೆಯಾಟ ನೀಡಿದರು. ರಿಷಭ್ ಪಂತ್ 23 ಎಸೆತಗಳಲ್ಲಿ ತಲಾ 2 ಬೌಂಡರಿ, ಸಿಕ್ಸರ್​​​​​ಗಳ ಸಹಿತ 35 ರನ್​ಗಳಿಸಿ 20ನೇ ಓವರ್​ನ ಮೊದಲ ಎಸೆತದಲ್ಲಿ ರನ್​​​​​​​ಔಟ್ ಆದರು. ಆರಂಭಿಕನಾಗಿ ಬಂದು ಕೊನೆಯ ಓವರ್​ವರೆಗೂ ಆಡಿದ ಮಿಚೆಲ್ ಮಾರ್ಷ್ 57 ಎಸೆತಗಳಲ್ಲಿ  11 ಬೌಂಡರಿ, 5ಸಿಕ್ಸರ್​ಗಳ ಸಹಿತ 96 ರನ್​ಗಳಿಸಿದರು. ಕೊನೆಯ ಓವರ್​ನ 5ನೇ ಎಸೆತದಲ್ಲಿ ರನ್​ಔಟ್ ಆಗುವ ಮೂಲಕ ಶತಕ ಮಿಸ್ ಮಾಡಿಕೊಂಡರು.

ರಾಜಸ್ಥಾನ್ ರಾಯಲ್ಸ್ ಪರ ಯಶ್ ರಾಜ್ ಪೂಂಜಾ 35ಕ್ಕೆ2 ವಿಕೆಟ್ ಪಡೆದು ಮಿಂಚಿದರೆ, ಜೋಫ್ರಾ ಆರ್ಚರ್ 39ಕ್ಕೆ1 ವಿಕೆಟ್ ಪಡೆದರು.  ಸಂದೀಪ್ ಶರ್ಮಾ(43), ಬ್ರಿಜೇಷ್ ಶರ್ಮಾ (44) ಹಾಗೂ ಸುಶಾಂತ್ ಶರ್ಮಾ (46) ದುಬಾರಿಯಾದರು. ಕೊನೆಯ ಮೂರು ಓವರ್​ಗಳಲ್ಲಿ ಕೇವಲ 26 ರನ್ ನೀಡುವ ಮೂಲಕ ರಾಯಲ್ಸ್ ಬೌಲರ್​ಗಳು ಲಖನೌ 240-250 ದಾಟದಂತೆ ತಡೆದರು. ಕೊನೆಯ ಓವರ್​ನಲ್ಲಿ ಆರ್ಷರ್ ಕೇವಲ 5 ರನ್​ ನೀಡಿದರು.