Last Updated:
ಐಪಿಎಲ್ 2026 ರ ಕ್ವಾಲಿಫೈಯರ್-1 ರ ಪಂದ್ಯಕ್ಕೂ ಮುನ್ನ ಆರ್ಸಿಬಿ ಅಭಿಮಾನಿಗಳಲ್ಲಿ ಒಬ್ಬ ಆಟಗಾರ ಆತಂಕ ಮೂಡಿಸುತ್ತಿದ್ದಾರೆ. ಲೀಗ್ ಹಂತದಲ್ಲಿ ಈ ಆಟಗಾರ ಉತ್ತಮ ಪ್ರದರ್ಶನ ನೀಡಿದ್ದರೂ, ಪ್ಲೇಆಫ್ ಅಂತಾ ಬಂದಾಗ ಅಟ್ಟರ್ ಪ್ಲಾಪ್ ಆಗಿದ್ದಾರೆ.
ಐಪಿಎಲ್ (IPL) 2026 ರ ನಾಕೌಟ್ (Knockout) ವಾರ ಇಂದು, ಮಂಗಳವಾರ ಪ್ರಾರಂಭವಾಗುತ್ತಿದೆ. ಪಾಯಿಂಟ್ (Point) ಪಟ್ಟಿಯಲ್ಲಿ ಅಗ್ರ ಎರಡು ತಂಡಗಳಾದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ಮತ್ತು ಗುಜರಾತ್ ಟೈಟಾನ್ಸ್ (GT) ತಂಡಗಳು (Teams) ಕ್ವಾಲಿಫೈಯರ್ (Qualifier) -1 ರಲ್ಲಿ ಮುಖಾಮುಖಿಯಾಗಲಿವೆ. ಧರ್ಮಶಾಲಾ (Dharamshala) ದ ಹಿಮಾಚಲ ಪ್ರದೇಶ (Himachal Pradesh) ಕ್ರಿಕೆಟ್ (Cricket) ಅಸೋಸಿಯೇಷನ್ ಕ್ರೀಡಾಂಗಣದಲ್ಲಿ ಕ್ವಾಲಿಫೈಯರ್-1 ರ ರೋಚಕ ಪಂದ್ಯ ನಡೆಯಲಿದೆ. ಈ ಪಂದ್ಯದಲ್ಲಿ ಗೆದ್ದ ತಂಡ ನೇರವಾಗಿ ಫೈನಲ್ (Final) ಗೆ ಅರ್ಹತೆ ಪಡೆಯುತ್ತದೆ.
ಸೋತ ತಂಡಕ್ಕೆ ಫೈನಲ್ ತಲುಪಲು ಮತ್ತೊಂದು ಅವಕಾಶವಿರುತ್ತದೆ. ಮೇ 29 ರಂದು ಕ್ವಾಲಿಫೈಯರ್- 2 ರಲ್ಲಿ ಮತ್ತೊಂದು ಅವಕಾಶವನ್ನು ಪಡೆಯುತ್ತದೆ. ಅಲ್ಲಿ ಸನ್ರೈಸರ್ಸ್ ಹೈದರಾಬಾದ್ ಮತ್ತು ರಾಜಸ್ಥಾನ್ ರಾಯಲ್ಸ್ ನಡುವಿನ ಎಲಿಮಿನೇಟರ್ ಪಂದ್ಯದ ವಿಜೇತರನ್ನು ಎದುರಿಸಲಿದೆ.
ಐಪಿಎಲ್ 2026 ರ ಲೀಗ್ಗೆ ಹಾಲಿ ಚಾಂಪಿಯನ್ ಆಗಿ ಆರ್ಸಿಬಿ ಪ್ರವೇಶಿಸಿತು. ಅದರಂತೆ ಆರ್ಸಿಬಿ ಲೀಗ್ ಹಂತದಲ್ಲಿ ಅದ್ಭುತ ಪ್ರದರ್ಶನ ನೀಡಿತು. ಇದರೊಂದಿಗೆ ಆರ್ಸುಬಿ ಅಗ್ರಸ್ಥಾನದಲ್ಲಿ ಸ್ಥಾನವನ್ನು ಗಟ್ಟಿ ಮಾಡಿಕೊಂಡು ಫೈನಲ್ ತಲುಪಿತು. ಆರ್ಸಿಬಿಯ ಬ್ಯಾಟರ್ಗಳು ಮತ್ತು ಬೌಲರ್ಗಳು ಉತ್ತಮ ಫಾರ್ಮ್ನಲ್ಲಿದ್ದಾರೆ. ಆದರೆ, ಈ ಒಬ್ಬ ಆಟಗಾರ ಕ್ವಾಲಿಫೈಯರ್-1 ರ ಪಂದ್ಯಕ್ಕೂ ಮುನ್ನ ಆರ್ಸಿಬಿ ಅಭಿಮಾನಿಗಳನ್ನು ಆತಂಕಕ್ಕೆ ದೂಡುತ್ತಿದ್ದಾನೆ. ಲೀಗ್ ಹಂತದಲ್ಲಿ ಅದ್ಭುತ ಪ್ರದರ್ಶನ ನೀಡುವ ಈ ಆಟಗಾರ ಪ್ಲೇಆಫ್ ಅಂತಾ ಬಂದಾಗ ಕೈ ಎತ್ತುತ್ತಿದ್ದಾರೆ.
ಐಪಿಎಲ್ 2026 ರ ಕ್ವಾಲಿಫೈಯರ್ 1 ಪಂದ್ಯಕ್ಕೂ ಮುನ್ನ ಆರ್ಸಿಬಿ ಅಭಿಮಾನಿಗಳಲ್ಲಿ ಈ ಒಬ್ಬ ಆಟಗಾರ ಆತಂಕ ಮೂಡಿಸುತ್ತಿದ್ದಾರೆ. ಈ ಆಟಗಾರ ಬೇರೆ ಯಾರು ಅಲ್ಲ, ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ. ಐಪಿಎಲ್ 2026 ರಲ್ಲಿ ವಿರಾಟ್ ಕೊಹ್ಲಿ ಸೂಪರ್ ಫಾರ್ಮ್ನಲ್ಲಿದ್ದಾರೆ. ಅವರು 14 ಪಂದ್ಯಗಳಲ್ಲಿ 557 ರನ್ ಗಳಿಸಿದ್ದಾರೆ. ಇದರಲ್ಲಿ ಒಂದು ಶತಕ ಮತ್ತು 5 ಅರ್ಧಶತಕಗಳು ಸೇರಿವೆ. ಅವರು 50.63 ಸರಾಸರಿ ಮತ್ತು 163.82 ಸ್ಟ್ರೈಕ್ ರೇಟ್ನಲ್ಲಿ ರನ್ ಗಳಿಸಿದ್ದಾರೆ. ಆರ್ಸಿಬಿ ಪ್ಲೇಆಫ್ ತಲುಪುವಲ್ಲಿ ಕೊಹ್ಲಿ ದೊಡ್ಡ ಪಾತ್ರ ವಹಿಸಿದ್ದಾರೆ. ಆದರೆ, ಇದೇ ಕೊಹ್ಲಿ ಈಗ ಆರ್ಸಿಬಿಯನ್ನು ಟೆನ್ಷನ್ನಲ್ಲಿ ಇರಿಸಿದ್ದಾರೆ. ಅದಕ್ಕೆ ಕಾರಣ ಪ್ಲೇಆಫ್ನಲ್ಲಿ ಕೊಹ್ಲಿಯ ಕಳಪೆ ದಾಖಲೆ.
ವಿರಾಟ್ ಕೊಹ್ಲಿ ಇದುವರೆಗೆ 17 ಪ್ಲೇಆಫ್ ಪಂದ್ಯಗಳನ್ನು ಆಡಿದ್ದಾರೆ. ಆದರೆ ಅವರು ಹೇಳಿಕೊಳ್ಳುವಂತಹ ಪ್ರದರ್ಶನ ನೀಡಿಲ್ಲ. ಕೊಹ್ಲಿ ಕೇವಲ 2 ಅರ್ಧಶತಕಗಳನ್ನು ಗಳಿಸಿದ್ದಾರೆ. ಅವರ ಅತ್ಯಧಿಕ ಸ್ಕೋರ್ 2011ರ ಕ್ವಾಲಿಫೈಯರ್-1 ರಲ್ಲಿ ಚೆನ್ನೈ ವಿರುದ್ಧ 70* ರನ್. ಪ್ಲೇ-ಆಫ್ನಲ್ಲಿ ವಿರಾಟ್ 26.40 ಸರಾಸರಿ ಮತ್ತು 121.10 ಸ್ಟ್ರೈಕ್ ರೇಟ್ನಲ್ಲಿ ಕೇವಲ 396 ರನ್ಗಳನ್ನು ಗಳಿಸಿದ್ದಾರೆ. ಅವರು ಐದು ಬಾರಿ ಒಂದೇ ಸಂಖ್ಯೆಯಲ್ಲಿ ಔಟಾಗಿದ್ದಾರೆ. ಇದಲ್ಲದೆ, ಅವರು ಐದು ಬಾರಿ 30 ರನ್ಗಳಿಗಿಂತ ಕಡಿಮೆ ಮೊತ್ತಕ್ಕೆ ಔಟಾಗಿದ್ದಾರೆ.
ಕಳೆದ ಆವೃತ್ತಿಯಲ್ಲಿ ಪಂಜಾಬ್ ವಿರುದ್ಧದ ಮೊದಲ ಕ್ವಾಲಿಫೈಯರ್ನಲ್ಲಿ ಕೇವಲ 12 ರನ್ಗಳನ್ನು ಗಳಿಸುವ ಮೂಲಕ ಅವರು ಅಭಿಮಾನಿಗಳನ್ನು ನಿರಾಸೆಗೊಳಿಸಿದ್ದರು. ಇದೇ ಪಂಜಾಬ್ ಕಿಂಗ್ಸ್ ವಿರುದ್ಧದ ಫೈನಲ್ನಲ್ಲಿ ಕೊಹ್ಲಿ 35 ಎಸೆತಗಳಲ್ಲಿ 43 ರನ್ ಗಳಿಸಿದರು. ಆದರೆ ಈ ಬಾರಿ, ಕೊಹ್ಲಿ ಉತ್ಸುಕರಾಗುತ್ತಾರೆ ಎಂದು ಅವರ ಅಭಿಮಾನಿಗಳು ವಿಶ್ವಾಸ ಹೊಂದಿದ್ದಾರೆ. ಆರ್ಸಿಬಿ ಪ್ರಸ್ತುತ ಸೂಪರ್ ಫಾರ್ಮ್ನಲ್ಲಿದೆ. ಭುವನೇಶ್ವರ ಕುಮಾರ್ ಬೌಲಿಂಗ್ನಲ್ಲಿ ಅಲೆಗಳನ್ನು ಸೃಷ್ಟಿಸುತ್ತಿದ್ದಾರೆ. ಜೋಶ್ ಹ್ಯಾಜಲ್ವುಡ್ ಕೂಡ ಅದ್ಭುತ ಬೌಲಿಂಗ್ ಪ್ರದರ್ಶನ ನೀಡಿದರೆ, ಆರ್ಸಿಬಿಯನ್ನು ತಡೆಯುವುದು ಕಷ್ಟ.
RCB vs GT Qualifier 1: ಲೀಗ್ ಹಂತದಲ್ಲಿ ರಾಕ್ಷಸ, ಪ್ಲೇಆಫ್ನಲ್ಲಿ ಅಟ್ಟರ್ ಫ್ಲಾಪ್? ಅಭಿಮಾನಿಗಳನ್ನು ಚಿಂತಿಗೀಡು ಮಾಡಿರುವ ಆರ್ಸಿಬಿ ಸ್ಟಾರ್ ಬ್ಯಾಟರ್ ದಾಖಲೆ!
