Last Updated:
ಬಿಲಾಸ್ಪುರ-ಯಲಹಂಕ ವೀಕ್ಲಿ ಸಮ್ಮರ್ ಸ್ಪೆಷಲ್ ರೈಲು 08261, 08262 ಜೂನ್ 3 ರಿಂದ ಜುಲೈ 2 ರವರೆಗೆ ವಾರಕ್ಕೊಮ್ಮೆ ಓಡಲಿದೆ, ಉತ್ತರ ಕರ್ನಾಟಕ, ಕಲ್ಯಾಣ ಕರ್ನಾಟಕ ಪ್ರಯಾಣಿಕರಿಗೆ ಕಡಿಮೆ ದರದಲ್ಲಿ ನೇರ ಸಂಪರ್ಕ ನೀಡಲಿದೆ
ಬೆಂಗಳೂರು: ಬೇಸಿಗೆ ರಜೆಯಲ್ಲಿ ಊರಿನಿಂದ ಬೆಂಗಳೂರಿಗೆ (Bengaluru) ವಾಪಸ್ ಹೋಗಲು ಬಸ್ಸುಗಳಲ್ಲಿ ಸೀಟ್ ಸಿಗದೆ ಪರದಾಡುತ್ತಿದ್ದೀರಾ? ಹಬ್ಬ-ಹರಿದಿನಗಳಲ್ಲಿ ಖಾಸಗಿ ಬಸ್ನವರ ಹಗಲು ದರೋಡೆಗೆ ಬೇಸತ್ತಿದ್ದೀರಾ? ಹಾಗಾದರೆ ನಿಮಗೊಂದು ಭರ್ಜರಿ ಸಿಹಿಸುದ್ದಿ! ಉತ್ತರ ಕರ್ನಾಟಕದ (North Karnataka) ಪ್ರಯಾಣಿಕರಿಗಾಗಿಯೇ ಭಾರತೀಯ ರೈಲ್ವೆ ಬಿಟ್ಟಿರುವ ಈ ‘ಸೀಕ್ರೆಟ್’ ರೈಲಿನ ಬಗ್ಗೆ ನೀವು ತಿಳಿಯಲೇಬೇಕು!
ಛತ್ತೀಸ್ಗಢದ ಬಿಲಾಸ್ಪುರದಿಂದ ಶುರುವಾಗಿ ನಮ್ಮ ಬೆಂಗಳೂರಿನ ಯಲಹಂಕಕ್ಕೆ ಬರುವ ಬಿಲಾಸ್ಪುರ-ಯಲಹಂಕ ವೀಕ್ಲಿ ಸಮ್ಮರ್ ಸ್ಪೆಷಲ್ ಎಕ್ಸ್ಪ್ರೆಸ್ (08261/08262) ಈಗ ಉತ್ತರ ಕರ್ನಾಟಕದ ಹಾಗೂ ಕಲ್ಯಾಣ ಕರ್ನಾಟಕದ ಜನರ ಪಾಲಿಗೆ ಸಂಜೀವಿನಿಯಾಗಿದೆ.
ಸಾಮಾನ್ಯವಾಗಿ ಬೆಂಗಳೂರಿಗೆ ಬರುವ ರೈಲುಗಳು ಮೆಜೆಸ್ಟಿಕ್ (KSR Bengaluru) ಅಥವಾ ಯಶವಂತಪುರಕ್ಕೆ ಹೋಗುತ್ತವೆ. ಅಲ್ಲಿ ಇಳಿದು, ಆಟೋ/ಕ್ಯಾಬ್ ಹಿಡಿದು ಸಿಟಿ ಟ್ರಾಫಿಕ್ನಲ್ಲಿ ಒದ್ದಾಡಿಕೊಂಡು ಮನೆ ತಲುಪುವುದೇ ದೊಡ್ಡ ಸಾಹಸ. ಆದರೆ ಈ ರೈಲು ನೇರವಾಗಿ ಯಲಹಂಕ ಜಂಕ್ಷನ್ (YNK) ತಲುಪುತ್ತದೆ!
ಐಟಿ ಉದ್ಯೋಗಿಗಳಿಗೆ ಹಾಗೂ ವಿದ್ಯಾರ್ಥಿಗಳಿಗೆ ಲಾಟರಿ: ಮಾನ್ಯತಾ ಟೆಕ್ ಪಾರ್ಕ್, ಹೆಬ್ಬಾಳ, ದೇವನಹಳ್ಳಿ, ಯಲಹಂಕ ನ್ಯೂ ಟೌನ್ ಅಥವಾ ಏರ್ಪೋರ್ಟ್ ಕಡೆ ಹೋಗುವವರಿಗೆ ಇದೇ ಬೆಸ್ಟ್ ಆಯ್ಕೆ. ನಿಮ್ಮ ಊರಿನಿಂದ ನೇರವಾಗಿ ನಾರ್ತ್ ಬೆಂಗಳೂರಿಗೆ ಲ್ಯಾಂಡ್ ಆಗಬಹುದು!
ಉತ್ತರ ಕರ್ನಾಟಕಕ್ಕೆ ಡೈರೆಕ್ಟ್ ಲಿಂಕ್: ಯಾದಗಿರಿ, ರಾಯಚೂರು, ಮಂತ್ರಾಲಯ ಮತ್ತು ಗುಂತಕಲ್ (Guntakal) ಮೂಲಕ ಹಾದುಬರುವ ಈ ರೈಲು ಕಲ್ಯಾಣ ಕರ್ನಾಟಕದ ಜನರಿಗೆ ವರದಾನ.
ಟೈಮಿಂಗ್ಸ್ ನೋಡಿ, ತಕ್ಷಣ ಟಿಕೆಟ್ ಬುಕ್ ಮಾಡಿ!
ಬೆಂಗಳೂರು ಕಡೆಗೆ (Train 08261): ಗುರುವಾರ ಬೆಳಗ್ಗೆ ಯಾದಗಿರಿಯಲ್ಲಿ 09:15ಕ್ಕೆ, ರಾಯಚೂರಿಗೆ 10:30ಕ್ಕೆ ಹಾಗೂ ಗುಂತಕಲ್ಗೆ 12:30ಕ್ಕೆ ಬರುವ ಈ ರೈಲು, ಅಂದೇ ಸಂಜೆ 07:00 ಗಂಟೆಗೆ ಯಲಹಂಕ ತಲುಪುತ್ತದೆ. (ಕೇವಲ 9-10 ಗಂಟೆಗಳ ಆರಾಮದಾಯಕ ಪ್ರಯಾಣ!)
ಊರ ಕಡೆಗೆ ವಾಪಸ್ (Train 08262): ಗುರುವಾರ ರಾತ್ರಿ 09:30ಕ್ಕೆ ಯಲಹಂಕದಿಂದಲೇ ಹೊರಡುತ್ತದೆ. ವೀಕೆಂಡ್ ಊರಿಗೆ ಹೋಗುವವರಿಗೆ ಇದಕ್ಕಿಂತ ಒಳ್ಳೆ ಟೈಮಿಂಗ್ಸ್ ಬೇಕಾ? ಆರಾಮಾಗಿ ಆಫೀಸ್ ಮುಗಿಸಿ ಟ್ರೈನ್ ಹತ್ತಬಹುದು! ಜೂನ್ 3, 2026 ರಿಂದ ಜುಲೈ 2, 2026 ರವರೆಗೆ ವಾರಕ್ಕೊಮ್ಮೆ, ಒಟ್ಟು 5 ಟ್ರಿಪ್ಗಳಲ್ಲಿ ಮಾತ್ರ ಈ ರೈಲು ಓಡಲಿದೆ. ವಿಶೇಷವೇನೆಂದರೆ
ಖಾಸಗಿ ಬಸ್ಸುಗಳಲ್ಲಿ ಸಾವಿರಾರು ರೂಪಾಯಿ ಸುರಿಯುವ ಬದಲು, ಕೇವಲ ₹400 ರಿಂದ ₹700 (ಸ್ಲೀಪರ್ ಕ್ಲಾಸ್ – SL) ಕೊಟ್ಟು ಆರಾಮಾಗಿ ಮಲಗಿಕೊಂಡು ಬರಬಹುದು. ಸ್ವಲ್ಪ ಹೆಚ್ಚು ಹಣ ಕೊಟ್ಟರೆ ಎಸಿ 3-ಟೈರ್ (3A) ಟಿಕೆಟ್ಗಳು (ಸುಮಾರು ₹1,700) ಕೂಡ ಲಭ್ಯವಿದ್ದು, ಬಿಸಿಲಿನ ಝಳವಿಲ್ಲದೆ ಫ್ರೀಯಾಗಿ ಪ್ರಯಾಣಿಸಬಹುದು. ಒಟ್ಟು 20 ಕೋಚ್ಗಳಿರುವ ಈ ರೈಲಿನಲ್ಲಿ 1000ಕ್ಕೂ ಹೆಚ್ಚು ಸೀಟುಗಳ ವ್ಯವಸ್ಥೆ ಇದೆ!
ಟಿಕೆಟ್ ಎಲ್ಲಿ ಸಿಗುತ್ತೆ?
Bangalore [Bangalore],Bangalore,Karnataka
