ಹಾಗೆಯೇ ವಿಜಯ್ ಕೇವಲ ಸಹನಟ ಮಾತ್ರವಲ್ಲ, ತಮ್ಮ ಆತ್ಮೀಯ ಸ್ನೇಹಿತರೂ ಹೌದು. ಅವರು ರಾಜಕೀಯಕ್ಕೆ ಬಂದಿರುವುದು ರಾಜ್ಯದ ರಾಜಕೀಯದಲ್ಲಿ ಹೊಸ ಬದಲಾವಣೆಯ ಸಂಕೇತವಾಗಿದ್ದು, ಜನರಲ್ಲಿ ಹೊಸ ನಿರೀಕ್ಷೆ ಮತ್ತು ಭರವಸೆಯನ್ನು ಮೂಡಿಸಿದೆ ಎಂದು ಅಭಿಪ್ರಾಯಪಟ್ಟರು.

ಸಂದರ್ಶನದ ವೇಳೆ ಮಾತನಾಡಿದ ಮಾಧವನ್, ವಿಜಯ್ ಅವರನ್ನು ಕೇವಲ ಹೆಸರಿನಿಂದ ಕರೆಯುವ ಬದಲು ‘ಸಿಎಂ ವಿಜಯ್’ ಎಂದೇ ಕರೆಯಬೇಕು ಎಂದು ಹೇಳಿದರು. ಈ ಹೇಳಿಕೆ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಚರ್ಚೆಗೆ ಕಾರಣವಾಗಿದೆ.

ರಾಜಕೀಯ ಜೀವನದ ಬಗ್ಗೆ ಮಾತನಾಡಿದ ಮಾಧವನ್, ಅದು ಸುಲಭದ ಹಾದಿಯಲ್ಲ ಎಂದು ಅಭಿಪ್ರಾಯಪಟ್ಟರು.

ಒಬ್ಬ ನಾಯಕ ಉತ್ತಮ ಕೆಲಸ ಮಾಡಿದರೂ ಟೀಕೆಗಳು ತಪ್ಪುವುದಿಲ್ಲ. ತಪ್ಪು ಮಾಡಿದರೂ ಟೀಕೆ ಎದುರಾಗುತ್ತದೆ. ಯಾವುದೇ ನಿರ್ಧಾರ ತೆಗೆದುಕೊಂಡರೂ ಅದನ್ನು ವಿರೋಧಿಸುವ ಒಂದು ವರ್ಗ ಸದಾ ಇರುತ್ತದೆ. ಹೀಗಾಗಿ ರಾಜಕೀಯದಲ್ಲಿ ಎಲ್ಲರನ್ನೂ ತೃಪ್ತಿಪಡಿಸುವುದು ಅಸಾಧ್ಯ ಎಂದು ಹೇಳಿದ್ದಾರೆ

ತಾವು ನಟನಾಗಿ ಹಾಗೂ ಚಿತ್ರರಂಗದ ವ್ಯಕ್ತಿಯಾಗಿ ಮುಂದುವರಿಯಲು ಬಯಸುತ್ತಿದ್ದು, ರಾಜಕೀಯಕ್ಕೆ ಪ್ರವೇಶಿಸುವ ಯಾವುದೇ ಯೋಜನೆ ಇಲ್ಲ ಎಂದು ಅವರು ಹೇಳಿದರು. ಈ ಮೂಲಕ ತಮ್ಮ ಭವಿಷ್ಯದ ಬಗ್ಗೆ ಹರಿದಾಡುತ್ತಿದ್ದ ಊಹಾಪೋಹಗಳಿಗೆ ತೆರೆ ಎಳೆದಿದ್ದಾರೆ.

ಸಿನಿಮಾ ಕ್ಷೇತ್ರದಲ್ಲಿ ಯಶಸ್ಸಿನ ಜೊತೆಗೆ ಸಮಾಜದ ವಿವಿಧ ವಿಚಾರಗಳ ಕುರಿತೂ ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸುವ ಮಾಧವನ್, ಇತ್ತೀಚಿನ ಈ ಸಂದರ್ಶನದಲ್ಲೂ ತಮಿಳುನಾಡಿನ ರಾಜಕೀಯ ಮತ್ತು ಸಾರ್ವಜನಿಕ ಜೀವನದ ಬಗ್ಗೆ ಸಮತೋಲನದ ದೃಷ್ಟಿಕೋನವನ್ನು ಹಂಚಿಕೊಂಡಿದ್ದಾರೆ.