ನಟ ಸದ್ಯ ವನ್ಯಜೀವಿ ವಸ್ತುಗಳನ್ನು ಅಕ್ರಮವಾಗಿ ಹೊಂದಿದ್ದ ಆರೋಪದ ಮೇಲೆ ವಿಚಾರಣೆ ಎದುರಿಸುತ್ತಿದ್ದಾರೆ. ನಟ ಮೋಹನ್ ಲಾಲ್ ಅವರು 10 ಆನೆ ದಂತಗಳು ಮತ್ತು 13 ದಂತದ ವಿಗ್ರಹಗಳನ್ನು ಹೊಂದಿದ್ದಾರೆ ಎಂದು ಕೇರಳ ಅರಣ್ಯ ಇಲಾಖೆಗೆ ಘೋಷಿಸಿದ್ದಾರೆ ಎಂದು ಅಧಿಕಾರಿಗಳು ಸೋಮವಾರ ತಿಳಿಸಿದ್ದಾರೆ.

ಮಲಯತ್ತೂರು ವಿಭಾಗೀಯ ಅರಣ್ಯ ಕಚೇರಿಯ ಅಧಿಕಾರಿಗಳು, ಇಲಾಖೆಯ ಕ್ಷಮಾದಾನ ಯೋಜನೆಯಡಿಯಲ್ಲಿ ಈ ಘೋಷಣೆ ಮಾಡಲಾಗಿದೆ. ಯಾವುದೇ ವ್ಯಕ್ತಿ ತಮ್ಮಲ್ಲಿರುವ ವನ್ಯಜೀವಿ ವಸ್ತುಗಳನ್ನು ಘೋಷಿಸಲು ಅವಕಾಶ ನೀಡಲಾಗಿದೆ ಎಂದು ಹೇಳಿದರು.

ಅವರು ಘೋಷಿಸಿದ ದಂತದ ವಿಗ್ರಹಗಳಲ್ಲಿ ಶ್ರೀಕೃಷ್ಣ, ರಾಮ ಮತ್ತು ತಿರುಪತಿ ಬಾಲಾಜಿ ವಿಗ್ರಹಗಳು ಸೇರಿವೆ. ಒಟ್ಟು ತೂಕ ಸುಮಾರು 46 ಕೆಜಿ ಎಂದು ಅವರು ಹೇಳಿದರು.

ಮೋಹನ್ ಲಾಲ್ ತಮ್ಮ ಬಳಿ ಇರುವ ಹೆಚ್ಚಿನ ದಂತಗಳು ಆನುವಂಶಿಕವಾಗಿ ಬಂದಿವೆ ಅಥವಾ ಉಡುಗೊರೆಯಾಗಿ ಪಡೆದಿವೆ ಎಂದು ಹೇಳಿಕೊಂಡಿದ್ದಾರೆ. ಅರಣ್ಯ ಇಲಾಖೆಯು ದಂತಗಳು ಮತ್ತು ದಂತದ ವಿಗ್ರಹಗಳ ಸತ್ಯಾಸತ್ಯತೆಯನ್ನು ಪರಿಶೀಲಿಸಲು ಡಿಎನ್‌ಎ ಪರೀಕ್ಷೆಗಳನ್ನು ನಡೆಸಲಿದೆ ಎಂದು ಅವರು ಹೇಳಿದರು.

ನಂತರ ಕೇರಳ ಹೈಕೋರ್ಟ್ ಆ ನಿರ್ಧಾರವನ್ನು ಎತ್ತಿಹಿಡಿದು, ನಟನ ವಿರುದ್ಧದ ಕಾನೂನು ಕ್ರಮಗಳನ್ನು ಮುಂದುವರಿಸಬೇಕೆಂದು ನಿರ್ದೇಶಿಸಿತು. ಕಳೆದ ವರ್ಷ ಕೇರಳ ಹೈಕೋರ್ಟ್ ನಟನ ಬಳಿಯಿದ್ದ ದಂತ ವಸ್ತುಗಳ ಮಾಲೀಕತ್ವದ ಪ್ರಮಾಣಪತ್ರಗಳನ್ನು ರದ್ದುಗೊಳಿಸಿ, ದಂತಗಳನ್ನು ಇಟ್ಟುಕೊಳ್ಳಲು ಅವಕಾಶ ನೀಡುವ ಸರ್ಕಾರಿ ಆದೇಶವನ್ನು ರದ್ದುಗೊಳಿಸಿತು.