“ಪಾತ್ರದ ನಿರೂಪಣೆ ಕೇಳಿದಾಗ ಈ ಪಾತ್ರ ಎಷ್ಟು ಚೆನ್ನಾಗಿ ಮೂಡಿಬಂದಿದೆ. ಒಬ್ಬ ನಟನಿಗೆ ಬೇಕಾದ್ದು ಎಲ್ಲವೂ ಇದೆ ಎಂದು ಅನಿಸಿತು. ಕಥೆ ಕೇಳಿ ಮಂತ್ರಮುಗ್ಧಳಾದೆ. ನನ್ನ ವೃತ್ತಿಜೀವನದಲ್ಲಿ ಅಂತಹ ಪಾತ್ರವನ್ನು ನಿಭಾಯಿಸುವಷ್ಟು ಆತ್ಮವಿಶ್ವಾಸ ಇರುವ ಸ್ಥಾನವನ್ನು ತಲುಪಿದ್ದೇನೆ ಎಂದು ನನಗೆ ಅನಿಸಿತು” ಎಂದು ಕಿಯಾರಾ ಅಡ್ವಾಣಿ ಫೆಮಿನಾಗೆ ತಿಳಿಸಿದರು.

ಅವರ ಪಾತ್ರದ ವಿವರಗಳು ಮುಚ್ಚಿಡಲಾಗುತ್ತಿದ್ದರೂ, ಯಶ್ ಜೊತೆಗಿನ ನಾಡಿಯಾ ಪಾತ್ರದ ಅವರ ಇಂಟಿಮೇಟ್ ದೃಶ್ಯಗಳು ಎಲ್ಲರ ಗಮನ ಸೆಳೆದಿವೆ.

ಅದೇ ಮಾತುಕತೆಯಲ್ಲಿ ಕಿಯಾರಾ ನಟಿಯಾಗಿ ಒಂದು ಚೌಕಟ್ಟಿನಲ್ಲಿ ನಿಲ್ಲದೆ ಇರುವ ಬಗ್ಗೆಯೂ ಮಾತನಾಡಿದರು. “ಒಂದು ಬಾಕ್ಸ್ ಒಳಗೆ ಮಹಿಳೆಯರನ್ನು ಸ್ಟೀರಿಯೊಟೈಪ್ ಮಾಡುವುದು ನನಗೆ ಇಷ್ಟವಿಲ್ಲ. ನಾವು ಅದಕ್ಕಿಂತ ಹೆಚ್ಚಿಗೆ ಮಾಡಬಲ್ಲೆವು, ಹಾಗಾದರೆ ನಮ್ಮ ಪಾತ್ರಗಳು ಏಕೆ ಬಾಕ್ಸ್ ಮೀರಿ ಹೋಗಬಾರದು ಎಂದು ಪ್ರಶ್ನಿಸಿದ್ದಾರೆ.

ಮಹಿಳಾ ಪಾತ್ರಗಳು, ವಾಸ್ತವಕ್ಕೆ ಹತ್ತಿರವಾಗಿ ಮತ್ತು ಸಂಕೀರ್ಣವಾಗಿರಬೇಕು ಎಂದು ಉಲ್ಲೇಖಿಸಿದ್ದಾರೆ. ಇದು ಟಾಕ್ಸಿಕ್‌ನಲ್ಲಿ ಅವರ ಮುಂಬರುವ ಪಾತ್ರದ ಸುಳಿವು ಆಗಿರಬಹುದು ಎಂದಿದ್ದಾರೆ ನೆಟ್ಟಿಗರು.

ಕಳೆದ ವರ್ಷ, ಕಿಯಾರಾ ಪಾತ್ರದ ಪೋಸ್ಟರ್ ಅನಾವರಣಗೊಂಡಾಗ, ಅವರು ಇನ್ಸ್ಟಾಗ್ರಾಮ್ನಲ್ಲಿ ವೈರಲ್ ಆದರು. “ನನ್ನಿಂದ ಹೆಚ್ಚಿನದನ್ನು ಬೇಡುವ ಪಾತ್ರ – ದೈಹಿಕವಾಗಿ, ಮಾನಸಿಕವಾಗಿ, ಭಾವನಾತ್ಮಕವಾಗಿ ಎಂದು ಕ್ಯಾಪ್ಶನ್ ಕೊಟ್ಟಿದ್ದರು.

ಇದುವರೆಗಿನ ನನ್ನ ಅತ್ಯಂತ ಕಠಿಣ ಪರಿಶ್ರಮ. ತಿಂಗಳುಗಳ ಕಠಿಣ ಪರಿಶ್ರಮ. ಒಂದು ನಿರ್ಭೀತ ನಡೆ. ಫಸ್ಟ್ ಲುಕ್​ಗೆ ಇಷ್ಟೊಂದು ಪ್ರೀತಿ ಸಿಗುವುದನ್ನು ನೋಡುವುದೇ ಒಂದು ಖುಷಿ. ಪದಗಳಿಗೆ ಮೀರಿದ ಕೃತಜ್ಞತೆ ಎಂದು ಬರೆದಿದ್ದರು.

ಹಿಂದಿ, ತೆಲುಗು, ತಮಿಳು, ಮಲಯಾಳಂ ಮತ್ತು ಇತರ ಹಲವಾರು ಭಾಷೆಗಳಲ್ಲಿ ಡಬ್ ಮಾಡಿದ ಆವೃತ್ತಿಗಳನ್ನು ಯೋಜಿಸಲಾಗಿದೆ. ಇದು ಅದರ ಜಾಗತಿಕ ಮಹತ್ವಾಕಾಂಕ್ಷೆಯನ್ನು ಒತ್ತಿಹೇಳುತ್ತದೆ.