UPSC Engineering Services Examination 2027ರಲ್ಲಿ ನಾಲ್ಕು ಎಂಜಿನಿಯರಿಂಗ್ ವಿಭಾಗಗಳಡಿ ನೇಮಕಾತಿ ನಡೆಯಲಿದೆ.
– Civil Engineering
– Mechanical Engineering
– Electrical Engineering
– Electronics & Telecommunication Engineering
ಈ ಪರೀಕ್ಷೆಯ ಮೂಲಕ Central Engineering Service, Central Water Engineering Service, Indian Railway Management Service ಸೇರಿದಂತೆ ಹಲವು Group-A ಹಾಗೂ Group-B ಸೇವೆಗಳಿಗೆ ನೇಮಕಾತಿ ನಡೆಯಲಿದೆ. ಅಧಿಸೂಚನೆಯಲ್ಲಿ ಒಟ್ಟು ಸುಮಾರು 480 ಹುದ್ದೆಗಳು ಎಂದು ನಿರೀಕ್ಷಿಸಲಾಗಿದೆ. ಇದರಲ್ಲಿ 19 ಹುದ್ದೆಗಳು PwBD ಅಭ್ಯರ್ಥಿಗಳಿಗೆ ಮೀಸಲಾಗಿರುವುದಾಗಿ ತಿಳಿಸಲಾಗಿದೆ. ಅಂತಿಮ ಹುದ್ದೆಗಳ ಸಂಖ್ಯೆ ಬದಲಾಗುವ ಸಾಧ್ಯತೆಯನ್ನೂ UPSC ಸೂಚಿಸಿದೆ.
Engineering Services Examinationಗೆ ಅರ್ಜಿ ಸಲ್ಲಿಸಲು ಅಭ್ಯರ್ಥಿಗಳು ಮಾನ್ಯತೆ ಪಡೆದ ವಿಶ್ವವಿದ್ಯಾಲಯ ಅಥವಾ ಸಂಸ್ಥೆಯಿಂದ ಎಂಜಿನಿಯರಿಂಗ್ ಪದವಿ ಪಡೆದಿರಬೇಕು. ಅಲ್ಲದೆ ಅಧಿಸೂಚನೆಯಲ್ಲಿ Institution of Engineers (India), Institution of Electronics and Telecommunication Engineers, Aeronautical Society of India ಹಾಗೂ ಇತರೆ ನಿರ್ದಿಷ್ಟ ಅರ್ಹತೆಗಳನ್ನೂ ಕೆಲವು ಸಂದರ್ಭಗಳಲ್ಲಿ ಪರಿಗಣಿಸಲಾಗಿದೆ. ಕೆಲವು ನಿರ್ದಿಷ್ಟ ಸೇವೆಗಳಿಗೆ ಸಂಬಂಧಿಸಿದಂತೆ M.Sc. ಅರ್ಹತೆಯನ್ನೂ ಅಧಿಸೂಚನೆ ಒಳಗೊಂಡಿದೆ. ಅರ್ಹತಾ ಪರೀಕ್ಷೆಯ ಫಲಿತಾಂಶ ಇನ್ನೂ ಪ್ರಕಟವಾಗದಿದ್ದರೂ, ನಿಗದಿತ ಷರತ್ತುಗಳನ್ನು ಪೂರೈಸುವ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು. ಆದರೆ ಮುಂದಿನ ಹಂತದಲ್ಲಿ ಅಗತ್ಯ ಶೈಕ್ಷಣಿಕ ಅರ್ಹತೆಯ ಪುರಾವೆ ಸಲ್ಲಿಸಬೇಕಾಗುತ್ತದೆ.
ಜನವರಿ 1, 2027ಕ್ಕೆ 21 ವರ್ಷ ಪೂರ್ಣಗೊಂಡಿರಬೇಕು ಮತ್ತು 30 ವರ್ಷ ಮೀರಿರಬಾರದು. ಅಂದರೆ ಅಭ್ಯರ್ಥಿಯ ಜನ್ಮ ದಿನಾಂಕ ಜನವರಿ 2, 1997ಕ್ಕಿಂತ ಮುಂಚಿತವಾಗಿರಬಾರದು ಮತ್ತು ಜನವರಿ 1, 2006ಕ್ಕಿಂತ ನಂತರವಾಗಿರಬಾರದು. SC/ST ಅಭ್ಯರ್ಥಿಗಳಿಗೆ ಗರಿಷ್ಠ ವಯೋಮಿತಿಯಲ್ಲಿ 5 ವರ್ಷ ಹಾಗೂ ಅರ್ಹ OBC ಅಭ್ಯರ್ಥಿಗಳಿಗೆ 3 ವರ್ಷಗಳ ಸಡಿಲಿಕೆ ಸೇರಿದಂತೆ ನಿಯಮಾನುಸಾರ ವಿವಿಧ ವರ್ಗಗಳಿಗೆ ವಯೋಮಿತಿ ಸಡಿಲಿಕೆ ಇದೆ.
ಸಾಮಾನ್ಯವಾಗಿ ಅಭ್ಯರ್ಥಿಗಳು ₹200 ಅರ್ಜಿ ಶುಲ್ಕ ಪಾವತಿಸಬೇಕು. ಆದರೆ ಮಹಿಳಾ, SC, ST ಮತ್ತು PwBD ಅಭ್ಯರ್ಥಿಗಳಿಗೆ ಶುಲ್ಕ ವಿನಾಯಿತಿ ನೀಡಲಾಗಿದೆ. OBC ಹಾಗೂ EWS ಅಭ್ಯರ್ಥಿಗಳಿಗೆ ಶುಲ್ಕ ವಿನಾಯಿತಿ ಇಲ್ಲ ಎಂದು ಅಧಿಸೂಚನೆ ಸ್ಪಷ್ಟಪಡಿಸಿದೆ.
ಶುಲ್ಕವನ್ನು Net Banking, Visa/Master/RuPay Credit/Debit Card ಅಥವಾ UPI ಮೂಲಕ ಪಾವತಿಸಬಹುದು.
Engineering Services Examination ಮೂರು ಹಂತಗಳಲ್ಲಿ ನಡೆಯುತ್ತದೆ:
ಹಂತ 1 – Preliminary Examination
ಹಂತ 2 – Main Examination
ಹಂತ 3 – Personality Test/Interview
Prelimsನಲ್ಲಿ ಎರಡು Objective Type ಪ್ರಶ್ನೆಪತ್ರಿಕೆಗಳಿರುತ್ತವೆ. General Studies and Engineering Aptitudeಗೆ 200 ಅಂಕಗಳು, ಆಯ್ಕೆ ಮಾಡಿಕೊಂಡ ಎಂಜಿನಿಯರಿಂಗ್ ವಿಭಾಗದ ವಿಷಯಕ್ಕೆ 300 ಅಂಕಗಳು ಸೇರಿದಂತೆ ಒಟ್ಟು 500 ಅಂಕಗಳ ಪರೀಕ್ಷೆ ನಡೆಯುತ್ತದೆ. General Studies ಪತ್ರಿಕೆಗೆ 2 ಗಂಟೆ ಹಾಗೂ Engineering ವಿಭಾಗದ ಪತ್ರಿಕೆಗೆ 3 ಗಂಟೆ ಅವಧಿ ನಿಗದಿಯಾಗಿದೆ. ತಪ್ಪು ಉತ್ತರಗಳಿಗೆ ಒಂದು-ಮೂರನೇ ಅಂಕದಷ್ಟು ನೆಗೆಟಿವ್ ಮಾರ್ಕಿಂಗ್ ಇರುತ್ತದೆ. ಉತ್ತರಿಸದೆ ಬಿಟ್ಟ ಪ್ರಶ್ನೆಗೆ ದಂಡ ಇರುವುದಿಲ್ಲ.
Main Examinationನಲ್ಲಿ ಆಯ್ಕೆ ಮಾಡಿಕೊಂಡ ಎಂಜಿನಿಯರಿಂಗ್ ವಿಭಾಗಕ್ಕೆ ಸಂಬಂಧಿಸಿದ ಎರಡು Conventional Type Papers ಇರಲಿದ್ದು, ತಲಾ 300 ಅಂಕಗಳಂತೆ ಒಟ್ಟು 600 ಅಂಕಗಳು ಇರುತ್ತವೆ. ಪ್ರತಿ ಪತ್ರಿಕೆಗೆ 3 ಗಂಟೆ ಅವಧಿ ನಿಗದಿಯಾಗಿದೆ. ಅಂತಿಮ ಹಂತವಾದ Personality Test/Interviewಗೆ 200 ಅಂಕಗಳು ಇರುತ್ತವೆ. Prelims, Main ಮತ್ತು Personality Testನಲ್ಲಿ ಗಳಿಸಿದ ಅಂಕಗಳ ಆಧಾರದ ಮೇಲೆ ಅಂತಿಮ ಕ್ರಮಾಂಕ ನಿರ್ಧರಿವಸಲಾಗುತ್ತದೆ.
– ಅಧಿಸೂಚನೆ: ಸೆಪ್ಟೆಂಬರ್ 16, 2026
– ಅರ್ಜಿ ಆರಂಭ: ಸೆಪ್ಟೆಂಬರ್ 16, 2026
– ಅರ್ಜಿ ಕೊನೆಯ ದಿನ: ಅಕ್ಟೋಬರ್ 6, 2026, ಸಂಜೆ 6 ಗಂಟೆ
– Engineering Services Preliminary Exam: ಜನವರಿ 31, 2027
– Engineering Services Main Exam: ಜೂನ್ 18, 2027
ಈ ದಿನಾಂಕಗಳು UPSC ಅಧಿಸೂಚನೆಯಲ್ಲಿ ನೀಡಲಾಗಿದ್ದು, ಪರೀಕ್ಷಾ ಕೇಂದ್ರ ಮತ್ತು ದಿನಾಂಕಗಳಲ್ಲಿ ಆಯೋಗ ಅಗತ್ಯಕ್ಕೆ ಅನುಗುಣವಾಗಿ ಬದಲಾವಣೆ ಮಾಡಬಹುದಾಗಿದೆ.
Preliminary Examinationಗೆ ಬೆಂಗಳೂರು ಮತ್ತು ಧಾರವಾಡ ಸೇರಿದಂತೆ ದೇಶದ ಹಲವು ನಗರಗಳನ್ನು ಪರೀಕ್ಷಾ ಕೇಂದ್ರಗಳಾಗಿ ನಿಗದಿಪಡಿಸಲಾಗಿದೆ. ಅಭ್ಯರ್ಥಿಗಳಿಗೆ ಕೇಂದ್ರ ಹಂಚಿಕೆ ಮೊದಲು ಅರ್ಜಿ ಸಲ್ಲಿಸಿದವರಿಗೆ ಮೊದಲು ಎಂಬ ಆಧಾರದ ಮೇಲೆ ನಡೆಯುವ ಸಾಧ್ಯತೆ ಇರುವುದರಿಂದ ಅರ್ಜಿಯನ್ನು ಕೊನೆಯ ಕ್ಷಣದವರೆಗೆ ಕಾಯದೆ ಸಲ್ಲಿಸುವಂತೆ ಅಧಿಸೂಚನೆ ಸೂಚಿಸುತ್ತದೆ.
ಹೇಗೆ ಅರ್ಜಿ ಸಲ್ಲಿಸಬೇಕು?
ಅಭ್ಯರ್ಥಿಗಳು UPSCಯ ಆನ್ಲೈನ್ ಅರ್ಜಿ ಪೋರ್ಟಲ್ ಮೂಲಕವೇ ಅರ್ಜಿ ಸಲ್ಲಿಸಬೇಕು. ಮೊದಲು Universal Registration Number (URN), Common Application Form (CAF) ಹಾಗೂ ನಂತರ Engineering Services Examinationಗೆ ಸಂಬಂಧಿಸಿದ Examination Specific Module ಪೂರ್ಣಗೊಳಿಸಬೇಕು. ಅರ್ಜಿಯಲ್ಲಿ ಫೋಟೋ, ಲೈವ್ ಫೋಟೋ ಹಾಗೂ ಸಹಿ ಸೇರಿದಂತೆ ಅಗತ್ಯ ಮಾಹಿತಿಗಳನ್ನು ಅಪ್ಲೋಡ್ ಮಾಡಬೇಕು. ಅರ್ಜಿ ಸಲ್ಲಿಸಿದ ಬಳಿಕ ಅದರಲ್ಲಿ ತಿದ್ದುಪಡಿ ಅಥವಾ ಬದಲಾವಣೆ ಮಾಡಲು ಅವಕಾಶವಿಲ್ಲ ಎಂದು UPSC ತಿಳಿಸಿದೆ.
ಇದು 2027ರ Engineering Services Examination ನೇಮಕಾತಿಯಾಗಿದ್ದು, ಅಧಿಸೂಚನೆ 2026ರ ಸೆಪ್ಟೆಂಬರ್ 16ರಂದು ಬಿಡುಗಡೆಯಾಗಿದೆ. ಒಟ್ಟು ಹುದ್ದೆಗಳ ಸಂಖ್ಯೆ ಸುಮಾರು 480 ಎಂದು ನಿರೀಕ್ಷಿಸಲಾಗಿದ್ದು, ಅಂತಿಮ ಹುದ್ದೆಗಳ ಸಂಖ್ಯೆ ಬದಲಾಗಬಹುದು.
