ನೀವು ಬಹಳ ದಿನಗಳಿಂದ ಜಪಾನ್‌ಗೆ (Japan) ಭೇಟಿ ನೀಡುವ ಕನಸು ಕಾಣುತ್ತಿದ್ದರೆ, ನಿಮಗೊಂದು ಗುಡ್‌ ನ್ಯೂಸ್ ಇಲ್ಲಿದೆ. ಇಂಡಿಯನ್ ರೈಲ್ವೆ ಕ್ಯಾಟರಿಂಗ್ ಅಂಡ್ ಟೂರಿಸಮ್ ಕಾರ್ಪೊರೇಷನ್ (IRCTC) ಭಾರತೀಯ ಪ್ರಯಾಣಿಕರಿಗಾಗಿ 10 ದಿನಗಳು ಮತ್ತು 9 ರಾತ್ರಿಗಳ ಜಪಾನ್ ಪ್ರವಾಸ ಪ್ಯಾಕೇಜ್ (Japan Tour Package) ಅನ್ನು ಬಿಡುಗಡೆ ಮಾಡಿದೆ. ಈ ಗ್ರೂಪ್ ಟೂರ್ ಸೆಪ್ಟೆಂಬರ್ 6 ರಂದು ದೆಹಲಿಯಿಂದ ಹೊರಟು ಸೆಪ್ಟೆಂಬರ್ 15 ರಂದು ವಾಪಸ್ ಬರುತ್ತದೆ. ಈ ಅವಧಿಯಲ್ಲಿ ಪ್ರಯಾಣಿಕರಿಗೆ ಜಪಾನ್‌ನ ಹಲವು ಪ್ರಸಿದ್ಧ ನಗರಗಳು ಮತ್ತು ಪ್ರವಾಸಿ ತಾಣಗಳನ್ನು ಹತ್ತಿರದಿಂದ ಕಣ್ತುಂಬಿಕೊಳ್ಳುವ ಅವಕಾಶ ಸಿಗಲಿದೆ.