ಇಡುಕ್ಕು ಪಿಳ್ಳೈಯರ್ ದೇವಾಲಯದಲ್ಲಿ ನಡೆದ ಈ ಘಟನೆ ಭಕ್ತರಲ್ಲಿ ಆಘಾತ ಮತ್ತು ಭಯ ಉಂಟುಮಾಡಿದೆ. ದೇವಸ್ಥಾನಕ್ಕೆ ಬಂದ ಭಕ್ತರು ಹೀಗೆ ದುರಂತ ಸಾವನಪ್ಪುತ್ತಿರುವುದು ಆತಂಕವನ್ನು ಉಂಟುಮಾಡಿದೆ.

ಎರಡು ದಿನದ ಹಿಂದೆ ಮಧ್ಯರಾತ್ರಿ ಆಂಧ್ರಪ್ರದೇಶದ ಮಣಿಕುಮಾರ್ (36) ಅವರು ತನ್ನ ಕುಟುಂಬದೊಂದಿಗೆ ಗಿರಿವಲಂಗೆ ಬಂದಿದ್ದರು. ಇಡುಕ್ಕು ಪಿಳ್ಳೈಯರ್ ದೇವಾಲಯಕ್ಕೆ ಬಂದ ಅವರು ಗುಹೆಯಂತಹ ಸಣ್ಣ ಮಾರ್ಗದ ಮೂಲಕ ದೇವರ ದರ್ಶನ ಪಡೆಯಲು ಪ್ರಯತ್ನಿಸಿದ್ದರು. ಈ ಗುಹೆ ಮೂಲಕ ದರ್ಶನ ಪಡೆದರೆ ಸಕಲ ಐಶ್ವರ್ಯ ಸಿಗುತ್ತೆ ಎಂಬ ನಂಬಿಕೆ ಇದೆ. ಈ ದೇವಾಲಯ 3 ಪ್ರವೇಶ ದ್ವಾರಗಳನ್ನು ಹೊಂದಿದ್ದು, ಹಿಂಭಾಗದ ದ್ವಾರದಿಂದ ಮಲಗಿ ಪ್ರವೇಶಿಸಿ ಮುಂಭಾಗದ ದ್ವಾರದಿಂದ ಹೊರಬರಬೇಕು. ಆದರೆ ಮಣಿಕುಮಾರ್ ಗುಹೆಯಲ್ಲಿ ಸಿಲುಕಿಕೊಂಡು ಉಸಿರಾಟದ ತೊಂದರೆ ಅನುಭವಿಸಿದರು.

ಈ ದುರಂತ ಮಾಸುವ ಬೆನ್ನಲ್ಲೇ ನಿನ್ನೆ ಆಂಧ್ರಪ್ರದೇಶದ ಮಹಿಳಾ ಭಕ್ತೆಯೊಬ್ಬರು ಅದೇ ಗುಹೆಯಲ್ಲಿ ಸಿಕ್ಕಿಹಾಕಿಕೊಂಡರು. ಅವರ ಬೊಜ್ಜಿನಿಂದ ಕಿರಿದಾದ ಮಾರ್ಗದಲ್ಲಿ ಸಿಲುಕಿಕೊಂಡಿದ್ದು, ಅಲ್ಲಿದ್ದ ಜನರು ಅವರ ಕೈ ಹಿಡಿದು ಹೊರಗೆ ಎಳೆದು ರಕ್ಷಿಸಿದ್ದಾರೆ. ಈ ಘಟನೆಯು ಭಾರಿ ಸಂಚಲನ ಮೂಡಿಸಿದೆ.

ಇಡುಕ್ಕು ಪಿಳ್ಳೈಯರ್ ದೇವಾಲಯ ತಿರುವಣ್ಣಾಮಲೈ ಗಿರಿವಲಂ ಮಾರ್ಗದಲ್ಲಿದೆ. ಇಲ್ಲಿ ಭಕ್ತರು ಮಲಗಿ ಗುಹೆಯ ಮಾರ್ಗದಲ್ಲಿ ಪ್ರವೇಶಿಸಿ ದೇವರ ದರ್ಶನ ಪಡೆಯುತ್ತಾರೆ. ಹೊರಬಂದ ತಕ್ಷಣ ನಂದಿ ದರ್ಶನವಾಗುತ್ತದೆ. ಈ ವಿಶೇಷ ಮಾರ್ಗ ಭಕ್ತರಲ್ಲಿ ಜನಪ್ರಿಯವಾಗಿದೆ. ಆದರೆ ಕಿರಿದಾದ ಮಾರ್ಗದಿಂದಾಗಿ ಈ ರೀತಿಯ ಅಪಾಯಗಳು ಉಂಟಾಗುತ್ತಿವೆ.