ಚೆನ್ನೈನ ಎಂ.ಎ. ಚಿದಂಬರಂ ಕ್ರೀಡಾಂಗಣದಲ್ಲಿ ನಡೆದ ಪ್ರಶಸ್ತಿ ಹಣಾಹಣಿಯ ಮೊದಲ ದಿನದಂದು ಪೂರ್ವ ವಲಯದ ಬ್ಯಾಟ್ಸ್‌ಮನ್‌ಗಳು ತಮ್ಮ ಪ್ರಾಬಲ್ಯವನ್ನು ಕಾಯ್ದುಕೊಂಡರು. ದಿನದ ಪ್ರಮುಖ ಅಂಶವೆಂದರೆ ಪೂರ್ವ ವಲಯದ ನಾಯಕ ಮತ್ತು ಸ್ಟಾರ್ ವಿಕೆಟ್ ಕೀಪರ್-ಬ್ಯಾಟ್ಸ್‌ಮನ್ ಇಶಾನ್ ಕಿಶನ್, ಅವರು ಅಬ್ಬರದ ಶತಕದೊಂದಿಗೆ ತಮ್ಮ ಪ್ರಭಾವಶಾಲಿ ಬ್ಯಾಟಿಂಗ್ ಸಾಮರ್ಥ್ಯವನ್ನು ಪ್ರದರ್ಶಿಸಿದರು. ಇಶಾನ್ ಅವರ ಈ ಅಮೋಘ ಇನ್ನಿಂಗ್ಸ್ ತಂಡವನ್ನು ಪ್ರಬಲ ಸ್ಥಾನದಲ್ಲಿರಿಸಿದೆ. ಪೂರ್ವ ವಲಯ 79 ಓವರ್​ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 385 ರನ್​ಗಳಿಸಿದ್ದಾರೆ. ಕಿಶನ್ ಸ್ಫೋಟಕ ಬ್ಯಾಟಿಂಗ್ ಮಾಡಿ ಶತಕ (ಅಜೇಯ 111) ಸಿಡಿಸಿದರೆ, ಆರಂಭಿಕ ಆಟಗಾರ ಅಭಿಮನ್ಯು ಈಶ್ವರನ್ 72 ರನ್, ಯುವ ವೈಭವ್ ಸೂರ್ಯವಂಶಿ 44 ರನ್ ಮತ್ತು ಶಿಖರ್ ಮೋಹನ್ 85 ರನ್ ಗಳಿಸಿ ಬೃಹತ್​ ಸ್ಕೋರ್​ಗೆ ನೆರವಾದರು.