ಇಂಡಿಯಾ ಟುಡೇ ವರದಿ ಪ್ರಕಾರ, ನವದೆಹಲಿಯ ನಿವಾಸಿಯಾಗಿರುವ ದೂರುದಾರರು ಏಪ್ರಿಲ್ 20 ರಂದು ಲಿಖಿತ ದೂರು ಸಲ್ಲಿಸಿದ ನಂತರ ಚಂಡೀಗಢದ ಸೆಕ್ಟರ್ 17 ಪೊಲೀಸ್ ಠಾಣೆಯಲ್ಲಿ ಎಫ್‌ಐಆರ್ ದಾಖಲಾಗಿದೆ. ಪ್ರಾಥಮಿಕ ತನಿಖೆಯ ನಂತರ ಪೊಲೀಸರು ಭಾರತೀಯ ನ್ಯಾಯ ಸಂಹಿತೆ (ಬಿಎನ್‌ಎಸ್) ಸೆಕ್ಷನ್ 74, 79, 123 ಮತ್ತು 126(2) ಅಡಿಯಲ್ಲಿ ಪ್ರಕರಣ ದಾಖಲಿಸಿರುವುದಾಗಿ ತಿಳಿದುಬಂದಿದೆ. ಜೊತೆಗೆ ಜೋಹ್ರ ಈಗಾಗಲೇ ಜಾಮೀನು ಪಡೆದಿರುವುದಾಗಿ ವರದಿಯಾಗಿದೆ, ಆದರೆ ಅವರಿಂದ ಇನ್ನೂ ಯಾವುದೇ ಸಾರ್ವಜನಿಕ ಪ್ರತಿಕ್ರಿಯೆ ಹೊರಬಿದ್ದಿಲ್ಲ.

FIR against #Dhurandhar production designer over sexual harassment allegations ⚠️

Chandigarh Police have registered a case against Saini S Johray, the production designer of Dhurandhar, following a complaint by a woman accusing him of sexual harassment, wrongful confinement and… pic.twitter.com/UhfF71tnhN

— Always Bollywood (@AlwaysBollywood) May 26, 2026

ಸೆಪ್ಟೆಂಬರ್ 10, 2025ರ ರಾತ್ರಿ 8.30 ರ ಸುಮಾರಿಗೆ ಹೋಟೆಲ್ ತಲುಪಿದ ದೂರುದಾರೆಯ ಪ್ರಕಾರ, ಜೋಹ್ರ ತನ್ನ ಮೇಲೆ ಮದ್ಯ ಸೇವಿಸಲು ಒತ್ತಡ ಹೇರಿದ್ದಾನೆ. ಅವರು ವೈನ್ ಮತ್ತು ರಮ್ ಇರುವ ಪಾನೀಯವನ್ನು ತಯಾರಿಸಿ, ಹಿಂಜರಿಕೆಯ ಹೊರತಾಗಿಯೂ ಅದನ್ನು ಮುಗಿಸಲು ಒತ್ತಾಯಿಸಿದ್ದಾನೆ ಎಂದು ದೂರಿನಲ್ಲಿ ಹೇಳಲಾಗಿದೆ. ಪಾನೀಯ ಸೇವಿಸಿದ ಸ್ವಲ್ಪ ಸಮಯದಲ್ಲೇ ತೀವ್ರ ತಲೆತಿರುಗುವಿಕೆ ಉಂಟಾಗಿದ್ದು, ಕೋಣೆಯಿಂದ ಹೊರ ಹೋಗಲು ಕೇಳಿಕೊಂಡರೂ, ಹೊರಬಿಡಲಿಲ್ಲ ಎಂದು ಅವರು ಆರೋಪಿಸಿದ್ದಾರೆ.