ರೇಣುಕಾಸ್ವಾಮಿ ಹತ್ಯೆ ಸಾಕ್ಷಿಗೆ ಬೆದರಿಕೆ ಹಾಕಿದ ಕೇಸ್ ಸಂಬಂಧ ಬಂಧಿತ ಪುನೀತ್, ವೇಣು, ಸುಹಾಸ್​ನನ್ನು ಪೊಲೀಸರು ತೀವ್ರ ವಿಚಾರಣೆಗೆ ಒಳಪಡಿಸಿದ್ದಾರೆ. ಪ್ರಮುಖ ಆರೋಪಿ ಹಾಗೂ ರೇಣುಕಾಸ್ವಾಮಿ ಕೇಸ್​​ನ ಸಾಕ್ಷಿಯೂ ಆಗಿರೋ ಪುನೀತ್​ ಎಂಬಾತ  ದರ್ಶನ್​ಗೆ ಸಿಕ್ಕಾಪಟ್ಟೆ ಕ್ಲೋಸ್ ಎನ್ನಲಾಗ್ತಿದೆ. ನಟನ ಆಪ್ತ ಬಳಗದಲ್ಲೂ ಈತ ಕಾಣಿಸಿಕೊಂಡಿದ್ದು, ಹೀಗಾಗಿ ಬೆದರಿಕೆ ಕೇಸ್​ನಲ್ಲಿ ದರ್ಶನ್​ಗೂ ಶುರುವಾಗುತ್ತಾ ಸಂಕಷ್ಟ?

 ಆರೋಪಿ ಪುನೀತ್​ ಎಂಬಾತ ನಟ ದರ್ಶನ್ ಫ್ಯಾನ್ ಪೇಜ್​ಗಳ ಹಲವು ಖಾತೆಗಳನ್ನ ಹ್ಯಾಂಡಲ್ ಮಾಡ್ತಿದ್ದ. ಜೊತೆಗೆ ರೇಣುಕಾಸ್ವಾಮಿ ಮರ್ಡರ್​ ಕೇಸ್​​ನಲ್ಲಿ ಕೆಲವು ಆರೋಪಿಗಳಿಗೂ ಈತ ಪರಿಚಿತನಾಗಿದ್ದ. ಹೀಗಾಗಿ ಪುನೀತ್, ವೇಣು, ಸುಹಾಸ್ ಮೂವರ ಮೊಬೈಲ್ ಫೋನ್ ಸೀಜ್ ಮಾಡಿದ್ದು, ಮಹತ್ವದ ಸಾಕ್ಷಿಗಳ ನಿರೀಕ್ಷೆಯಲ್ಲಿ ಪೊಲೀಸರು ಹುಡುಕಾಟ ನಡೆಸಿದ್ದಾರೆ.

ಸಾಮಾಜಿಕ ಜಾಲತಾಣ ಖಾತೆಗಳ ಪರಿಶೀಲನೆ ಜೊತೆಗೆ ವಾಟ್ಸಾಪ್ ಡೇಟಾವನ್ನ ಕೂಡ ಪೊಲೀಸರು ಚೆಕ್ ಮಾಡ್ತಿದ್ದಾರೆ. ಆರೋಪಿಗಳು ಸಂದೀಪ್​ಗೆ ವಾಟ್ಸಾಪ್ ಕರೆ ಮೂಲಕವೇ ಸಾಕ್ಷಿ ಸಂದೀಪ್​ಗೆ ಬೆದರಿಕೆ ಹಾಕಿದ್ದರು. ಡೇಟಾ ರಿಟ್ರೀವ್ ಬಳಿಕ ಮೊಬೈಲ್ ಫೋನ್​ಗಳನ್ನ ಎಫ್ಎಸ್ಎಲ್​ಗೆ ರವಾನೆ ಮಾಡಲಾಗುತ್ತೆ. ಸಿಡಿಆರ್ ರಿಪೋರ್ಟ್ ಪಡೆದು ಪ್ರತಿಯೊಂದು ಕರೆಗಳ ಪರಿಶೀಲನೆ ನಡೆಸುವ ಸಾಧ್ಯತೆ ಇದ್ದು, ಪ್ರತಿಯೊಂದು ನಂಬರ್ ಬಗ್ಗೆ ಕೂಡ ಪೊಲೀಸರು ಮಾಹಿತಿ ಪಡೆಯುತ್ತಿದ್ದಾರೆ.

ದರ್ಶನ್ ಆಪ್ತ ಬಳಗದಲ್ಲೇ ಆರೋಪಿ ಬೆದರಿಕೆ ಆರೋಪಿ ಪುನೀತ್​  ಗುರುತಿಸಿಕೊಂಡಿದ್ದ ಎನ್ನುವ ಮಾಹಿತಿ ಹೊರ ಬಂದಿದೆ. ಈ ಹಿಂದೆ ತೂಗುದೀಪ್ ಫಾರ್ಮ್​​ಹೌಸ್​ನಲ್ಲಿ ನಟ ದರ್ಶನ್ ಜೊತೆಯೇ ಪುನೀತ್​​ ಕಾಣಿಸಿಕೊಂಡಿದ್ದ ವಿಡಿಯೋ ಕೂಡ ಇದೀಗ ಪೊಲೀಸರ ಕೈಗೆ ಸಿಕ್ಕಿದೆ. ದರ್ಶನ್ ಹಾಗೂ ಪುನೀತ್​​ಗೆ ಯಾವ ರೀತಿ ಸಂಬಂಧವಿತ್ತು ಅನ್ನೋ ಬಗ್ಗೆಯೂ ಪೊಲೀಸರು ತನಿಖೆ ನಡೆಸಲಿದ್ದಾರೆ.