‘ಈ ಪೇಪರ್​ ನನ್ನದಲ್ಲ’

ಸಿಬಿಎಸ್​ಇ ಪರೀಕ್ಷೆ ಬರೆದಿದ್ದ ವೇದಾಂತ್ ಎಂಬ ವಿದ್ಯಾರ್ಥಿ ಮರುಮೌಲ್ಯಮಾಪನಕ್ಕಾಗಿ ತನ್ನ ಭೌತಶಾಸ್ತ್ರ ಪತ್ರಿಕೆಯ ಸ್ಕ್ಯಾನ್ ಮಾಡಿದ ಪ್ರತಿಗೆ ಅರ್ಜಿ ಸಲ್ಲಿಸಿದ್ದನು. ಆದರೆ, ವೇದಾಂತ್ ಸ್ಕ್ಯಾನ್ ಮಾಡಿದ ಪ್ರತಿ ಮತ್ತು ತನ್ನ ಕೈಬರಹಕ್ಕೆ ಮ್ಯಾಚ್​ ಆಗುತ್ತಿಲ್ಲ, ಇದು ನಾನು ಬರೆದ ಪೇಪರ್​ ಅಲ್ಲ ಎಂದು ಎಕ್ಸ್​ನಲ್ಲಿ ಉತ್ತರ ಪತ್ರಿಕೆಯ ಸಮೇತ ಪೋಸ್ಟ್​​ ಮಾಡಿದ್ದಾರೆ.

“ನಾನು ಸಿಬಿಎಸ್‌ಇ 12ನೇ ತರಗತಿಯ ವಿದ್ಯಾರ್ಥಿ. ಭೌತಶಾಸ್ತ್ರದಲ್ಲಿ ಕಡಿಮೆ ಅಂಕಗಳನ್ನು ಪಡೆದ ನಂತರ, ಸಿಬಿಎಸ್‌ಇ ಮರುಮೌಲ್ಯಮಾಪನ ಪ್ರಕ್ರಿಯೆಯ ಮೂಲಕ ನನ್ನ ಉತ್ತರ ಪತ್ರಿಕೆಗಳ ನಕಲು ಪ್ರತಿಗಳಿಗೆ ಅರ್ಜಿ ಸಲ್ಲಿಸಿದ್ದೆ. ಇಂದು ನನಗೆ ಪ್ರತಿಗಳು ಬಂದಿವೆ. ಮತ್ತು ಸಿಬಿಎಸ್‌ಇ ಅಪ್‌ಲೋಡ್ ಮಾಡಿದ ಭೌತಶಾಸ್ತ್ರದ ಉತ್ತರ ಪತ್ರಿಕೆ ನನ್ನದಲ್ಲದ ಕಾರಣ ನಾನು ಶಾಕ್​ ಆಗಿದ್ದೇನೆ’ ಎಂದು ವಿದ್ಯಾರ್ಥಿ  ವೇದಾಂತ್​ ತನ್ನ ಎಕ್ಸ್​ ಖಾತೆಯಲ್ಲಿ ಬರೆದುಕೊಂಡಿದ್ದಾನೆ.

I am a CBSE Class 12 student.

After receiving unexpectedly low marks in Physics, we applied for photocopies of my answer sheets through the CBSE reevaluation process.

Today we received the copies.

And I am shattered because the Physics answer sheet uploaded by CBSE is not mine

— VEDANT (@VEDANTSHRIV17) May 23, 2026

ಈ ತಿಂಗಳ ಆರಂಭದಲ್ಲಿ ಸಿಬಿಎಸ್‌ಇ ಹನ್ನೆರಡನೇ ತರಗತಿಯ ಫಲಿತಾಂಶ ಘೋಷಣೆಯಾದ ನಂತರ ಪೋರ್ಟಲ್ ಕ್ರ್ಯಾಶ್​ ಸಮಸ್ಯೆ, ಸ್ಕ್ಯಾನ್ ಮಾಡಿದ ಪ್ರತಿಗಳನ್ನು ಪಡೆಯಲು ವಿಳಂಬ, ಪಾವತಿ ಕಡಿತಗಳು ಮತ್ತು ಮೌಲ್ಯಮಾಪನಕ್ಕೆ ಸಂಬಂಧಿಸಿದ ವ್ಯತ್ಯಾಸಗಳ ಕುರಿತು ದೇಶಾದ್ಯಂತ ದೂರುಗಳು ಕೇಳಿಬಂದ ಬೆನ್ನಲ್ಲೇ  ಈ ಆರೋಪ ಕೇಳಿಬಂದಿದ್ದು. ಈ ಆರೋಪವು ಮಂಡಳಿಯ OSM ವ್ಯವಸ್ಥೆಯ ಸುತ್ತಲಿನ ಕಳವಳಗಳನ್ನು ತೀವ್ರಗೊಳಿಸಿದ್ದು, ಶನಿವಾರ ಸಿಬಿಎಸ್​ಇ ಪರೀಕ್ಷಾ ಮಂಡಳಿಯು ನ್ಯಾಯಯುತ ಮತ್ತು ಪಾರದರ್ಶಕ ಮೌಲ್ಯಮಾಪನ ಪ್ರಕ್ರಿಯೆಗೆ ಬದ್ಧವಾಗಿದೆ ಎಂದು ಹೇಳಿದೆ.