ಹಿಮಾಚಲದ ಧರ್ಮಶಾಲಾದಲ್ಲಿ ಈ ಸಿನಿಮಾ ಚಿತ್ರೀಕರಣ ಆಗಿದೆ. ಕೊನೆ ಹಂತದ ಶೂಟಿಂಗ್ ಇಲ್ಲಿಯೇ ಆಗಿದೆ. ಈ ಚಿತ್ರದಲ್ಲಿ ಶಿವಣ್ಣನ ಪಾತ್ರದ ಖದರ್ ಜೋರಾಗಿದೆ. ನಿವೃತ್ತಿ ಆದರೂ ಪೊಲೀಸ್ ಖದರ್ ಹೋಗಿರೋದಿಲ್ಲ. ಆ ರೀತಿಯ ಪಾತ್ರವೇ ಇದಾಗಿದೆ.

ಚಿತ್ರದ ಪ್ರೀ-ರಿಲೀಸ್ ಇವೆಂಟ್ ಇದೆ. ಅದಕ್ಕೂ ಮೊದಲೇ ಈ ಹಾಡು ರಿಲೀಸ್ ಆಗಿದೆ. ಅಜನೀಶ್ ಲೋಕನಾಥ್ ಈ ಚಿತ್ರಕ್ಕೆ ಮ್ಯೂಸಿಕ್ ಮಾಡಿದ್ದಾರೆ.

ಬೇಲ್ ರೆಡಿ ಇದೆ

(ಚಿತ್ರ ಕೃಪೆ: ಪವನ್ ಒಡೆಯರ್ ಇನ್​ಸ್ಟಾಗ್ರಾಮ್)

ಹಾಡುಗಾರಿಕೆ ಅಂತ ಬಂದಾಗ ಅಜನೀಶ್ ಲೋಕನಾಥ್ ಹಾಗೂ ಅನಿರುದ್ಧ ಶಾಸ್ತ್ರಿ ಹಾಡಿದ್ದಾರೆ. ಇನ್ನುಳಿದಂತೆ ಬೇಲ್ ಚಿತ್ರದಲ್ಲಿ ಹಲವು ಕಲಾವಿದರಿದ್ದಾರೆ.

ಈ ಚಿತ್ರದಲ್ಲಿ ಪವನ್ ಒಡೆಯರ್ ಗಂಭೀರವಾದ ವಿಷಯವನ್ನೆ ಹೇಳುತ್ತಿದ್ದಾರೆ. ಅದು ಟ್ರೈಲರ್ ಮತ್ತು ಟೀಸರ್‌ ಮೂಲಕವೇ ತಿಳಿಯುತ್ತದೆ. ಆದರೆ, ಇದು ಪೊಲೀಸ್ ಆಫೀಸರ್ ಒಬ್ಬರ ಕತೆ ಅಂತಲೂ ಅನಿಸುತ್ತದೆ.

ಈ ಸಿನಿಮಾದಲ್ಲಿ ಹಾಸ್ಯ ನಟ ಜಗ್ಗಪ್ಪ ಇದ್ದಾರೆ. ಹಾಗೆ ಸುಮ್ಮನೆ ನಾಯಕ ನಟ ಕಿರಣ್ ನಟಿಸಿದ್ದಾರೆ. ಇವರೂ ಕೂಡ ಇಲ್ಲಿ ಪೊಲೀಸ್ ಆಫೀಸರ್ ಆಗಿದ್ದಾರೆ. ಹೀಗೆ ಈ ಬೇಲ್ ಸಿನಿಮಾ ಸಾಕಷ್ಟು ವಿಷಯಗಳನ್ನ ಒಳಗೊಂಡಂತೆ ಕಾಣುತ್ತಿದೆ ಅಂತ ಹೇಳಬಹುದು.