ಆದರೇ ಇದೀಗ ಅವರು ತಮ್ಮ ಸಿನಿಮಾ ಶೂಟಿಂಗ್​ಗೆಖಾಸಗಿ ಜೆಟ್‌ ಬಿಟ್ಟು ಸಾಮಾನ್ಯ ವಿಮಾನದಲ್ಲಿ ಪ್ರಯಾಣಿಸಿದ್ದಾರೆ. ಆದರೆ ಯಾಕೆ? ಕೋಟಿಗಟ್ಟಲೆ ಆಸ್ತಿ ಇರೋ ಬನ್ನಿ ಪ್ರೈವೇಟ್ ಜೆಟ್ ಬಿಟ್ಟು ಸಾಮಾನ್ಯರಂತೆ ವಿಮಾನ ಹತ್ತಿದ್ದೇಕೆ? ಇಲ್ಲಿದೆ ಇಂಟ್ರೆಸ್ಟಿಂಗ್ ಸ್ಟೋರಿ.

ವರದಿಗಳ ಪ್ರಕಾರ ನಟ ಅಲ್ಲು ಅರ್ಜುನ್‌ ಅವರು ಮುಂಬರುವ “ರಾಕ” ಚಿತ್ರದ ಚಿತ್ರೀಕರಣದ ಸಲುವಾಗಿ ಹೈದರಾಬಾದ್​ನಿಂದ ಮುಂಬೈಗೆ ತೆರಳಲು ಚಿತ್ರತಂಡ ಐಷಾರಾಮಿ ಚಾರ್ಟರ್‌ ವಿಮಾನವನ್ನು ವ್ಯವಸ್ಥೆ ಮಾಡಿದ್ದರು. ಆದರೆ ಅಲ್ಲು ಅರ್ಜುನ್ ಈ ವ್ಯವಸ್ಥೆಯನ್ನು ನಿರಾಕರಿಸಿ ಸಾಮಾನ್ಯ ವಿಮಾನದಲ್ಲಿ ಜನ ಸಾಮಾನ್ಯರಂತೆ ತೆರಳಿದ್ದಾರೆ. ಸದ್ಯ ಈ ನಿರ್ಧಾರವು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ.

ಪ್ರೈವೆಟ್ ಜೆಟ್​​ಗೆ ಬೈಬೈ, ಕಮರ್ಷಿಯಲ್ ಫ್ಲೈಟ್ ಹತ್ತಿದ ಅಲ್ಲು ಅರ್ಜುನ್

ಐಷಾರಾಮಿಯನ್ನು ಬಿಟ್ಟು ಸಿನಿಮಾದ ಬಜೆಟ್‌ಗೆ ಆದ್ಯತೆ ನೀಡಿದ ಅಲ್ಲು ಅರ್ಜುನ್‌ ಸಿನಿಮಾದ ಬಜೆಟ್‌ ಸಿನಿಮಾದ ಗುಣಮಟ್ಟ ಸುಧಾರಿಸುವಂತಿರಬೇಕು. ಬಜೆಟ್ ಹಣವನ್ನು ಸಿನಿಮಾಗಾಗಿ ಖರ್ಚು ಮಾಡಬೇಕೇ ಹೊರತು ಅನವಶ್ಯಕ ಐಷಾರಾಮಿ ವ್ಯವಸ್ಥೆಗೆ ವ್ಯಹಿಸಬಾರದು. ಚಿತ್ರ ನಿರ್ಮಾಣದ ಹಣವು ಸ್ಕ್ರೀನ್​​ ಮೇಲೆ ಕಾಣಾಬೇಕೇ ಹೊರತು ಐಷಾರಾಮಿ ವ್ಯವಸ್ಥೆಯಿಂದಲ್ಲ ಎಂದು ನಂಬಿದವರು.

ತ್ರಿಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆಯೇ ಅಲ್ಲು?

ಪ್ರಸ್ತುತವಾಗಿ ನಟ ಅಲ್ಲು ಅರ್ಜುನ್‌ ರವರು ಅಟ್ಲಿ ನಿರ್ದೇಶನದ “ರಾಕ”ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ. ಈ ದೊಡ್ಡ ಬಜೆಟ್‌ ಚಿತ್ರವು ದೊಡ್ಡ ಮಟ್ಟದಲ್ಲಿ ನಿರ್ಮಾಣವಾಗುವ ನಿರೀಕ್ಷೆಯಲಿದ್ದು ಅಭಿಮಾನಿಗಳಲ್ಲಿ ಬಾರಿ ನಿರೀಕ್ಷೆ ಮೂಡಿಸಿದೆ. “ರಾಕ” ಚಿತ್ರಕ್ಕೆ ದೀಪಿಕಾ ಪಡುಕೋಣೆ ಅವರನ್ನು ನಾಯಕಿಯಾಗಿ ಘೋಷಿಸಲಾಗಿದ್ದು ಸ್ಟಾರ್‌ ನಟಿಯರಾದ ರಶ್ಮಿಕಾ ಮಂದಣ್ಣ, ಜಾನ್ವಿ ಕಪೂರ್ ಮತ್ತು ಮೃಣಾಲ್ ಠಾಕೂರ್ ಕೂಡ ನಟಿಸಬಹುದು ಎನ್ನಲಾಗುತ್ತಿದೆ. ಈ ಬಗ್ಗೆ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ.

ರಾಕಾ ಚಿತ್ರಕ್ಕೆ ಬ್ರೇಕ್‌

ಹಲವು ವಾರಗಳನ್ನು “ರಾಕ”ಚಿತ್ರದ ಶೂಟಿಂಗ್‌ಗೋಸ್ಕರ ಕಳೆದ ನಂತರ ಸದ್ಯ ಅಲ್ಲು ಅರ್ಜುನ್‌ ಚಿಕ್ಕ ಬ್ರೇಕ್ ತೆಗೆದುಕೊಂಡು ಕುಟುಂಬದೊಂದಿಗೆ ಪ್ಯಾರೀಸ್‌ಗೆ ತೆರಳಿದ್ದಾರೆ. ಭಾರತಕ್ಕೆ ಮುಂದಿನ ತಿಂಗಳು ಮರಳಲಿದ್ದಾರೆ ಎಂದು ಟೈಮ್ಸ್‌ ಆಫ್‌ ಇಂಡಿಯಾ ವರದಿ ಮಾಡಿದೆ.