ಮೀನಾ ಅವರು ದಿಢೀರ್ ಆಗಿ ತಾರಾ ಅವರ ಮನೆಗೆ ಬಂದಿದ್ದು ಅವರ ಭೇಟಿಯ ಫೋಟೋಸ್ ಸುಂದರವಾಗಿ ಕಂಡು ಬಂದಿದೆ. ನಟಿ ಮೀನಾ ಅವರಿಗೆ ತಾರಾ ಅವರು ಅರಶಿನ ಕುಂಕುಮ ಕೊಡುತ್ತಿರುವ ವಿಡಿಯೋ ಕೂಡಾ ಹರಿದಾಡಿದೆ.

ಖ್ಯಾತ ಹಿರಿಯ ನಟಿ ತಾರಾ ಅನುರಾಧ ಅವರ ಬೆಂಗಳೂರಿನ ಜೆ.ಪಿ. ನಗರದ ಮನೆಗೆ ಖ್ಯಾತ ಬಹುಭಾಷಾ ನಟಿ ಮೀನಾ ಹಾಗೂ ಸಾಂಘವಿ ಅವರು ಆಕಸ್ಮಿಕವಾಗಿ ಭೇಟಿ ನೀಡಿದ್ದರು. ಈ ಮೂವರೂ ಹಳೆ ನೆನಪುಗಳನ್ನು ಹಂಚಿಕೊಂಡು, ಪರಸ್ಪರ ಖುಷಿಯಾದ ಸಮಯ ಕಳೆದಿದ್ದಾರೆ.

ನಟಿ ಮೀನಾ ಅವರು ಕೊನೆಯ ಬಾರಿಗೆ ದೃಶ್ಯಂ 3ನಲ್ಲಿ ಕಾಣಿಸಿಕೊಂಡಿದ್ದರು. ಮೋಹನ್​ಲಾಲ್ ಅಭಿನಯದ ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾಗಳ ಮೂರು ಭಾಗದಲ್ಲಿಯೂ ನಟಿ ಲಾಲೆಟ್ಟನ್ ಜೊತೆ ನಟಿಸಿದ್ದಾರೆ. ತಾರಾ ಅವರು ರಿಯಾಲಿಟಿ ಶೋಗಳಲ್ಲಿ ಜಡ್ಜ್ ಆಗಿ ಭಾಗವಹಿಸುತ್ತಾರೆ. ಅವರ ವಿಡಿಯೋಗಳು ಆಗಾಗ ವೈರಲ್ ಆಗುತ್ತಿರುತ್ತವೆ.