ಈ ಬಗ್ಗೆ ಮಾತನಾಡಿರುವ ಸಲ್ಮಾನ್, ಇತ್ತೀಚಿನ ದಿನಗಳಲ್ಲಿ ಮಕ್ಕಳು ಮೊಬೈಲ್ ಹಾಗೂ ಗ್ಯಾಜೆಟ್‌ಗಳಲ್ಲಿ ಹೆಚ್ಚು ಸಮಯ ಕಳೆಯುತ್ತಿರುವುದರಿಂದ ತಮ್ಮ 10 ವರ್ಷದ ಮಗನಿಗೆ ಗಾಳಿಪಟ ಹಾರಿಸುವುದನ್ನು ಕಲಿಸಲು ನಿರ್ಧರಿಸಿದ್ದಾಗಿ ತಿಳಿಸಿದ್ದಾರೆ.

ಈ ಅಪಘಾತದಲ್ಲಿ ಅವರ ತೋಳು ಮುರಿದಿದ್ದು, ತಕ್ಷಣವೇ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿದೆ. ಸದ್ಯ ಅವರ ಕೈಗೆ ಪ್ಲಾಸ್ಟರ್ ಹಾಕಲಾಗಿದ್ದು, ವೈದ್ಯರ ಮೇಲ್ವಿಚಾರಣೆಯಲ್ಲಿ ಚಿಕಿತ್ಸೆ ಮುಂದುವರಿದಿದೆ.

ಅಪಘಾತದ ಬಳಿಕ ಮಾತನಾಡಿದ ಸಲ್ಮಾನ್, ನರ್ತಕರ ಜೀವನದಲ್ಲಿ ಗಾಯಗಳು ಹೊಸದೇನಲ್ಲ ಎಂದು ಹೇಳಿದ್ದಾರೆ.

ಮೂಳೆ ಮುರಿತ ಗುಣವಾಗುತ್ತದೆ. ಸದ್ಯ ಸಂಪೂರ್ಣವಾಗಿ ಚೇತರಿಸಿಕೊಳ್ಳುವುದೇ ನನ್ನ ಮೊದಲ ಆದ್ಯತೆ. ಇನ್ನೂ ಸುಮಾರು 15 ದಿನಗಳಲ್ಲಿ ಪ್ಲಾಸ್ಟರ್ ತೆಗೆದುಹಾಕಲಾಗುತ್ತದೆ. ಅದರ ನಂತರ ಒಂದು ತಿಂಗಳ ಕಾಲ ಫಿಸಿಯೋಥೆರಪಿ ಪಡೆಯಬೇಕಾಗುತ್ತದೆ. ಬಳಿಕ ಮತ್ತೆ ನೃತ್ಯ ಹಾಗೂ ಕೆಲಸವನ್ನು ಆರಂಭಿಸುತ್ತೇನೆ ಎಂದು ಅವರು ತಿಳಿಸಿದ್ದಾರೆ.

ಸಲ್ಮಾನ್ ಯೂಸುಫ್ ಖಾನ್ 2009ರಲ್ಲಿ ಪ್ರಸಾರವಾದ ಜನಪ್ರಿಯ ನೃತ್ಯ ರಿಯಾಲಿಟಿ ಶೋ ‘ಡ್ಯಾನ್ಸ್ ಇಂಡಿಯಾ ಡ್ಯಾನ್ಸ್’ ಮೊದಲ ಸೀಸನ್‌ನ ವಿಜೇತರಾಗಿ ದೇಶಾದ್ಯಂತ ಜನಪ್ರಿಯತೆ ಪಡೆದರು.

ಅದಾದ ಬಳಿಕ ಹಲವು ವೇದಿಕೆ ಕಾರ್ಯಕ್ರಮಗಳು, ಸಂಗೀತ ವೀಡಿಯೊಗಳು ಹಾಗೂ ಸಿನಿಮಾಗಳಿಗೆ ನೃತ್ಯ ಸಂಯೋಜನೆ ಮಾಡುವ ಮೂಲಕ ತಮ್ಮದೇ ಆದ ಸ್ಥಾನವನ್ನು ನಿರ್ಮಿಸಿಕೊಂಡಿದ್ದಾರೆ.

ನೃತ್ಯ ಸಂಯೋಜಕರಾಗಿಯೇ ಅಲ್ಲದೆ ನಟರಾಗಿಯೂ ಸಲ್ಮಾನ್ ಯಶಸ್ಸು ಕಂಡಿದ್ದಾರೆ. ‘ಎಬಿಸಿಡಿ’ ಹಾಗೂ ‘ಎಬಿಸಿಡಿ 2’ ಸಿನಿಮಾಗಳಲ್ಲಿ ಅವರು ಅಭಿನಯಿಸಿದ್ದು, ಅವರ ಅಭಿನಯಕ್ಕೂ ಉತ್ತಮ ಮೆಚ್ಚುಗೆ ದೊರಕಿತ್ತು.

ಇದರ ಜೊತೆಗೆ ಹಲವು ಡ್ಯಾನ್ಸ್ ಶೋಗಳು ಮತ್ತು ವಿಶೇಷ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವ ಮೂಲಕ ಮನರಂಜನಾ ಕ್ಷೇತ್ರದಲ್ಲಿ ತಮ್ಮ ಛಾಪು ಮೂಡಿಸಿದ್ದಾರೆ.