ಈ ವರ್ಷದ ಆರಂಭದಲ್ಲಿ, ಬೆನ್ ಸ್ಟೋಕ್ಸ್ ನಾಯಕತ್ವದಲ್ಲಿ ಇಂಗ್ಲೆಂಡ್ ಆಶಸ್‌ನಲ್ಲಿ ಆಡಿತ್ತು, ಆದರೆ ಇಂಗ್ಲೆಂಡ್ ಆಸ್ಟ್ರೇಲಿಯಾ ವಿರುದ್ಧ 4-1 ಅಂತರದ ಹೀನಾಯ ಸೋಲು ಅನುಭವಿಸಿತು. ಅಂದಿನಿಂದ, ಸ್ಟೋಕ್ಸ್ ಅವರ ನಾಯಕತ್ವದ ಬಗ್ಗೆ ಪ್ರಶ್ನೆಗಳು ಎದ್ದಿದ್ದವು. ಆದ್ರೆ, ನೈಟ್‌ಕ್ಲಬ್‌ನಲ್ಲಿ ವಿವಾದದ ನಂತರ, ಬೆನ್​ ಸ್ಟೋಕ್ಸ್ ಅಂತರರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತಿ ಹೊಂದಲು ನಿರ್ಧರಿಸಿದ್ದಾರೆ.

ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿಯಿಂದ ಪ್ರಕಟಣೆ

ಬೆನ್ ಸ್ಟೋಕ್ಸ್ 2011 ರಲ್ಲಿ ಏಕದಿನ ಮಾದರಿಯ ಮೂಲಕ ತಮ್ಮ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪಾದಾರ್ಪಣೆ ಮಾಡಿದ್ದರು​. ಬಳಿಕ 2013 ರ ಅಡಿಲೇಡ್‌ನಲ್ಲಿ ನಡೆದ ಆಶಸ್‌ನಲ್ಲಿ ಚೊಚ್ಚಲ ಟೆಸ್ಟ್​ ಪಂದ್ಯವನ್ನು ಆಡಿದ್ದರು. ಇದೀಗ ನ್ಯೂಜಿಲೆಂಡ್ ವಿರುದ್ಧದ ಮೂರನೇ ಟೆಸ್ಟ್‌ನ ನಾಲ್ಕನೇ ದಿನದಂದು ಬೆನ್ ಸ್ಟೋಕ್ಸ್ ನಿವೃತ್ತಿ ಘೋಷಿಸಿದ್ದಾರೆ. ಏಪ್ರಿಲ್ 2022 ರಲ್ಲಿ ಸ್ಟೋಕ್ಸ್ ಇಂಗ್ಲೆಂಡ್ ಟೆಸ್ಟ್ ತಂಡದ ನಾಯಕರಾದರು. ಸ್ಟೋಕ್ಸ್ ಮತ್ತು ಬ್ರೆಂಡನ್ ಮೆಕಲಮ್ ಇಂಗ್ಲೆಂಡ್‌ನ ಹೆಡ್​ ಕೋಚ್​ ಆದ ನಂತರ, ಇಂಗ್ಲೆಂಡ್ ಆಕ್ರಮಣಕಾರಿ ಶೈಲಿಯ ಟೆಸ್ಟ್ ಕ್ರಿಕೆಟ್ ಅನ್ನು ಆಡಲು ಪ್ರಾರಂಭಿಸಿತು, ಇದನ್ನು ಹೆಚ್ಚಾಗಿ ಬೇಸ್‌ಬಾಲ್ ಎಂದು ಕರೆಯಲಾಗುತ್ತದೆ.

ಇಂಗ್ಲೆಂಡ್‌ಗೆ ಹಲವು ಸ್ಮರಣೀಯ ಕ್ಷಣಗಳನ್ನು ನೀಡಿದ ಸ್ಟೋಕ್ಸ್,

ನ್ಯೂಜಿಲೆಂಡ್ ವಿರುದ್ಧದ 2019 ರ ರೋಮಾಂಚಕ ಫೈನಲ್‌ನಲ್ಲಿ ಅಜೇಯ 84 ರನ್‌ ಬಾರಿಸುವ ಮೂಲಕ ಬೆನ್​ ಸ್ಟೊಕ್ಸ್​, ಇಂಗ್ಲೆಂಡ್  ಮೊದಲ ODI ವಿಶ್ವಕಪ್ ಪ್ರಶಸ್ತಿಗೆ ಗೆಲುವಿದೆ ಕಾರಣವಾಗಿದ್ದರು. ಆರು ವಾರಗಳ ನಂತರ, ಹೆಡಿಂಗ್ಲಿಯಲ್ಲಿ ಅವರ ಅದ್ಭುತ ಅಜೇಯ 135 ಆಸ್ಟ್ರೇಲಿಯಾ ವಿರುದ್ಧ ಇಂಗ್ಲೆಂಡ್‌ನ ಶ್ರೇಷ್ಠ ಆಶಸ್ ಗೆಲುವುಗಳಲ್ಲಿ ಒಂದಕ್ಕೆ ಸ್ಫೂರ್ತಿ ನೀಡಿತು. 2022 ರ T20 ವಿಶ್ವಕಪ್‌ನಲ್ಲಿ ಇಂಗ್ಲೆಂಡ್ ಗೆಲುವಿನಲ್ಲಿ ಅವರು ಪ್ರಮುಖ ಪಾತ್ರ ವಹಿಸಿದರು. ಸ್ಟೋಕ್ಸ್ ತಮ್ಮ ವೃತ್ತಿಜೀವನದಲ್ಲಿ 122 ಟೆಸ್ಟ್ ಪಂದ್ಯಗಳನ್ನು, 114 ODI ಪಂದ್ಯಗಳನ್ನು ಮತ್ತು 43 T20I ಗಳನ್ನು ಆಡಿದ್ದಾರೆ.