ಈ ಬೆಲೆ ಏರಿಕೆಯಿಂದ ಕೇವಲ ಗ್ರಾಹಕರು ಮಾತ್ರವಲ್ಲ, ವರ್ತಕರೂ ಕಂಗಾಲಾಗಿದ್ದಾರೆ. ಮೊದಲು ಕೆಜಿಗಟ್ಟಲೆ ಕೊಳ್ಳುತ್ತಿದ್ದ ಗ್ರಾಹಕರು, ಈಗ ಕಾಲು ಕೆಜಿಗೆ ಸೀಮಿತವಾಗಿದ್ದಾರೆ, ಎಂದು ವ್ಯಾಪಾರಿ ಸೆಲ್ವಿ ಅಳಲು ತೋಡಿಕೊಳ್ಳುತ್ತಾರೆ. ತರಕಾರಿ ಮಾರಾಟವಿಲ್ಲದೆ ವರ್ತಕರು ತತ್ತರಿಸುತ್ತಿದ್ದರೆ, ಜನಸಾಮಾನ್ಯರು ಇವತ್ತು ಅಡುಗೆಯಲ್ಲಿ ಏನಪ್ಪಾ ಮಾಡೋದು? ಎಂಬ ಚಿಂತೆಯಲ್ಲಿದ್ದಾರೆ. ಹವಾಮಾನ ವೈಪರೀತ್ಯದ ಈ ಆಟದಿಂದ ಪಾರಾಗುವ ದಾರಿಯೇ ಕಾಣದಂತಾಗಿದೆ.ಒಟ್ಟಿನಲ್ಲಿ, ಬಿಸಿಲಿನ ಝಳದ ಜೊತೆಗೆ ತರಕಾರಿಗಳ ಬೆಲೆಯ ಝಳವೂ ಬೆಂಗಳೂರಿಗರನ್ನು ಸುಡುತ್ತಿದೆ.