ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುವ ಫೋಟೋದಲ್ಲಿ, ಜಾಕೋಬ್ ಒಬ್ಬ ಹುಡುಗಿಯನ್ನು ತಬ್ಬಿಕೊಂಡು ಪೋಸ್ ಕೊಟ್ಟಿದ್ದಾರೆ. ಆದರೆ, ಫೋಟೋದಲ್ಲಿ ಹುಡುಗಿಯ ಮುಖ ಸ್ಪಷ್ಟವಾಗಿ ಕಾಣಿಸುತ್ತಿಲ್ಲ. ಇದರೊಂದಿಗೆ, ಜಾಕೋಬ್ ಅವರನ್ನು ಕ್ಲೀನ್ ಬೌಲ್ಡ್ ಮಾಡಿದ ಈ ನಟಿ ಯಾರಾಗಿರಬಹುದು ಎಂದು ಕ್ರಿಕೆಟ್ ಅಭಿಮಾನಿಗಳು ಚರ್ಚೆ ನಡೆಸುತ್ತಿದ್​ದಾರೆ.

ಜೇಕಬ್ ಬೆಥೆಲ್ ಅವರು ಸೆಲೆಬ್ರಿಟಿ ಮೇಕಪ್ ಆರ್ಟಿಸ್ಟ್ ಅಂಕಿತಾ ಜೊತೆಗೆ ಡೇಟಿಂಗ್ ಮಾಡುತ್ತಿದ್ದಾರೆ ಎಂದು ಡೆಕ್ಕನ್ ಹೆರಾಲ್ಡ್ ವರದಿ ಮಾಡಿದೆ. ಅಂಕಿತಾ ಬಾಲಿವುಡ್‌ನಲ್ಲಿ ಪ್ರಸಿದ್ಧ ಮೇಕಪ್ ಕಲಾವಿದೆ. ಅವರು ಈ ಹಿಂದೆ ಸ್ಟಾರ್ ನಟಿಯರಾದ ಶಿಲ್ಪಾ ಶೆಟ್ಟಿ, ಪಾಲಕ್ ತಿವಾರಿ ಮತ್ತು ಹಿನಾ ಖಾನ್‌ರಂತಹ ಸೆಲೆಬ್ರಿಟಿಗಳೊಂದಿಗೆ ಕೆಲಸ ಮಾಡಿದ್ದಾರೆ. ಜಾಕೋಬ್ ಅವರನ್ನು ಪ್ರೀತಿಸುತ್ತಿದ್ದಾರೆ ಎಂದು ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ.

ತಿರುವು ಏನೆಂದರೆ ಅಂಕಿತಾ ಪಟೇಲ್ ಜೊತೆಗೆ, ಮತ್ತೊಬ್ಬ ಯುವ ಭಾರತೀಯ ನಟಿ ಹೆಸರು ಕೇಳಿಬರುತ್ತಿದೆ. ಹೌದು, ಕೆಲವರು ಈ ಯುವತಿಯನ್ನು ಕನ್ನಡದ ಉದಯೋನ್ಮುಖ ನಟಿ ಆದ್ಯಾ ಆನಂದ್ ಇರಬಹುದೆಂದು ಶಂಕಿಸಿದ್ದಾರೆ.

ಮೂಲತಃ ಕನ್ನಡತಿಯಾದ ಆದ್ಯಾ ಆನಂದ್ ಅವರ ಪ್ರತಿಭೆ ಅಂತಾರಾಷ್ಟ್ರೀಯ ಮಟ್ಟದ್ದಾಗಿದೆ. ಸಿಂಗಾಪುರದಲ್ಲಿ ರಂಗಭೂಮಿ ತರಬೇತಿ ಪಡೆದ ಇವರು, ಬಾಲಿವುಡ್‌ನ ಪ್ರಸಿದ್ಧ ನಟ ಅನುಪಮ್ ಖೇರ್ ಮತ್ತು ಅತುಲ್ ಮೊಂಗಿಯಾ ಅವರ ಸಂಸ್ಥೆಗಳಲ್ಲಿ ನಟನಾ ತರಬೇತಿ ಪಡೆದಿದ್ದಾರೆ.

ಇಂಗ್ಲೆಂಡ್ ಕ್ರಿಕೆಟ್ ತಂಡದ ಭವಿಷ್ಯದ ಆಟಗಾರ ಜಾಕೋಬ್ ಬೆಥೆಲ್. ಟಿ20 ವಿಶ್ವಕಪ್ 2026 ರಲ್ಲಿ ಟೀಮ್ ಇಂಡಿಯಾ ವಿರುದ್ಧ ಜಾಕೋಬ್ ಬೆಥೆಲ್ ಶತಕ ಬಾರಿಸಿ ಮಿಂಚಿದ್ದರು. ಈ ಇನಿಂಗ್ಸ್‌ ಬಳಿಕ ಕೋಟ್ಯಾಂತರ ಕ್ರಿಕೆಟ್ ಅಭಿಮಾನಿಗಳಿಗೆ ನೆಚ್ಚಿನ ಆಟಗಾರನಾಗಿ ಹತ್ತಿರವಾದರು. ಇದಲ್ಲದೆ, ಐಪಿಎಲ್​​ನಲ್ಲಿ ಆರ್​​ಸಿಬಿಯ ಹೊಸ ಸೂಪರ್ ಸ್ಟಾರ್ ಆಗಿಯೂ ಬೆಥೆಲ್ ಫೇಮಸ್ ಆಗಿದ್ದಾರೆ. 22 ವರ್ಷದ ಬೆಥೆಲ್ ತಮ್ಮ ವೃತ್ತಿಜೀವನದಲ್ಲಿ 7 ಟೆಸ್ಟ್‌ಗಳು, 21 ಏಕದಿನಗಳು ಮತ್ತು 31 ಟಿ20 ಅಂತಾರಾಷ್ಟ್ರೀಯ ಪಂದ್ಯಗಳನ್ನು ಆಡಿದ್ದಾರೆ. ಕ್ರಮವಾಗಿ 496, 603 ಮತ್ತು 697 ರನ್‌ಗಳನ್ನು ಗಳಿಸಿದ್ದಾರೆ.