ಶಲೀನ್ ಭಾನೋಟ್ ತಮ್ಮ ವೃತ್ತಿಜೀವನವನ್ನು ಜನಪ್ರಿಯ ರಿಯಾಲಿಟಿ ಶೋ MTV ರೋಡೀಸ್ ಮೂಲಕ ಆರಂಭಿಸಿದರು. ಈ ಕಾರ್ಯಕ್ರಮದ ಮೂಲಕ ಜನಪ್ರಿಯತೆ ಗಳಿಸಿದ ಅವರು ನಂತರ ಹಿಂದಿ ಕಿರುತೆರೆಯ ಹಲವು ಪ್ರಮುಖ ಧಾರಾವಾಹಿಗಳಲ್ಲಿ ಅಭಿನಯಿಸಿ ಗಮನ ಸೆಳೆದರು. ಸಾತ್ ಫೇರೆ, ಕುಲವಧು, ದೋ ಹಂಸೋ ಕಾ ಜೋಡಾ ಹಾಗೂ ಸೂರ್ಯಪುತ್ರ ಕರ್ಣ ಸೇರಿದಂತೆ ಅನೇಕ ಧಾರಾವಾಹಿಗಳ ಮೂಲಕ ಅವರು ಪ್ರೇಕ್ಷಕರ ಮೆಚ್ಚುಗೆ ಗಳಿಸಿದರು.

ವೈವಾಹಿಕ ಜೀವನದ ಕೆಲವು ವರ್ಷಗಳ ನಂತರ ದಂಪತಿಗೆ ಮಗ ಜನಿಸಿದನು. 2014ರಲ್ಲಿ ಜನಿಸಿದ ಮಗನಿಗೆ ಜೇಡೆನ್ ಎಂದು ಹೆಸರಿಡಲಾಯಿತು. ಆದರೆ ಸಂತೋಷದಿಂದ ಸಾಗುತ್ತಿದ್ದ ದಾಂಪತ್ಯ ಜೀವನದಲ್ಲಿ ನಂತರ ಭಿನ್ನಾಭಿಪ್ರಾಯಗಳು ಕಾಣಿಸಿಕೊಂಡವು. ಮಗ ಹುಟ್ಟಿದ ಕೆಲವೇ ಸಮಯದಲ್ಲಿ ಇಬ್ಬರ ಸಂಬಂಧದಲ್ಲಿ ಬಿರುಕು ಮೂಡಿದ್ದು, ಕೊನೆಗೆ 2015ರಲ್ಲಿ ಅವರು ಅಧಿಕೃತವಾಗಿ ವಿಚ್ಛೇದನ ಪಡೆದು ಬೇರ್ಪಟ್ಟರು.

ವಿಚ್ಛೇದನದ ಬಳಿಕ ಇಬ್ಬರೂ ತಮ್ಮ ತಮ್ಮ ವೃತ್ತಿ ಮತ್ತು ವೈಯಕ್ತಿಕ ಬದುಕಿನತ್ತ ಗಮನ ಹರಿಸಿದರು. ದಲ್ಜೀತ್ ಕೌರ್ ನಂತರ ಮತ್ತೊಮ್ಮೆ ವಿವಾಹವಾಗಿದ್ದು, ತಮ್ಮ ಜೀವನದಲ್ಲಿ ಹೊಸ ಅಧ್ಯಾಯವನ್ನು ಆರಂಭಿಸಿದರು. ಮತ್ತೊಂದೆಡೆ ಶಲೀನ್ ಭಾನೋಟ್ ತಮ್ಮ ಅಭಿನಯ ವೃತ್ತಿಯಲ್ಲಿ ಸಕ್ರಿಯರಾಗಿಯೇ ಮುಂದುವರಿದರು.

ಆದರೆ ಕಾರ್ಯಕ್ರಮದ ನಂತರ ಅನಿರೀಕ್ಷಿತ ಬೆಳವಣಿಗೆ ಸಂಭವಿಸಿತು. ಬಾಲಿವುಡ್‌ಗೆ ಸಂಬಂಧಿಸಿದ ಜನಪ್ರಿಯ ಡಿಜಿಟಲ್ ಪೇಜ್‌ ಅವರ ವಿಡಿಯೊವನ್ನು ಬಳಸಿಕೊಂಡು, ಅವರು ತಮ್ಮ ಮೊದಲ ಪತ್ನಿ ದಲ್ಜೀತ್ ಕೌರ್ ಅವರನ್ನು ಮರುಮದುವೆಯಾಗಲು ನಿರ್ಧರಿಸಿದ್ದಾರೆ ಎಂಬ ಶೀರ್ಷಿಕೆಯೊಂದಿಗೆ ಪೋಸ್ಟ್ ಪ್ರಕಟಿಸಿತು. ಯಾವುದೇ ಅಧಿಕೃತ ಮಾಹಿತಿ ಅಥವಾ ದೃಢೀಕರಣವಿಲ್ಲದೆ ಪ್ರಕಟವಾದ ಈ ಸುದ್ದಿ ಕೆಲವೇ ಗಂಟೆಗಳಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಯಿತು.

ಈ ಪೋಸ್ಟ್ ಗಮನಕ್ಕೆ ಬಂದ ಬಳಿಕ ಶಲೀನ್ ಭಾನೋಟ್ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದರು. ವಿಡಿಯೋದ ಕಾಮೆಂಟ್ ವಿಭಾಗದಲ್ಲೇ ಪ್ರತಿಕ್ರಿಯಿಸಿದ ಅವರು, ತಮ್ಮ ವೈಯಕ್ತಿಕ ಜೀವನದ ಕುರಿತು ಆಧಾರರಹಿತ ಮಾಹಿತಿಯನ್ನು ಹಂಚಿಕೊಳ್ಳುವುದು ಸರಿಯಲ್ಲ ಎಂದು ಹೇಳಿದ್ದಾರೆ. ಕೇವಲ ಲೈಕ್ಸ್, ವ್ಯೂಸ್ ಮತ್ತು ಸಾಮಾಜಿಕ ಜಾಲತಾಣದ ಜನಪ್ರಿಯತೆಗಾಗಿ ಇಂತಹ ಸುಳ್ಳು ಸುದ್ದಿಗಳನ್ನು ಹಬ್ಬಿಸುವುದು ತಪ್ಪು ಎಂದು ಅವರು ಕಿಡಿಕಾರಿದ್ದಾರೆ.