ಆದರೆ, ನಂತರ ದುಬಾರಿ ಸ್ಯಾನಿಟರಿ ಫಿಟ್ಟಿಂಗ್‌ಗಳನ್ನು ಕೇವಲ 20,000 ರೂ.ಗೆ ಸ್ಕ್ರ್ಯಾಪ್ ಡೀಲರ್‌ಗೆ ಮಾರಾಟ ಮಾಡಿದ್ದಾರೆ ಎಂದು NDTV ವರದಿ ಮಾಡಿದೆ.

ನಾಗ್ಪುರದ ರಾಹುಲ್ ಸೆರಾಮಿಕ್ಸ್ ಪ್ರೈವೇಟ್ ಲಿಮಿಟೆಡ್‌ನ ಮಾಲೀಕ ರಾಹುಲ್ ಜಯಚಂದ್ ಬಾತ್ರಾ ಪೊಲೀಸರಿಗೆ ದೂರು ನೀಡಿದ ನಂತರ ಈ ಘಟನೆ ಬೆಳಕಿಗೆ ಬಂದಿದೆ. ಈ ಕಂಪನಿಯು ಟೈಲ್ಸ್, ಸ್ಯಾನಿಟರಿ ವೇರ್ ಮತ್ತು ಸಿಪಿ ಫಿಟ್ಟಿಂಗ್‌ಗಳ ವ್ಯವಹಾರ ನಡೆಸುತ್ತದೆ.

ದೂರಿನ ಪ್ರಕಾರ, ಕಳ್ಳರು ಮೇ 27-28ರ ರಾತ್ರಿ ಛಾವಣಿ ಮೂಲಕ ಟಿನ್ ಶೀಟ್‌ಗಳನ್ನು ತೆಗೆದು ಗೋದಾಮಿನೊಳಗೆ ನುಗ್ಗಿದ್ದಾರೆ ಎಂದು ವರದಿಯಾಗಿದೆ. ಕಳ್ಳರು ಹಲವಾರು ಅತ್ಯಾಧುನಿಕ ಸ್ಯಾನಿಟರಿ ಪ್ರಾಡಕ್ಸ್ಟ್ ತೆಗೆದುಕೊಂಡು ಪರಾರಿಯಾಗಿದ್ದು, ಸುಮಾರು 6.5 ಲಕ್ಷ ರೂಪಾಯಿಗಳ ನಷ್ಟ ಉಂಟಾಗಿದೆ

ಕಳ್ಳತನವಾದ ವಸ್ತುಗಳಲ್ಲಿ 3.94 ಲಕ್ಷ ರೂಪಾಯಿ ಮೌಲ್ಯದ ಐದು ಚಿನ್ನದ ಬಣ್ಣದ ಡಿಸೈನರ್ ಟ್ಯಾಪ್‌ಗಳು, 67,000 ರೂಪಾಯಿ ಮೌಲ್ಯದ ಮೂರು ಸ್ಟ್ಯಾಂಡರ್ಡ್ ಚಿನ್ನದ ಬಣ್ಣದ ಟ್ಯಾಪ್‌ಗಳು, 1.3 ಲಕ್ಷ ರೂಪಾಯಿ ಮೌಲ್ಯದ ಒಂಬತ್ತು ಗುಲಾಬಿ ಚಿನ್ನದ ಟ್ಯಾಪ್‌ಗಳು ಮತ್ತು 58,000 ರೂಪಾಯಿ ಮೌಲ್ಯದ ನಾಲ್ಕು ಬೆಳ್ಳಿ ಬಣ್ಣದ ಟ್ಯಾಪ್‌ಗಳು ಸೇರಿವೆ ಎಂದು NDTV ವರದಿ ತಿಳಿಸಿದೆ.

ದೂರಿನ ನಂತರ, ವಿಶೇಷ ಪೊಲೀಸ್ ತಂಡ ತನಿಖೆ ಆರಂಭಿಸಿತು. ಅಧಿಕಾರಿಗಳು ಗೋದಾಮು ಮತ್ತು ಹತ್ತಿರದ ಸ್ಥಳಗಳಲ್ಲಿ ಅಳವಡಿಸಲಾದ 20 ರಿಂದ 35 ಸಿಸಿಟಿವಿ ಕ್ಯಾಮೆರಾಗಳ ದೃಶ್ಯಾವಳಿಗಳನ್ನು ಪರಿಶೀಲಿಸಿದರು. ಅವರು ಸ್ಥಳೀಯ ಮಾಹಿತಿದಾರರಿಂದ ಮಾಹಿತಿಯನ್ನು ಸಂಗ್ರಹಿಸಿದರು. ಟೆಕ್ನಿಕಲ್ ಎವಿಡೆನ್ಸ್ ಮತ್ತು ಉಳಿದ ಮಾಹಿತಿಯ ಆಧಾರದ ಮೇಲೆ ಶಂಕಿತರನ್ನು ಪತ್ತೆಹಚ್ಚಿದರು ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

ಪೊಲೀಸರು ಅಂತಿಮವಾಗಿ ಇಬ್ಬರು ಅಪ್ರಾಪ್ತ ವಯಸ್ಕರನ್ನು ಬಂಧಿಸಿ ಕಳ್ಳತನಕ್ಕೆ ಸಂಬಂಧಿಸಿದಂತೆ ಅವರನ್ನು ಪ್ರಶ್ನಿಸಿದರು. ವಿಚಾರಣೆಯ ಸಮಯದಲ್ಲಿ, ಹುಡುಗರು ಕಳ್ಳತನ ಮಾಡಿರುವುದಾಗಿ ಒಪ್ಪಿಕೊಂಡಿದ್ದಾರೆ ಎನ್ನಲಾಗಿದೆ.

NDTV ವರದಿಯ ಪ್ರಕಾರ, ಕದ್ದ ವಸ್ತುಗಳ ಮೌಲ್ಯ ಹೆಚ್ಚಿದ್ದರೂ, ಡಿಸೈನರ್ ಟ್ಯಾಪ್‌ಗಳನ್ನು ಸ್ಥಳೀಯ ಸ್ಕ್ರ್ಯಾಪ್ ಡೀಲರ್‌ಗೆ ಕೇವಲ 20,000 ರೂ.ಗೆ ಮಾರಾಟ ಮಾಡಿದ್ದೇವೆ ಎಂದು ಹದಿಹರೆಯದವರು ಬಹಿರಂಗಪಡಿಸಿದ್ದಾರೆ.