Last Updated:
Vijayalakshmi Darshan: ವಿಜಯಲಕ್ಷ್ಮಿ ದರ್ಶನ್ ವಿವಾಹ ವಾರ್ಷಿಕೋತ್ಸವ ದಿನ ಒಂದು ದೇವಸ್ಥಾನದ ಲೊಕೇಷನ್ ಪಿನ್ ಮಾಡಿದ್ದಾರೆ. ಫೋಟೋ ಶೇರ್ ಮಾಡಿದ್ದಾರೆ. ಯಾವ ದೇವಸ್ಥಾನ ಅದು?
ಇಂದು ಸ್ಯಾಂಡಲ್ವುಡ್ (Sandalwood) ನಟ ದರ್ಶನ್ (Darshan) ಹಾಗೂ ವಿಜಯಲಕ್ಷ್ಮಿ ಅವರ 23ನೇ ವರ್ಷದ ವಿವಾಹ ವಾರ್ಷಿಕೋತ್ಸವ. 23 ವರ್ಷಗಳ ಹಿಂದೆ ಮೇ 19ರಂದೇ ದರ್ಶನ್ ಅವರು ವಿಜಯಲಕ್ಷ್ಮಿ ಅವರನ್ನು ಮದುವೆಯಾಗಿದ್ದಾರೆ. ಧರ್ಮಸ್ಥಳದಲ್ಲಿ ಈ ಜೋಡಿಯ ಮದುವೆ ನಡೆದಿತ್ತು.
ದರ್ಶನ್ ಹಾಗೂ ವಿಜಯಲಕ್ಷ್ಮಿ ಅವರ ಮದುವೆ ಶ್ರೀಕ್ಷೇತ್ರ ಧರ್ಮಸ್ಥಳದಲ್ಲಿ ನಡೆದಿತ್ತು. ಮೇ-19, 2003 ರಂದು ಇಲ್ಲಿಯ ವಸಂತ್ ಮಹಲ್ನಲ್ಲಿಯೇ ಇವರ ವಿವಾಹ ನಡೆದಿತ್ತು. ಬೆಳಗ್ಗೆ 9:10 ರಿಂದ 9:50 ರ ನಡುವಿನ ಶುಭ ಮಿಥುನ ಲಗ್ನದಲ್ಲಿ ಇವರು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಇವರ ಈ ಮದುವೆ ಸರಳವಾಗಿಯೇ ಆಗಿತ್ತು.
ಇಂದು ವಿಜಯಲಕ್ಷ್ಮಿ ಅವರು ಗಂಡನ ಕೈಹಿಡಿದಿರುವ ಫೋಟೋವನ್ನು ಇನ್ಸ್ಟಾಗ್ರಾಮ್ ಸ್ಟೋರಿ ಹಾಕಿ ಎಂದೆಂದೂ ಜೊತೆಗಿರುವುದಾಗಿ ಹೇಳಿದರು. ಇದಲ್ಲದೆ ನಟಿ ಇನ್ನೊಂದು ಫೋಟೋ ಹಾಕಿದ್ದಾರೆ. ಹೌದು, ಶಿವಲಿಂಗ ಕಾಣಿಸುತ್ತಿದ್ದ ಈ ಫೋಟೊ ತಿರುವಣ್ಣಾಮಲೈ ದೇವಸ್ಥಾನದ್ದು.
ಈ ದೇವಸ್ಥಾನದಲ್ಲಿ ಪ್ರತಿದಿನ ಬೆಳಿಗ್ಗೆ 5:30 ರಿಂದ ರಾತ್ರಿ 10:00 ರವರೆಗೆ ಆರು ಪೂಜೆ ಮತ್ತು ವಾರ್ಷಿಕವಾಗಿ ಹನ್ನೆರಡು ಜಾತ್ರೆಗಳನ್ನು ನಡೆಸುತ್ತದೆ. ತಮಿಳು ತಿಂಗಳ ಕಾರ್ತಿಗೈಯಲ್ಲಿ ಹುಣ್ಣಿಮೆಯ ದಿನದಂದು ಆಚರಿಸಲಾಗುವ ಕಾರ್ತಿಗೈ ದೀಪಂ ಹಬ್ಬದ ಸಮಯದಲ್ಲಿ ಮತ್ತು ಅರುಣಾಚಲ ಬೆಟ್ಟದ ಮೇಲೆ ದೊಡ್ಡ ದೀಪವನ್ನು ಬೆಳಗಿಸಲಾಗುತ್ತದೆ. ಮೈಲುಗಳಷ್ಟು ದೂರದಿಂದ ನೋಡಬಹುದಾದ ದೀಪಸ್ತಂಭವು ಶಿವನ ಜ್ಯೋತಿರ್ಲಿಂಗ ರೂಪವನ್ನು ಸಂಕೇತಿಸುತ್ತದೆ.
ಅರುಣಾಚಲೇಶ್ವರ ದೇವಸ್ಥಾನವು ಪಂಚಭೂತ ಸ್ಥಳಗಳಲ್ಲಿ ಒಂದಾಗಿದೆ. ಇವು ಐದು ಪ್ರಮುಖ ಶಿವ ದೇವಾಲಯಗಳಾಗಿವೆ. ಪ್ರತಿಯೊಂದೂ ನೈಸರ್ಗಿಕ ಅಂಶಗಳ ಅಭಿವ್ಯಕ್ತಿಯನ್ನು ಪ್ರತಿನಿಧಿಸುತ್ತದೆ.ದೇವಾಲಯದಲ್ಲಿರುವ ಲಿಂಗವನ್ನು ಅಗ್ನಿ ಲಿಂಗ ಎಂದು ಕರೆಯಲಾಗುತ್ತದೆ. ಇದು ಬೆಂಕಿಯ ಅಂಶವನ್ನು ಸಂಕೇತಿಸುತ್ತದೆ. ಕರ್ತವ್ಯ, ತಪಸ್ಸು, ಸ್ವಯಂ ತ್ಯಾಗ ಮತ್ತು ಆಧ್ಯಾತ್ಮಿಕ ವಿಮೋಚನೆಯಳನ್ನು ಪ್ರತಿನಿಧಿಸುತ್ತದೆ.
Bangalore,Karnataka
May 19, 2026 12:19 PM IST
