ಇತ್ತೀಚೆಗೆ ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಅದಾ ಶರ್ಮಾ ಒಂದು ವಿಡಿಯೋ ಹಂಚಿಕೊಂಡಿದ್ದರು. ವಿಡಿಯೋ ಆರಂಭದಲ್ಲೇ ಅವರು ‘ನಾನು ತಾಯಿಯಾಗಲಿದ್ದೇನೆ’ ಎಂದು ಹೇಳಿದ್ದು, ಇದನ್ನು ನೋಡಿದ ಅಭಿಮಾನಿಗಳು ಕೆಲ ಕ್ಷಣಗಳ ಕಾಲ ಅಚ್ಚರಿಗೊಂಡರು.

ವಿಡಿಯೋ ಅಪ್‌ಲೋಡ್ ಆದ ಕೆಲವೇ ಗಂಟೆಗಳಲ್ಲಿ ಲಕ್ಷಾಂತರ ವೀಕ್ಷಣೆಗಳನ್ನು ಪಡೆದುಕೊಂಡಿತು. ಅಭಿಮಾನಿಗಳು ಮಾತ್ರವಲ್ಲದೆ ಹಲವಾರು ಸಾಮಾಜಿಕ ಜಾಲತಾಣ ಬಳಕೆದಾರರು ಕೂಡ ವಿಡಿಯೋವನ್ನು ಹಂಚಿಕೊಳ್ಳಲು ಆರಂಭಿಸಿದರು. ನಿಜವಾಗಿಯೂ ಏನಾಗಿದೆ? ಎಂಬ ಪ್ರಶ್ನೆ ಅನೇಕರಲ್ಲಿ ಮೂಡಿತ್ತು.

ವಿಡಿಯೋದಲ್ಲಿ ಅವರು ತಮಾಷೆಯ ಧಾಟಿಯಲ್ಲಿ ‘ನಾನು ಮಲತಾಯಿ ಆಗುತ್ತಿದ್ದೇನೆ’ ಎಂದು ಹೇಳಿ, ಬಳಿಕ ಒಂದು ಕಾಗೆಯನ್ನು ತೋರಿಸಿದರು. ಆ ಕಾಗೆಗೆ ಮರಿ ಹುಟ್ಟಿರುವುದನ್ನು ಉಲ್ಲೇಖಿಸಿ, ಅದಕ್ಕೆ ಸಂಬಂಧಿಸಿದ ಹಾಸ್ಯಮಯ ಕಥೆಯನ್ನು ವಿಡಿಯೋದಲ್ಲಿ ಹಂಚಿಕೊಂಡಿದ್ದಾರೆ.

ವಿಡಿಯೋ ವೈರಲ್ ಆದ ಬಳಿಕ ಕಾಮೆಂಟ್ ವಿಭಾಗದಲ್ಲಿ ಹಲವು ತಮಾಷೆಯ ಪ್ರತಿಕ್ರಿಯೆಗಳು ಕಾಣಿಸಿಕೊಂಡಿವೆ. ಒಬ್ಬ ಬಳಕೆದಾರ ಮರಿ ಹುಟ್ಟಿದ ಸಮಯವನ್ನು ತಿಳಿಸಿ, ನಮ್ಮ ಪಂಡಿತ್‌ಜಿ ಜಾತಕ ನೋಡಿ ಹೆಸರಿನ ಮೊದಲ ಅಕ್ಷರ ಹೇಳುತ್ತಾರೆ ಎಂದು ಬರೆದಿದ್ದಾರೆ. ಮತ್ತೊಬ್ಬರು ಆ ಅಕ್ಷರದ ಆಧಾರದ ಮೇಲೆ ಹೆಸರನ್ನು ಈಗಲೇ ಯೋಚಿಸಬೇಕು ಎಂದು ಹಾಸ್ಯಮಯವಾಗಿ ಪ್ರತಿಕ್ರಿಯಿಸಿದ್ದಾರೆ.

ಇತ್ತೀಚಿನ ವರ್ಷಗಳಲ್ಲಿ ಅದಾ ಶರ್ಮಾ ಕೇವಲ ಸಿನಿಮಾಗಳ ಮೂಲಕವಲ್ಲ, ಸಾಮಾಜಿಕ ಜಾಲತಾಣಗಳ ಮೂಲಕವೂ ದೊಡ್ಡ ಅಭಿಮಾನಿ ಬಳಗವನ್ನು ನಿರ್ಮಿಸಿಕೊಂಡಿದ್ದಾರೆ. ಪ್ರತೀ ಬಾರಿಯೂ ಒಂದಲ್ಲ ಒಂದು ವಿಚಾರವಾಗಿ ನಟಿ ಸುದ್ದಿಯಲ್ಲಿರುತ್ತಾರೆ.