ಸಂಜೆ ಶಾಲೆಯಿಂದ ಬಂದ ನಂತರವೂ ಅಮ್ಮ ಆತನಲ್ಲಿ ಮಾತನಾಡಿಲ್ಲ. ಟ್ಯೂಷನ್ ಮುಗಿಸಿ ಬಂದರೂ ಅಮ್ಮ ಮಾತನಾಡಿಲ್ಲ. ಕೊನೆಗೆ ಅಮ್ಮನ ಬಳಸಿ ಗೋಗರೆದು ಮಾತಾಡಮ್ಮಾ ಅಂದ್ರೆ ತಾಯಿ ಮಾತನಾಡಿಯೇ ಇಲ್ಲ.

ಒಂದು ಸಲ ಬಾಲಕ ಬ್ಯಾಟ್ ಹಿಡಿದು ಅಮ್ಮನ ಬಳಿ ಆಡಿಸುವಂತೆ ಹೋಗಿದ್ದಾನೆ. ಆಗ ಅವನ ತಾಯಿ ಪೊಲೀಸ್ ಸ್ಟೇಷನ್​​ಗೆ ಕಾಲ್ ಮಾಡುವಂತೆ ನಾಟಕ ಮಾಡಿದ್ದರು. ಹೆದರಿದ ಬಾಲಕ ನೀವು ದೂರು ಕೊಡೋದು ಬೇಡ, ನಾನೇ ಹೋಗ್ತೀನಿ ಎಂದು ಸುಮಾರು 2 ಕಿಮೀ ದೂರದ ರಾಸಿಪುರಂ ಪೊಲೀಸ್ ಠಾಣೆಗೆ ಬಂದಿದ್ದಾನೆ.

ಪೊಲೀಸ್ ಠಾಣೆಗೆ ಬಂದ ಬಾಲಕ ಅಮ್ಮ ತನ್ನಲ್ಲಿ ಮಾತನಾಡುತ್ತಿಲ್ಲ ಎಂದು ದೂರು ನೀಡಿದ್ದಷ್ಟೇ ಅಲ್ಲದೆ ಅಪ್ಪ ಚಾಕು ಹಿಡಿದು ಹೆದರಿಸಿದ್ದಾರೆ ಎಂದು ಆರೋಪಿಸಿದ್ದಾನೆ. ನಂತರ ಬಾಲಕನ ಪೋಸಕರು ಕೂಡಾ ಠಾಣೆಗೆ ಬಂದಿದ್ದಾರೆ. ಅವರ ಮಗ ಅವರ ಮಾತನ್ನು ಕೇಳುತ್ತಿಲ್ಲ ಎಂದು ದೂರು ಕೊಟ್ಟಿದ್ದಾರೆ. ನಂತರ ಪೊಲೀಸರು ಪೋಷಕರಿಗೆ ಮಾರ್ಗದರ್ಶನ ನೀಡಿದ್ದಾರೆ. ಮಗುವನ್ನು ಕ್ರೂರವಾಗಿ ಹೆದರಿಸಿ ಬೈಯುವ ಬದಲು ಗೈಡ್ ಮಾಡಿ ಎಂದಿದ್ದಾರೆ. ತಮಾಷೆಗಾಗಿ ಮಾಡಿದ್ದು ಕೂಡಾ ಕೆಲವೊಮ್ಮೆ ಗಂಭೀರವಾಗಿ ಸಮಸ್ಯೆಯಾಗುವ ಸಾಧ್ಯತೆ ಇದೆ ಎಂದಿದ್ದಾರೆ.

ನಂತರ ಪೊಲೀಸರು ಬಾಲಕನಿಗೆ ಕೂಡಾ ಚೆನ್ನಾಗಿ ಓದುವಂತೆ ಹೇಳಿದ್ದಾರೆ. ಪೋಷಕರ ಮಾತು ಕೇಳದೆ ವರ್ತಿಸದಂತೆ ಉಪದೇಶಿಸಿದ್ದಾರೆ. ಕುಟುಂಬದ ಜೊತೆ ಕೌನ್ಸೆಲಿಂಗ್ ಮಾಡಿ ಬಾಲಕನನ್ನು ತಂದೆಯ ಜೊತೆ ಕಳಿಸಿದ್ದಾರೆ.

(Note: The faces of the child and his father should be blurred/covered before publishing.)