Last Updated:
ಪ್ರಧಾನಿ ಮೋದಿಯವರ ಜನ್ಮದಿನದಂದು ಸೇವಾ ಸಂಕಲ್ಪ ಅಭಿಯಾನ ಆರಂಭವಾಗಿದೆ. ಅದೇ ದಿನವನ್ನು ಸೇವಾ ದಿವಸ್ ಎಂದು ಆಚರಿಸಲಾಗುತ್ತದೆ.
ಪ್ರಧಾನಿ ನರೇಂದ್ರ ಮೋದಿ (Narendra Modi) ಅವರ 76ನೇ ಹುಟ್ಟುಹಬ್ಬ(Birthday)ದಂದು, ಬಿಜೆಪಿ (BJP) ರಾಷ್ಟ್ರೀಯ ಅಧ್ಯಕ್ಷ ನಿತಿನ್ ನಬಿನ್ (Nitin Nabin) ಗುರುವಾರ ದೆಹಲಿಯಲ್ಲಿ ರಕ್ತದಾನ (Blood Donation) ಶಿಬಿರವನ್ನು ಉದ್ಘಾಟಿಸಿದರು. ಬಿಜೆಪಿ ಕೇಂದ್ರ ಕಚೇರಿಯಲ್ಲಿ ‘ಸೇವಾ ಸಂಕಲ್ಪ ಅಭಿಯಾನ’ ಶುರುಮಾಡಿ ಈ ದಿನವನ್ನು ‘ಸೇವಾ ದಿವಸ್’ ಎಂದು ಆಚರಿಸಲಾಯಿತು. ನಬಿನ್ ಅವರು ಪ್ರಧಾನಿ ಮೋದಿಗೆ ಹುಟ್ಟುಹಬ್ಬದ ಶುಭಾಶಯ ಕೋರಿದರು. ದೇಶಾದ್ಯಂತ ಸಾವಿರಾರು ಬಿಜೆಪಿ ಕಾರ್ಯಕರ್ತರು ರಕ್ತದಾನ ಮಾಡುತ್ತಿದ್ದಾರೆ ಎಂದು ಅವರು ಹೇಳಿದರು.
ಮಾಧ್ಯಮದವರೊಂದಿಗೆ ಮಾತನಾಡಿದ ನಿತಿನ್ ನಬಿನ್ ಅವರು, ಸೆಪ್ಟೆಂಬರ್ 17 ವಿಶ್ವಕರ್ಮ ದೇವರ ಪೂಜೆಯ ದಿನ. ಅದೇ ದಿನ ಪ್ರಧಾನಿ ಮೋದಿಯವರ ಹುಟ್ಟುಹಬ್ಬವೂ ಆಗಿದೆ. ದೇಶದ ಪ್ರಧಾನ ಸೇವಕರಿಗೆ ನಾನು ಹುಟ್ಟುಹಬ್ಬದ ಶುಭಾಶಯ ಹೇಳುತ್ತೇನೆ. ಅವರು ದೀರ್ಘಕಾಲ ಬದುಕಲಿ, ಯಶಸ್ಸು ಮುಂದುವರಿಯಲಿ ಎಂದು ಪ್ರಾರ್ಥಿಸುತ್ತೇನೆ ಎಂದು ಹೇಳಿದರು.
ಇಂದು ನಾವು ‘ಸೇವಾ ಸಂಕಲ್ಪ ಅಭಿಯಾನ’ವನ್ನು ಆರಂಭಿಸುತ್ತಿದ್ದೇವೆ. ಈ ದಿನವನ್ನು ‘ಸೇವಾ ದಿವಸ್’ ಎಂದು ಆಚರಿಸುತ್ತಿದ್ದೇವೆ. ಇಂದು ದೇಶದಾದ್ಯಂತ ಸಾವಿರಾರು ಬಿಜೆಪಿ ಕಾರ್ಯಕರ್ತರು ರಕ್ತದಾನ ಅಭಿಯಾನ ಆರಂಭಿಸಿದ್ದಾರೆ. ಈ ಒಳ್ಳೆಯ ರಕ್ತದಾನ ಕಾರ್ಯಕ್ರಮದಲ್ಲಿ ಭಾಗವಹಿಸುವುದು ನಮಗೆ ಸಂತೋಷ ಎಂದು ನಿತಿನ್ ನಬಿನ್ ಮಾಹಿತಿ ನೀಡಿದರು.
ದೇಶದಾದ್ಯಂತ ಪ್ರಧಾನಿ ಮೋದಿ ಅವರ ನಾಯಕತ್ವದಲ್ಲಿ ಅನೇಕ ಜನರ ಜೀವನ ಬದಲಾಗಿದೆ. ಈ ಬದಲಾವಣೆ ಕೇವಲ ಜೀವನದ ಸ್ಥಿತಿಗೆ ಸೀಮಿತವಾಗಿಲ್ಲ. ಇದು ಲಕ್ಷಾಂತರ ಭಾರತೀಯರ ಮನಸ್ಸನ್ನೂ ಬದಲಾಯಿಸಿದೆ. ಇಂದು ಪ್ರತಿ ಭಾರತೀಯನು ‘ದೇಶ ಮೊದಲು’ ಎಂಬ ಭಾವನೆಯಿಂದ ಮುಂದೆ ಸಾಗುತ್ತಿದ್ದಾನೆ. ಅವರ ಜನ್ಮದಿನದಂದು ನಾವು ಸಮಾಜದಲ್ಲಿ ಆದ ಬದಲಾವಣೆ, ಜನರ ಮನೋಭಾವದಲ್ಲಿ ಆದ ಬದಲಾವಣೆ ಮತ್ತು ಜೀವನದಲ್ಲಿ ಆದ ಸುಧಾರಣೆಗಳನ್ನು ನೆನಪಿಸಿಕೊಳ್ಳುತ್ತೇವೆ ಎಂದು ಮೋದಿ ಅವರನ್ನು ನಿತಿನ್ ನಬಿನ್ ಗುಣಗಾನ ಮಾಡಿದರು.
ಪ್ರಧಾನಿ ಮೋದಿಯವರ ಹುಟ್ಟುಹಬ್ಬದಂದು ದೆಹಲಿ ಸರ್ಕಾರ ರಕ್ತದಾನ ಶಿಬಿರವನ್ನು ನಡೆಸುತ್ತಿದೆ. ಇದರಲ್ಲಿ 2,500 ಯೂನಿಟ್ ರಕ್ತ ಸಂಗ್ರಹಿಸುವ ಗುರಿ ಇದೆ. ಈ ದೊಡ್ಡ ಶಿಬಿರವನ್ನು ಪ್ರಧಾನಿ ಮೋದಿಯವರ ಸಾರ್ವಜನಿಕ ಸೇವೆ ಮತ್ತು ರಾಷ್ಟ್ರ ಸೇವೆಯ ಆದರ್ಶಕ್ಕೆ ಸಮರ್ಪಿಸಲಾಗಿದೆ ಎಂದು ದೆಹಲಿ ಮುಖ್ಯಮಂತ್ರಿ ರೇಖಾ ಗುಪ್ತಾ ಹೇಳಿದ್ದಾರೆ.
