ಅನಂತ್ ನಾಗ್ (Anant Nag) ಅವರಿಗೆ ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿ (Dadasaheb Phalke Award) ಘೋಷಣೆ ಆಗಿದೆ. ಇದು ನಿಜಕ್ಕೂ ಹೆಮ್ಮೆಯ ವಿಷಯವೇ ಆಗಿದೆ. ಕನ್ನಡಿಗರಿಗೆ ಬರ್ತಿರೋ ಮೂರನೇ ದಾದಾ ಸಾಹೇಬ್ ಪ್ರಶಸ್ತಿ ಇದಾಗಿದೆ. ಅನಂತ್ ನಾಗ್ (Anant Nag) ಅವರು ಉತ್ತಮ ಕಲಾವಿದರು. ಸಜ್ಜನ ವ್ಯಕ್ತಿ, ಮಾತುಗಳು ಕಡಿಮೆ. ತುಂಬಾನೆ ಚೆನ್ನಾಗಿ ಹಾಡ್ತಾರೆ. ಇವರ ಸೀರಿಯಸ್ ಪಾತ್ರಗಳೂ ಇಷ್ಟ ಆಗುತ್ತವೆ. ಕಾಮಿಡಿ ರೋಲ್ ಕೂಡ ತುಂಬಾನೆ ಇಷ್ಟ ಆಗುತ್ತವೆ. ಇವರ ಜೊತೆಗೆ ಬೆಳದಿಂಗಳ ಬಾಲೆ ಚಿತ್ರದಲ್ಲಿ ನಟಿಸಿದ್ದೇನೆ. ನಿಷ್ಕರ್ಷ ಚಿತ್ರದಲ್ಲಿ ಅಭಿನಯಿಸಿದ್ದೇನೆ. ಆದರೆ, ಇವರ ಜೊತೆಗೆ ಸೀನ್‌ಗಳೇನು ಇಲ್ಲ. ಇವರಿಗೆ ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿ ಬಂದಿರೋದು ತುಂಬಾನೆ ಖುಷಿ ವಿಚಾರವೇ ಆಗಿದೆ ಅಂತ ಬೆಳದಿಂಗಳ ಬಾಲೆ ಚಿತ್ರ ನಾಯಕಿ ಸುಮನ್ ನಗರ್‌ಕರ್ (Suman Nagarkar) ಹೇಳಿದ್ದಾರೆ. ನ್ಯೂಸ್‌ 18 ಕನ್ನಡ ಡಿಜಿಟಲ್ ಜೊತೆಗಿನ Exclusive ಮಾತುಕತೆಯಲ್ಲಿ ಸುಮಾರು ವಿಚಾರ ಹೇಳಿಕೊಂಡಿದ್ದಾರೆ. ಅದರ ವಿವರ ಇಲ್ಲಿದೆ ಓದಿ.