ಆರ್​​ಸಿಬಿ ಮತ್ತು ಎಸ್​​ಆರ್​​ಹೆಚ್​ ಪಂದ್ಯದ ನಂತರ ಕೆಲವು ಅಭಿಮಾನಿಗಳು ಟ್ರಾವಿಸ್ ಹೆಡ್ ಅವರ ಪತ್ನಿ ಜೆಸ್ಸಿಕಾ ಅವರನ್ನು ಟ್ರೋಲ್ ಮಾಡುತ್ತಿದ್ದಾರೆ. ಜೆಸ್ಸಿಕಾ ಸ್ವತಃ ಇದನ್ನು ಬಹಿರಂಗಪಡಿಸಿದ್ದಾರೆ. ಜೆಸ್ಸಿಕಾ ಇದನ್ನು 2023 ರ ವಿಶ್ವಕಪ್ ಫೈನಲ್ ನಂತರ ಆಗಿದ್ದ ಟ್ರೋಲಿಂಗ್‌ಗೆ ಹೋಲಿಸಿದ್ದಾರೆ.

2023 ರ ಏಕದಿನ ವಿಶ್ವಕಪ್ ನಂತರ ಎದುರಿಸಿದ ಸನ್ನಿವೇಶಗಳು ಮತ್ತೆ ನೆನಪಿಗೆ ಬರುತ್ತಿವೆ. ಪಂದ್ಯದ ಮರುದಿನ, ಸೋಶಿಯಲ್ ಮೀಡಿಯಾ ಅಸಭ್ಯ ಭಾಷೆಯಿಂದ ತುಂಬಿತ್ತು. ಅವರು ನನ್ನನ್ನು, ನನ್ನ ಸ್ನೇಹಿತರು ಮತ್ತು ಕುಟುಂಬ ಸದಸ್ಯರನ್ನು ಗುರಿಯಾಗಿಸಿಕೊಂಡು ಕೆಟ್ಟದಾಗಿ ಟ್ರೋಲ್ ಮಾಡುತ್ತಿದ್ದಾರೆ. ಕ್ರೀಡೆಯಲ್ಲಿ ಅಭಿಮಾನಿಗಳು ಮತ್ತು ಉತ್ಸಾಹ ಸಹಜ. ಆದರೆ ಕ್ರೀಡಾಪಟುಗಳಿಗೂ ಕುಟುಂಬಗಳಿವೆ ಎಂಬುದನ್ನು ನಾವು ನೆನಪಿನಲ್ಲಿಡಬೇಕು. ಕ್ರೀಡಾಪಟುಗಳ ಕುಟುಂಬಗಳು ಸಹ ಮನುಷ್ಯರು. ಆಟ ಮುಗಿದ ನಂತರ ನಾವು ಪರಸ್ಪರ ಗೌರವಿಸಬೇಕು. ಈ ರೀತಿಯ ನಡವಳಿಕೆ ಸರಿಯಲ್ಲ ಎಂದು ಜೆಸ್ಸಿಕಾ ಹೆಡ್ ಹೇಳಿದ್ದಾರೆ.

2023 ರ ಕ್ರಿಕೆಟ್ ವಿಶ್ವಕಪ್ ಫೈನಲ್, 2021-23 ರ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ (WTC) ಫೈನಲ್ ಮತ್ತು ಬಾಕ್ಸಿಂಗ್ ಡೇ ಟೆಸ್ಟ್ ನಂತರ ತಮ್ಮ ಕುಟುಂಬವು ಇದೇ ರೀತಿಯ ಟ್ರೋಲಿಂಗ್ ಅನ್ನು ಎದುರಿಸಿದೆ ಎಂದು ಜೆಸ್ಸಿಕಾ ಹೆಡ್ ಬಹಿರಂಗಪಡಿಸಿದ್ದಾರೆ. ಈ ಎಲ್ಲಾ ಪಂದ್ಯಗಳಲ್ಲಿ ಭಾರತ ತಂಡವನ್ನು ಆಸ್ಟ್ರೇಲಿಯಾ ಸೋಲಿಸಿದೆ. ಇದಕ್ಕೆ ಮುಖ್ಯ ಕಾರಣ ಟ್ರಾವಿಸ್ ಹೆಡ್ ಅವರ ಬ್ಯಾಟಿಂಗ್. ಇದಕ್ಕಾಗಿ ಅವರ ಪತ್ನಿಯನ್ನು ಟ್ರೋಲ್ ಮಾಡಲಾಗುತ್ತಿದೆ ಎಂಬ ಚರ್ಚೆ ಸೋಶಿಯಲ್ ಮೀಡಿಯಾದಲ್ಲಿ ನಡೆಯುತ್ತಿದೆ.

ಆರ್‌ಸಿಬಿ ತಂಡದ ಇನ್ನಿಂಗ್ಸ್‌ನಲ್ಲಿ ವಿವಾದ ಭುಗಿಲೆದ್ದಿತು. ವೆಂಕಟೇಶ್ ಅಯ್ಯರ್ ನಿರಂತರವಾಗಿ ಎಸ್‌ಆರ್‌ಹೆಚ್ ಬೌಲರ್‌ಗಳ ಮೇಲೆ ದಾಳಿ ಮಾಡುತ್ತಿದ್ದರು. ಈ ವೇಳೆ ಹೆಡ್ ‘ಬಿಗ್ ಶಾಟ್ ಹೊಡೆಯಿರಿ..’ ಎಂದು ಪ್ರಚೋದನಕಾರಿ ಹೇಳಿಕೆ ನೀಡಿದಾಗ ವಿವಾದ ಪ್ರಾರಂಭವಾಯಿತು. ಕೊಹ್ಲಿ ಕೂಡ ತೀವ್ರವಾಗಿ ಪ್ರತಿಕ್ರಿಯಿಸಿದರು. ವಿರಾಟ್ ಕೊಹ್ಲಿ ಮಿಡ್‌ವಿಕೆಟ್‌ನಲ್ಲಿ ಟ್ರಾವಿಸ್ ಹೆಡ್‌ರನ್ನು ತೋರಿಸಿ ಬೌಲಿಂಗ್ ಮಾಡಲು ಸವಾಲು ಹಾಕಿದರು.

ಪಂದ್ಯದ ನಂತರದ ಹ್ಯಾಂಡ್‌ಶೇಕ್‌ನಿಂದ ವಿರಾಟ್ ಕೊಹ್ಲಿ ಆಸ್ಟ್ರೇಲಿಯಾದ ಆಟಗಾರನೊಂದಿಗೆ ಹ್ಯಾಂಡ್‌ಶೇಕ್ ಮಾಡದೆಯೇ ಹೊರನಡೆಯುತ್ತಿರುವ ವಿಡಿಯೋ ವೈರಲ್ ಆಗಿತ್ತು. ಕೊಹ್ಲಿ ಹೆಡ್ ಹಿಂದೆ ನಿಂತಿದ್ದ ಇಶಾನ್ ಕಿಶನ್ ಅವರೊಂದಿಗೆ ಹ್ಯಾಂಡ್‌ಶೇಕ್ ಮಾಡಿದರು. ಆದರೆ ಟ್ರಾವಿಸ್ ಹೆಡ್ ಅವರನ್ನು ನಿರ್ಲಕ್ಷಿಸಿದಂತೆ ತೋರುತ್ತಿತ್ತು. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆಗೆ ನಾಂದಿ ಹಾಡಿತು.