ಇಬ್ಬರೂ ಡಿಸೆಂಬರ್ 26 ರಿಂದ 27 ರವರೆಗೆ ಈ ಐಷಾರಾಮಿ ರೆಸ್ಟೋರೆಂಟ್ ಅನ್ನು ಬುಕ್ ಮಾಡಿದ್ದಾರೆ ಎನ್ನಲಾಗಿದೆ. ಇನ್ನು ಮದುವೆಗೆ ಸುಮಾರು 180 ಅತಿಥಿಗಳು ಆಗಮಿಸುವ ನಿರೀಕ್ಷೆಯಿದ್ದು, ಬಿಲ್ ಗೇಟ್ಸ್, ಲಿಯೊನಾರ್ಡೊ ಡಿಕಾಪ್ರಿಯೊ ಮತ್ತು ಜೋರ್ಡಾನ್ ಮಹಾರಾಣಿ ರಾನಿಯಾ ಅವರು ವಿವಾಹದಲ್ಲಿ ಪಾಲ್ಗೊಳ್ಳಲಿದ್ದಾರೆ ಎಂದು ವರದಿಯಾಗಿದ್ದು, ಮದುವೆಗೆ ಸಂಬಂಧಿಸಿದ ಯಾವುದೇ ಮಾಹಿತಿ ನೀಡದಂತೆ ವೆಡ್ಡಿಂಗ್ ಪ್ಲಾನರ್‌ಗಳಿಗೆ ಸೂಚನೆ ನೀಡಲಾಗಿದೆ. ಏತನ್ಮಧೆ ಮದುವೆಯ ಆಯೋಜಕಿ ಸಾರಾ ರೋಸ್ ಅಟ್ಮನ್ ಅವರು ವಿಶ್ವದಾದ್ಯಂತ ಅತ್ಯುತ್ತಮ ಅಲಂಕಾರಗಳನ್ನು ಮದುವೆ ನಡೆಯುತ್ತಿರುವ ಸ್ಥಳಕ್ಕೆ ತರಲಾಗಿದೆ ಎಂದು ವಿವಿಧ ಮಾಧ್ಯಮಗಳಿಂದ ಉಲ್ಲೇಖಿಸಲಾಗಿದೆ.

ಜೆಫ್ ಬೆಜೋಸ್ ಅವರ ನಿಶ್ಚಿತ ವಧು ಲಾರಾ ವೆಂಡಿ ಸ್ಯಾಂಚೆಝ್ ಅವರು ಮೆಕ್ಸಿಕನ್-ಅಮೇರಿಕನ್ ಕುಟುಂಬದಲ್ಲಿ ಡಿಸೆಂಬರ್ 19, 1969 ರಂದು ನ್ಯೂ ಮೆಕ್ಸಿಕೋದ ಅಲ್ಬುಕರ್ಕ್ನಲ್ಲಿ ಜನಿಸಿದರು. ಅಮೆರಿಕದ ಹೆಸರಾಂತ ಪತ್ರಕರ್ತೆ ಮತ್ತು ಉದ್ಯಮಿಯಾಗಿರುವ ಇವರು ಪತ್ರಿಕೋದ್ಯಮದ ಹೊರತಾಗಿ, ಪೈಲಟ್ ಆಗಿಯೂ ತಮ್ಮ ಛಾಪು ಮೂಡಿಸಿದರು.

2018 ರಿಂದ ಜೆಫ್ ಬೆಜೋಸ್ ಅವರೊಂದಿಗೆ ಪ್ರತಿಯಲ್ಲಿರುವ ಲಾರಾ ಈ ಹಿಂದೆ ಪ್ಯಾಟ್ರಿಕ್ ವೈಟ್‌ಸೆಲ್ ಅವರನ್ನು ಮದುವೆಯಾಗಿದ್ದು, ಇಬ್ಬರು ಮಕ್ಕಳಿದ್ದಾರೆ. ಜೊತೆಗೆ NFL ತಾರೆ ಟೋನಿ ಗೊನ್ಜಾಲೆಜ್ ಅವರೊಂದಿಗಿನ ಸಂಬಂಧದಿಂದ ಲಾರಾ ಸ್ಯಾಂಚೆಜ್‌ಗೆ ಇನ್ನೊಬ್ಬ ಮಗನಿದ್ದಾನೆ. ಇದರೊಂದಿಗೆ ಹವಾಮಾನ ಬದಲಾವಣೆ ಮತ್ತು ಪರಿಸರ ಸಂರಕ್ಷಣೆಯನ್ನು ನಿಭಾಯಿಸಲು ಬೆಜೋಸ್ ಸ್ಥಾಪಿಸಿದ ಸಂಸ್ಥೆಯಾದ ಬೆಜೋಸ್ ಅರ್ಥ್ ಫಂಡ್‌ನ ಉಪಾಧ್ಯಕ್ಷರಾಗಿ ಸ್ಯಾಂಚೆಜ್ ಕಾರ್ಯನಿರ್ವಹಿಸುತ್ತಿದ್ದಾರೆ.