ವಿತರಕರೂ, ನಿರ್ಮಾಪಕರೂ ಆಗಿರುವ ಜಯಣ್ಣ ಹಾಗೂ ಭೋಗೇಂದ್ರ ಅವರು ಚಂದನದ ತಾರಾಂತರಂಗ ಕಾರ್ಯಕ್ರಮದಲ್ಲಿ ಮಾತನಾಡಿದ್ದರು. ಈ ವೇಳೆ ರಾಕಿಂಗ್ ಸ್ಟಾರ್ ಯಶ್ ಬಗ್ಗೆ ಅವರು ಮಾತನಾಡಿದ್ದಾರೆ. 500ಕ್ಕೂ ಹೆಚ್ಚು ಸಿನಿಮಾ ವಿತರಣೆ ಮಾಡಿದ ಇವರು, ಕೆಲವೊಂದಷ್ಟು ಸಿನಿಮಾಗಳನ್ನು ನಿರ್ಮಿಸಿದ್ದಾರೆ.

ಡಿಸ್ಟ್ರಿಬ್ಯೂಷನ್​​​ಗಿಂತ ನಿರ್ಮಾಣದಲ್ಲೇ ಲಾಭ ಜಾಸ್ತಿ. 500 ಸಿನಿಮಾ ಡಿಸ್ಟ್ರಿಬ್ಯೂಷನ್ ಮಾಡಿದರೂ 25 ಸಿನಿಮಾ ನಿರ್ಮಾಣದಲ್ಲೇ ಲಾಭ ಜಾಸ್ತಿ. ಕಾರಣ ರಾಕಿಂಗ್ ಸ್ಟಾರ್ ಯಶ್ ಅನ್ನೋ ವ್ಯಕ್ತಿ ಎಂದಿದ್ದಾರೆ.

ಎಲ್ಲಾ ಹಿರೋಗಳು ಕೌಂಟ್​ಗೆ ಬರುತ್ತಾರೆ. ಶಿವಣ್ಣ ಪಿಕ್ಚರ್, ದರ್ಶನ್, ಅಪ್ಪು, ವಿಜಯ್ ಸಿನಿಮಾ ಮಾಡಿದ್ದೀವಿ. ತುಂಬಾ ದೊಡ್ಡದಾಗಿ ಲಾಭ ನೋಡಿದ್ದು 2012ರಿಂದ 2014ರ ತನಕ ಐದು ಸಿನಿಮಾಗಳು. ಆಗ ಯಶ್ ಅವರು ದೊಡ್ಡ ಸೂಪರ್​ಸ್ಟಾರ್ ಆಗಿರಲಿಲ್ಲ. ಜಾನು, ಡ್ರಾಮಾ ಅಲ್ಲಿಂದ ಸತತ 5 ಬ್ಯಾಕ್ ಟು ಬ್ಯಾಕ್ ಸಿನಿಮಾ. ಐದು ಸಿನಿಮಾ ಜೊತೆ ರಾಜಾಹುಲಿ ಸಿನಿಮಾ, ಡಿಸ್ಟ್ರಿಬ್ಯೂಷನ್ ಅದು. ಎರಡೂವರೆ ವರ್ಷ 6 ಸಿನಿಮಾ ರಿಲೀಸ್ ಆಗುತ್ತೆ. ರಾಮಾಚಾರಿ ಹೊತ್ತಿಗೆ ತುಂಬಾ ಬದಲಾವಣೆ ಆಯ್ತು ಎಂದಿದ್ದಾರೆ.

ಜಾನು ನಮ್ಮ ಡಿಸಿಷನ್, ಡ್ರಾಮಾ ನಮ್ಮ ಡಿಸಿಷನ್, ಗಜಕೇಸರಿ ನಮ್ಮ ಡಿಸಿಷನ್ ನಮ್ಮ ಡಿಸಿಷನ್, ರಾಮಾಚಾರಿ ಅವರ ಡಿಸಿಷನ್. ನಾವು ಅವರಿಗೋಸ್ಟರ ಕಷ್ಟ ಪಟ್ಟಿದ್ದೀವಿ. ಅವರು ತುಂಬಾ ಕಷ್ಟಪಟ್ಟಿದ್ದಾರೆ. ಅವರು ಕಷ್ಟಪಟ್ಟು ಕೆಲಸ ಮಾಡಿದ್ದಾರೆ. ನಾವು ನೋಡಿದ್ದೇವೆ. ಪ್ಯಾಚ್ ವರ್ಕ್ ಎಲ್ಲ ಇತ್ತು, ನಾನು ಬಿರಿಯಾನಿ ತಂದುಕೊಟ್ಟು ತಿನ್ಲೇಬೇಕು ಎಂದು ಎದುರು ಕೂತಿದ್ದೆ ಎಂದಿದ್ದಾರೆ.

ಯಶ್ ಅವರ ವೃತ್ತಿಜೀವನದಲ್ಲಿ ಅತಿದೊಡ್ಡ ತಿರುವು ತಂದ ಸಿನಿಮಾ ಕೆಜಿಎಫ್. ಪ್ರಶಾಂತ್ ನೀಲ್ ನಿರ್ದೇಶನದ ಈ ಸಿನಿಮಾ ದೇಶದಾದ್ಯಂತ ದಾಖಲೆ ನಿರ್ಮಿಸಿ, ಯಶ್ ಅವರನ್ನು ಪ್ಯಾನ್ ಇಂಡಿಯಾ ಸೂಪರ್‌ಸ್ಟಾರ್ ಆಗಿ ಪರಿಚಯಿಸಿತು. ಬಳಿಕ ಕೆಜಿಎಫ್ ಚಾಪ್ಟರ್ 2 ಕೂಡ ವಿಶ್ವದಾದ್ಯಂತ ಭರ್ಜರಿ ಯಶಸ್ಸು ಕಂಡು, ಅವರ ಜನಪ್ರಿಯತೆಯನ್ನು ಮತ್ತಷ್ಟು ಎತ್ತರಕ್ಕೆ ಕೊಂಡೊಯ್ದಿತು.