ಭಾರತ ತಂಡದ ಈ ಕ್ಯಾಚ್ ಕೈಚೆಲ್ಲುವ ಕಳಪೆ ಆಟ ಮೂರನೇ ಓವರ್‌ನ ಐದನೇ ಎಸೆತದಲ್ಲಿ ಪ್ರಾರಂಭವಾಯಿತು. ಬಾಂಗ್ಲಾದೇಶದ ಆರಂಭಿಕ ಆಟಗಾರ್ತಿ ಜುವೇರಿಯಾ ಫಿರ್ದೌಸ್ ಬೌಲರ್ ಶ್ರೀ ಚರಣಿ ಅವರ ಎಸೆತವನ್ನು ಸ್ವೀಪ್ ಶಾಟ್ ಮಾಡಲು ಯತ್ನಿಸಿದರು. ಚೆಂಡು ಗಾಳಿಯಲ್ಲಿ ಹಾರಿ ಶಾರ್ಟ್ ಫೈನ್ ಲೆಗ್ ಕಡೆಗೆ ಹೋಯಿತು. ಚೆಂಡನ್ನು ಗುರುತಿಸಿದ ಯಾಸ್ತಿಕಾ ಭಾಟಿಯಾ ವೇಗವಾಗಿ ಓಡಿ ಅದ್ಭುತವಾದ ಡೈವ್ ಅನ್ನು ಮಾಡಿದರು. ಆದರೆ ಯಾಸ್ತಿಕಾ ಚೆಂಡನ್ನ ಹಿಡಿಯಲು ವಿಫಲರಾದರು. ಡ್ರಾಪ್ ಕ್ಯಾಚ್ ಆಯಿತು.

ನಾಲ್ಕನೇ ಓವರ್‌ನ ಕೊನೆಯ ಎಸೆತದಲ್ಲಿ ಜುವೇರಿಯಾಗೆ ಎರಡನೇ ಜೀವ ಸಿಕ್ಕಿತು. ಈ ಬಾರಿ, ಬೌಲರ್ ರೇಣುಕಾ ಸಿಂಗ್ ಬೌಲಿಂಗ್​​ನಲ್ಲಿ ರಾಧಾ ಯಾದವ್​ ಕೈಬಿಟ್ಟರು. ರೇಣುಕಾ ನೀಡಿದ ಶಾರ್ಟ್ ಎಸೆತವನ್ನ ಜುವೇರಿಯಾ ಪುಲ್ ಮಾಡಲು ಪ್ರಯತ್ನಿಸಿದರು. ಚೆಂಡು ನೇರವಾಗಿ ಡೀಪ್ ಮಿಡ್‌ ವಿಕೆಟ್‌ನಲ್ಲಿ ನಿಂತಿದ್ದ ರಾಧಾ ಯಾದವ್ ಅವರ ಕೈಗೆ ಹೋಯಿತು. ಇದು ಸರಳ ಮತ್ತು ನೇರವಾದ ಕ್ಯಾಚ್ ಆಗಿತ್ತು, ಆದರೆ ಚೆಂಡು ರಾಧಾ ಅವರ ಕೈಯಿಂದ ಜಾರಿ ಬಾಂಡರಿ ಸೇರಿತು. ಇಂತಹ ಸುಲಭ ಕ್ಯಾಚ್ ಬಿಟ್ಟಿದ್ದಕ್ಕೆ ಮೈದಾನದಲ್ಲಿದ್ದ ಎಲ್ಲರೂ ದಿಗ್ಭ್ರಮೆಗೊಂಡರು.

ಶೋಭನಾ ಮೊಸ್ತಾರಿ ಶ್ರೀ ಚರಣಿಯ ಬೌಲಿಂಗ್​​ನಲ್ಲಿ ಡ್ರೈವ್ ಶಾಟ್ ಮಾಡಿದರು. ಚೆಂಡು ಅವರ ಬ್ಯಾಟ್‌ನ ಹೊರ ಅಂಚನ್ನು ಸವರಿ ಫೀಲ್ಡರ್ ನಂದನಿ ಶರ್ಮಾ ನಿಂತಿದ್ದ ಕವರ್‌ಗಳ ಕಡೆಗೆ ಹಾರಿತು. ನಂದಿನಿ ತನ್ನ ಎಡಕ್ಕೆ ಡೈವ್ ಮಾಡಿ, ಎರಡೂ ಕೈಗಳಿಂದ ಚೆಂಡನ್ನ ಪಡೆದರಾದರೂ, ಅದು ಅವರ ಹಿಡಿತದಿಂದ ಜಾರಿತು.

ಬಾಂಗ್ಲಾದೇಶ ತಂಡವಾಗಿದ್ದರಿಂದ ಈ ಕ್ಯಾಚ್​ಗಳು ದೊಡ್ಡ ಪರಿಣಾಮ ಬೀರಲಿಲ್ಲ. ಆದರೆ ಕಳೆದ ಪಂದ್ಯದಲ್ಲಿ ಇದರ ಪರಿಣಾಮ ಭಾರತ ಅನುಭವಿಸಿತ್ತು. ದಕ್ಷಿಣ ಆಫ್ರಿಕಾ ವಿರುದ್ಧದ ಹಿಂದಿನ ಪಂದ್ಯದಲ್ಲಿ ಅವರು ಎರಡು ನಿರ್ಣಾಯಕ ಕ್ಯಾಚ್‌ಗಳನ್ನು ಕೈಬಿಟ್ಟಿದ್ದರು. ಅದರಲ್ಲಿ ಮರಿಝಾನ್​ ಕಾಪ್ ಅವರ ಮ್ಯಾಚ್​ ವಿನ್ನಿಂಗ್ ಕ್ಯಾಚ್ ಕೂಡ ಒಂದು. ಈ ತಪ್ಪು ಈ ಪಂದ್ಯದಲ್ಲಿ ತಂಡಕ್ಕೆ ಭಾರಿ ಹೊಡೆತ ನೀಡಿತು. ಭಾರತ ಕೊನೆಯ ಓವರ್​​ನಲ್ಲಿ ಪಂದ್ಯವನ್ನ ಸೋತು ನೇರವಾಗಿ ಸೆಮಿಫೈನಲ್ ಪ್ರವೇಶಿಸಉವ ಅವಕಾಶ ಕಳೆದುಕೊಂಡಿತು.