ಈ ಘಟನೆ 2017ರಲ್ಲಿ ನಡೆದಿತ್ತು ಎಂದು ಸೆಹ್ವಾಗ್ ಹೇಳಿದ್ದಾರೆ. ಆಗ ಅನಿಲ್ ಕುಂಬ್ಳೆ ಟೀಮ್ ಇಂಡಿಯಾದ ಹೆಡ್ ಕೋಚ್ ಆಗಿದ್ದರು. ಆದರೆ ನಾಯಕ ವಿರಾಟ್ ಕೊಹ್ಲಿ ಮತ್ತು ಕುಂಬ್ಳೆ ನಡುವೆ ಭಿನ್ನಾಭಿಪ್ರಾಯಗಳು ಬಂದು ಸಂಬಂಧ ಹದಗೆಟ್ಟಿತು. ತೀವ್ರ ಒತ್ತಡದ ನಡುವೆ ಜೂನ್ 2017ರಲ್ಲಿ ಕುಂಬ್ಳೆ ಹೆಡ್ ಹುದ್ದೆಗೆ ರಾಜೀನಾಮೆ ನೀಡಿದರು.

2017ರ ಚಾಂಪಿಯನ್ಸ್ ಟ್ರೋಫಿ ಸಮಯದಲ್ಲಿ ನಾನು ಕಾಮೆಂಟರಿ ಪ್ಯಾನೆಲ್‌ನಲ್ಲಿದ್ದೆ. ಆ ಟೂರ್ನಮೆಂಟ್ ನಂತರ ವೆಸ್ಟ್ ಇಂಡೀಸ್ ಪ್ರವಾಸದಿಂದ ನಾನು ಟೀಮ್ ಇಂಡಿಯಾದ ಕೋಚ್ ಆಗಬೇಕೆಂಬ ಯೋಜನೆ ಇತ್ತು. ಆದರೆ ಆ ಪ್ರಸ್ತಾಪವನ್ನು ತಕ್ಷಣ ಒಪ್ಪಲಿಲ್ಲ ಎಂದು ಸೆಹ್ವಾಗ್ ಹೇಳಿದ್ದಾರೆ.

ಟೀಮ್ ಇಂಡಿಯಾ ಕೋಚ್ ಆಗುವ ಆಫರ್ ಬಂದಾಗ ನಾನು ಹೌದು ಅಥವಾ ಇಲ್ಲ ಎಂದು ಹೇಳಲಿಲ್ಲ. ನಾನು ಕೋಚ್ ಆಗಬೇಕಾದರೆ ನನ್ನ ಆಯ್ಕೆಯ ಸಹಾಯಕ ಸಿಬ್ಬಂದಿ ಬೇಕು ಎಂದು ಸ್ಪಷ್ಟಪಡಿಸಿದೆ. ಬ್ಯಾಟಿಂಗ್ ಕೋಚ್, ಬೌಲಿಂಗ್ ಕೋಚ್, ಫೀಲ್ಡಿಂಗ್ ಕೋಚ್, ಫಿಸಿಯೋ ಮತ್ತು ಇತರ ಸಹಾಯಕರು ನನ್ನ ಆಯ್ಕೆಯವರಾಗಿರಬೇಕು. ಆದರೆ ಬಿಸಿಸಿಐ ಅದನ್ನು ಒಪ್ಪಲಿಲ್ಲ. ಆದ್ದರಿಂದ ನಾನು ಆ ಪ್ರಸ್ತಾಪವನ್ನು ತಿರಸ್ಕರಿಸಿದೆ ಎಂದು 10 ವರ್ಷಗಳ ನಂತರ ಸೆಹ್ವಾಗ್ ಮೌನ ಮುರಿದಿದ್ದಾರೆ.

ಮೈದಾನದಲ್ಲಿ ತನ್ನ ಸ್ಪೋಟಕ ಬ್ಯಾಟಿಂಗ್‌ನಿಂದ ಎದುರಾಳಿ ಬೌಲರ್‌ಗಳನ್ನು ಕಷ್ಟಕ್ಕೆ ಸಿಲುಕಿಸುತ್ತಿದ್ದ ಸೆಹ್ವಾಗ್, ಮೈದಾನದ ಹೊರಗೂ ಅಷ್ಟೇ ಸ್ಪಷ್ಟ ಮನಸ್ಸಿನವರು ಎಂದು ಈ ಘಟನೆ ತೋರಿಸುತ್ತದೆ. ಅವರ ಆದ್ಯತೆಗಳು ಮತ್ತು ತಂಡ ನಿರ್ವಹಣಾ ಶೈಲಿಗೆ ಹೊಂದಿಕೆಯಾಗದ ಕಾರಣ, ಸೆಹ್ವಾಗ್ ಕೋಚ್ ಹುದ್ದೆಯ ದೊಡ್ಡ ಜವಾಬ್ದಾರಿಯನ್ನು ಸುಲಭವಾಗಿ ಬಿಟ್ಟುಕೊಟ್ಟರು. ಇದಾದ ನಂತರ ರವಿಶಾಸ್ತ್ರಿ ಟೀಮ್ ಇಂಡಿಯಾದ ಹೆಡ್ ಕೋಚ್ ಆಗಿ ಅಧಿಕಾರ ವಹಿಸಿಕೊಂಡರು.