ಅಮೆರಿಕದಲ್ಲಿ ವಾಸಿಸುತ್ತಿದ್ದರೂ ಭಾರತೀಯ ಸಂಸ್ಕೃತಿ, ಸಂಪ್ರದಾಯ ಮತ್ತು ಆಧ್ಯಾತ್ಮಿಕ ಮೌಲ್ಯಗಳನ್ನು ಪುತ್ರಿಗೆ ಪರಿಚಯಿಸುತ್ತಿರುವ ಪ್ರಿಯಾಂಕಾ ಚೋಪ್ರಾ ಅವರ ನಡೆಗೆ ಅಭಿಮಾನಿಗಳು ಭಾರೀ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಭಾರತದಲ್ಲೇ ಇದ್ದು ಸಂಸ್ಕೃತಿಯನ್ನು ಮರೆಯುವವರು ಹಲವರಿದ್ದಾರೆ. ಆದರೆ ವಿದೇಶದಲ್ಲಿ ಇದ್ದರೂ ಮಗಳಿಗೆ ಭಾರತೀಯ ಪರಂಪರೆಯನ್ನು ಕಲಿಸುತ್ತಿರುವುದು ಶ್ಲಾಘನೀಯ ಎಂದು ಅನೇಕರು ಸಾಮಾಜಿಕ ಜಾಲತಾಣಗಳಲ್ಲಿ ಕಾಮೆಂಟ್ ಮಾಡುತ್ತಿದ್ದಾರೆ.

2022ರಲ್ಲಿ ಬಾಡಿಗೆ ತಾಯ್ತನದ ಮೂಲಕ ಪ್ರಿಯಾಂಕಾ ಮತ್ತು ನಿಕ್ ದಂಪತಿಗೆ ಹೆಣ್ಣು ಮಗು ಜನಿಸಿತು. ಆಕೆಗೆ ಮಾಲ್ತಿ ಮೇರಿ ಎಂದು ಹೆಸರು ಇಡಲಾಯಿತು. ಸಾಮಾಜಿಕ ಜಾಲತಾಣಗಳಲ್ಲಿ ಮಾಲ್ತಿಯೊಂದಿಗಿನ ಮುದ್ದಾದ ಕ್ಷಣಗಳನ್ನು ಈ ಜೋಡಿ ಆಗಾಗ ಹಂಚಿಕೊಳ್ಳುತ್ತಿದ್ದು, ಅವು ಅಭಿಮಾನಿಗಳ ಮನಗೆಲ್ಲುತ್ತಿವೆ.

ಇತ್ತೀಚೆಗೆ ಜೋನಾಸ್ ಬ್ರದರ್ಸ್ ಪಾಡ್‌ಕಾಸ್ಟ್‌ನಲ್ಲಿ ಮಾತನಾಡಿದ ಪ್ರಿಯಾಂಕಾ, ರಾಜಮೌಳಿ ಅವರಿಂದ ಕರೆ ಬಂದ ಕ್ಷಣವನ್ನು ನೆನಪಿಸಿಕೊಂಡಿದ್ದರು. ಈ ಚಿತ್ರ ಜಾಗತಿಕ ಮಟ್ಟದ ಮಹಾಕಾವ್ಯ ಸಾಹಸ ಕಥೆಯಾಗಿದೆ. ಅವರು ನನಗೆ ಈ ಅವಕಾಶದ ಬಗ್ಗೆ ಹೇಳಿದ ತಕ್ಷಣವೇ ನಾನು ತುಂಬಾ ಉತ್ಸುಕಳಾದೆ. ಈ ಯೋಜನೆಗೆ ಸಾಕಷ್ಟು ಸಮಯ ಬೇಕಾದರೂ ಅದರ ಭಾಗವಾಗಿರುವುದು ಸಂತಸದ ವಿಷಯ ಎಂದು ಹೇಳಿದ್ದರು.