ಹೌದು, ಕೇಂದ್ರ ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯವು ವಿಮಾನ ನಿಲ್ದಾಣಗಳಲ್ಲಿ ಛಾಯಾಗ್ರಹಣ ಮತ್ತು ವೀಡಿಯೊಗ್ರಫಿಯ ನಿಯಮಗಳನ್ನು ಬಿಗಿಗೊಳಿಸಿದೆ. ಅದರಂತೆ, ನೀವು ವಿಮಾನ ನಿಲ್ದಾಣದ ಈ ಸ್ಥಳಗಳಲ್ಲಿ ವೀಡಿಯೊ ರೆಕರ್ಡ್​ ಮಾಡಿದ್ರೆ, ಕೇವಲ ಅದನ್ನ ಡಿಲಿಟ್​ ಮಾಡಿಸುವುದು ಮಾತ್ರವಲ್ಲ, ಬದಲಾಗಿ, ಸ್ಥಳದಲ್ಲೇ ಫೈನ್​ ಹಾಗೂ ನಿಮ್ಮ ಮೊಬಲೈ ಫೋನ್​ ಅನ್ನು ವಶಕ್ಕೆ ಪಡೆಯುವ ಇಲ್ಲಾ, ವಿಮಾನ ಹಾರಟದ ನೋ-ಫ್ಲೈ ಲೀಸ್ಟ್​ಗೆ ಸೇರಿಸಬಹುದು ಎನ್ನಲಾಗಿದೆ.

ವಿಮಾನ ನಿಲ್ದಾಣಗಳ ಹಲವಾರು ನಿರ್ಬಂಧಿತ ಪ್ರದೇಶಗಳಲ್ಲಿ ಪೂರ್ವಾನುಮತಿ ಇಲ್ಲದೆ ಪ್ರಯಾಣಿಕರು ಮತ್ತು ಸಂದರ್ಶಕರು ಫೋಟೋ ಅಥವಾ ವೀಡಿಯೊಗಳನ್ನು ತೆಗೆದುಕೊಳ್ಳುವುದನ್ನು ವಾಯುಯಾನ ನಿಯಂತ್ರಕ ನಿಷೇಧಿಸಿದೆ.

ಹೊಸ ಮಾರ್ಗಸೂಚಿಯ ಪ್ರಕಾರ, ವಿಮಾನ ನಿಲ್ದಾಣದ ಕಾರ್ಯಾಚರಣೆ ಮತ್ತು ಸುರಕ್ಷತೆಯ ರಹಸ್ಯಗಳು ಸೋರಿಕೆಯಾಗದಂತೆ ತಡೆಯಲು ಈ ಕೆಳಗಿನ ಜಾಗಗಳಲ್ಲಿ ಕ್ಯಾಮೆರಾ ಬಳಕೆಯನ್ನು ಕಡ್ಡಾಯವಾಗಿ ನಿಷೇಧಿಸಲಾಗಿದೆ. ಅವುಗಳು…

• ಸುರಕ್ಷತಾ ತಪಾಸಣಾ ವಲಯ: ಪ್ರಯಾಣಿಕರು ಮತ್ತು ಲಗೇಜ್ ತಪಾಸಣೆ ಮಾಡುವ (CISF ಸಿಬ್ಬಂದಿ ಇರುವ) ಜಾಗ.
• ಬೋರ್ಡಿಂಗ್ ಗೇಟ್‌ಗಳು: ವಿಮಾನ ಏರುವ ಮುನ್ನ ಕಾಯುವ ಮತ್ತು ಟಿಕೆಟ್ ಪರಿಶೀಲಿಸುವ ಸ್ಥಳ.
• ರನ್‌ವೇ ಮತ್ತು ಏಪ್ರನ್: ವಿಮಾನಗಳು ನಿಲ್ಲುವ, ಚಲಿಸುವ ಅಥವಾ ಇಂಧನ ತುಂಬಿಸುವ ತಾಂತ್ರಿಕ ಪ್ರದೇಶಗಳು.
• ರನ್‌ವೇ ಬಸ್‌ಗಳು: ಟರ್ಮಿನಲ್‌ನಿಂದ ವಿಮಾನದ ಬಳಿಗೆ ಪ್ರಯಾಣಿಕರನ್ನು ಕರೆದೊಯ್ಯುವ ಬಸ್‌ಗಳ ಒಳಗೆ ಮತ್ತು ಹೊರಗೆ.

ಎಕನಾಮಿಕ್ಸ್​ ಟೈಮ್ಸ್​ ವರದಿ ಮಾಡಿರುವಂತೆ, ವಿಮಾನ ನಿಲ್ದಾಣದ ಆವರಣದಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ವಿಷಯಗಳು ಸೃಷ್ಟಿಯಾಗುತ್ತಿರುವುದು ದೊಡ್ಡ ಮಟ್ಟದಲ್ಲಿ ಏರಿಕೆಯಾಗುತ್ತಿರುವುದರಿಂದ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ವಿಮಾನ ನಿಲ್ದಾಣದ ಅಧಿಕಾರಿಗಳು ತಿಳಿಸಿದ್ದಾರೆ.

ಅದರಂತೆ, ಟ್ರಾವೆಲ್​ ರೀಲ್‌ಗಳು, ವ್ಲಾಗ್‌ಗಳಂತಹ ವೀಡಿಯೊಗಳಲ್ಲಿ ವಿಮಾನ ನಿಲ್ದಾಣವಿರುವಂತಹ ವೀಡಿಯೋಗಳು ಹೆಚ್ಚು ಜನಪ್ರಿಯವಾಗುತ್ತಿವೆ. ಆದಾಗ್ಯೂ, ಇಂತಹ ವೀಡಿಯೋಗಳ ಅಪ್‌ಲೋಡ್‌ಗಳಲ್ಲಿ ಕೆಲವು ಭದ್ರತಾ ಮೂಲಸೌಕರ್ಯ, ಸೈನಿಕರ ಕಾರ್ಯಾಚರಣೆಗಳು ಬಹಿರಂಗವಾಗಿದೆ. ಅದರಂತೆ, ಕೆಲವು ವೀಡಿಯೊಗಳು ಖುಷಿಗಾಗಿ ಮಾಡಿದ್ರೂ ಸಹ ಆ ವೀಡಿಯೋದಲ್ಲಿ ಸೂಕ್ಷ್ಮ ಮಾಹಿತಿಯು ಸಾರ್ವಜನಿಕವಾಗಿ ಲಭ್ಯವಾದರೆ ಅದು ಭದ್ರತಾ ಅಪಾಯಗಳನ್ನು ಸೃಷ್ಟಿಸಬಹುದು ಎಂದು ಅಧಿಕಾರಿಗಳು ನಂಬುತ್ತಾರೆ.

ಕೇವಲ ವಿಡಿಯೋ ಡಿಲೀಟ್ ಮಾಡುವುದರಿಂದ ನೀವು ಈ ನಿಯಮದಿಂದ ಪಾರಾಗಲು ಸಾಧ್ಯವಿಲ್ಲ. ಸುರಕ್ಷತಾ ಸಿಬ್ಬಂದಿಗೆ ವ್ಯಾಪಕ ಅಧಿಕಾರ ನೀಡಲಾಗಿದ್ದು, ಈ ಕೆಳಗಿನ ಕ್ರಮ ಜರುಗಿಸಬಹುದು:

• ವಿಡಿಯೋಗಳ ತಕ್ಷಣದ ಡಿಲೀಷನ್: ಸ್ಥಳದಲ್ಲೇ ಭದ್ರತಾ ಸಿಬ್ಬಂದಿ ನಿಮ್ಮ ರೆಕಾರ್ಡಿಂಗ್‌ಗಳನ್ನು ಅಳಿಸಲು ಆದೇಶಿಸುತ್ತಾರೆ.
• ಮೊಬೈಲ್/ಕ್ಯಾಮೆರಾ ಜಪ್ತಿ: ತನಿಖೆಯ ಉದ್ದೇಶಗಳಿಗಾಗಿ ನಿಮ್ಮ ಫೋನ್ ಅಥವಾ ರೆಕಾರ್ಡಿಂಗ್ ಸಾಧನಗಳನ್ನು ವಶಪಡಿಸಿಕೊಳ್ಳಬಹುದು.
• ಹಣಕಾಸಿನ ದಂಡಗಳು: ನಿಯಮ ಉಲ್ಲಂಘನೆಗಾಗಿ ಭಾರಿ ಪ್ರಮಾಣದ ಆರ್ಥಿಕ ದಂಡ ವಿಧಿಸಲಾಗುತ್ತದೆ.
• ‘ನೋ-ಫ್ಲೈ ಲಿಸ್ಟ್’ (No-Fly List) ಸೇರ್ಪಡೆ: ಅತ್ಯಂತ ಗಂಭೀರ ಅಥವಾ ಸಿಬ್ಬಂದಿ ಜೊತೆ ಅಶಿಸ್ತಿನಿಂದ ವರ್ತಿಸಿದರೆ, ನಿಮ್ಮನ್ನು 3 ತಿಂಗಳಿಂದ 2 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಅವಧಿಗೆ ವಿಮಾನ ಪ್ರಯಾಣ ಮಾಡದಂತೆ ಬ್ಯಾನ್ ಮಾಡಬಹುದು.
• ಕಾನೂನು ಕ್ರಮ: ವಿಮಾನಯಾನ ಕಾಯ್ದೆಯಡಿ ನಿಮ್ಮ ಮೇಲೆ ಕ್ರಿಮಿನಲ್ ಪ್ರಕರಣ ದಾಖಲಾಗುವ ಸಾಧ್ಯತೆಯೂ ಇರುತ್ತದೆ.

• ವಿಮಾನ ನಿಲ್ದಾಣದ ಸಾಮಾನ್ಯ ಸಾರ್ವಜನಿಕ ಪ್ರದೇಶಗಳಾದ ಚೆಕ್-ಇನ್ ಹಾಲ್‌ಗಳು ಮತ್ತು ಫುಡ್ ಕೋರ್ಟ್‌ಗಳಲ್ಲಿ ವೈಯಕ್ತಿಕ ಫೋಟೋ/ಸೆಲ್ಫಿ ತೆಗೆದುಕೊಳ್ಳಬಹುದು.
• ನಾಗರಿಕ (Civilian) ವಿಮಾನ ಹಾರಾಟದ ಸಮಯದಲ್ಲಿ ನಿಮ್ಮ ಸೀಟಿನಲ್ಲಿ ಕುಳಿತು ಸಾಮಾನ್ಯ ಫೋಟೋ ಅಥವಾ ವಿಡಿಯೋ ಮಾಡಬಹುದು. ಆದರೆ, ಕ್ಯಾಬಿನ್ ಕ್ರೂ (Cabin Crew) ಸಿಬ್ಬಂದಿ ಕ್ಯಾಮೆರಾ ಆಫ್ ಮಾಡಲು ಸೂಚಿಸಿದರೆ ತಕ್ಷಣ ಪಾಲಿಸಬೇಕು.
• ಯಾವುದೇ ವಾಣಿಜ್ಯ ಸಂಸ್ಥೆಗಳು, ಬ್ರ್ಯಾಂಡ್‌ಗಳು ಅಥವಾ ಇನ್‌ಫ್ಲುಯೆನ್ಸರ್‌ಗಳು ಚಿತ್ರೀಕರಣ ಮಾಡಬೇಕಿದ್ದರೆ ಕನಿಷ್ಠ 2 ತಿಂಗಳು ಮುಂಚಿತವಾಗಿ EGCA ಪೋರ್ಟಲ್ ಮೂಲಕ ಅಧಿಕೃತ ಅನುಮತಿ ಪಡೆಯುವುದು ಕಡ್ಡಾಯ.