Last Updated:
ಮೈಸಾ ಸಿನಿಮಾಗಾಗಿ ನೀರಿನ ಒಳಗೆಯೇ ಆ್ಯಕ್ಷನ್ ಮಾಡಿದ್ರಾ ರಶ್ಮಿಕಾ? ಒಂದಲ್ಲ, ಎರಡಲ್ಲ ಭರ್ತಿ 8 ಗಂಟೆ ನೀರಿನೊಳಗಿದ್ರಾ?
ನಟಿ ರಶ್ಮಿಕಾ ಮಂದಣ್ಣ (Rashmika Mandanna) ಅವರ ಮುಂಬರುವ ಸಿನಿಮಾ ಮೈಸಾದ ಟೀಸರ್ ರಿಲೀಸ್ (Teaser Release) ಆಗಿದೆ. ನಟಿ ರಶ್ಮಿಕಾ (Rashmika) ಅವರು ಈ ಒಂದು ಟೀಸರ್ನಲ್ಲಿ ರಫ್ & ಟಫ್ ಆಗಿ ಅಬ್ಬರಿಸಿದ್ದಾರೆ. ಟೀಚರ್ಗೆ ಉತ್ತಮ ಪ್ರತಿಕ್ರಿಯೆ ಕೂಡಾ ಕೇಳಿ ಬಂದಿದೆ. ನಟಿ ಟೀಸರ್ ರಿಲೀಸ್ ಕಾರ್ಯಕ್ರಮಕ್ಕೆ ಪೀಚ್ ಕಲರ್ ಸೀರೆ ಉಟ್ಟು ಬಂದಿದ್ದರು.
ಈ ಒಂದು ಇವೆಂಟ್ನಲ್ಲಿ ರಶ್ಮಿಕಾ ಮಂದಣ್ಣ ಮಾತನಾಡಿರುವುದು ಈಗ ವೈರಲ್ ಆಗಿದೆ. ನಟಿ ವೇದಿಕೆಯಲ್ಲಿ ಮಾತನಾಡಿ ಸಿನಿಮಾದ ಕೆಲವೊಂದು ಕಠಿಣ ದೃಶ್ಯದ ಶೂಟಿಂಗ್ ಬಗ್ಗೆ ಹೇಳಿದ್ದಾರೆ.
ರಶ್ಮಿಕಾ ಅವರ “ನಾನೇನು ಮೀನಾ” ಎನ್ನುವ ರೆಸ್ಪಾನ್ಸ್ ಮೈಸಾ ಅಂಡರ್ ವಾಟರ್ ಶೂಟಿಂಗ್ ಎಷ್ಟು ಕಠಿಣವಾಗಿತ್ತು ಎಂಬುದನ್ನು ಸಂಪೂರ್ಣವಾಗಿ ಸೆರೆಹಿಡಿದಿದ್ದು ಈ ಮಾತು ಈಗ ವೈರಲ್ ಆಗಿದೆ.
ರಶ್ಮಿಕಾ ಮಂದಣ್ಣ ಅವರ ಮುಂಬರುವ ತೆಲುಗು ಚಿತ್ರ ಮೈಸಾ ಒಂದು ಪ್ರಮುಖ ಅಂಡರ್ ವಾಟರ್ ಆಕ್ಷನ್ ಸೀಕ್ವೆನ್ಸ್ ಅನ್ನು ಒಳಗೊಂಡಿದೆ. ಚಿತ್ರೀಕರಣಕ್ಕೆ ಎಷ್ಟು ಬೇಡಿಕೆಯಿತ್ತು ಎಂಬುದರ ಕುರಿತು ನಟಿ ಮಾತನಾಡಿದ್ದಾರೆ.
ಈ ಸೀಕ್ವೆನ್ಸ್ ಅನ್ನು ಕೇರಳದಲ್ಲಿ ಚಿತ್ರೀಕರಿಸಲಾಗಿದೆ. ರಶ್ಮಿಕಾ ಸ್ಟಂಟ್ ಡಬಲ್ ಇಲ್ಲದೆ ಆಕ್ಷನ್ ಮಾಡಿದ್ದಾರೆ ಎಂದು ಚಿತ್ರದ ನಿರ್ಮಾಪಕರು ತಿಳಿಸಿದ್ದಾರೆ. ವರದಿಗಳ ಪ್ರಕಾರ ಈ ಸೀಕ್ವೆನ್ಸ್ ಚಿತ್ರೀಕರಣ ಮಾಡುವಾಗ ಅವರು ಎರಡು ದಿನಗಳಲ್ಲಿ ಸುಮಾರು 20 ಗಂಟೆಗಳ ಕಾಲ ನೀರಿನ ಅಡಿಯಲ್ಲಿ ಕಳೆದರು ಎಂದಿದ್ದಾರೆ.
ತಯಾರಕರು ಇದನ್ನು ಭಾರತದ ಮೊದಲ ಲೇಡಿ ಅಂಡರ್ ವಾಟರ್ ಫೈಟ್ ಸೀಕ್ವೆನ್ಸ್ ಎಂದು ಬಣ್ಣಿಸಿದ್ದಾರೆ. ಚೊಚ್ಚಲ ನಿರ್ದೇಶಕ ರವೀಂದ್ರ ಪುಲ್ಲೆ ನಿರ್ದೇಶನದ ಈ ಚಿತ್ರದಲ್ಲಿ ರಶ್ಮಿಕಾ ಗೋಂಡ್ ಬುಡಕಟ್ಟು ಮಹಿಳೆಯ ಪಾತ್ರವನ್ನು ನಿರ್ವಹಿಸಿದ್ದಾರೆ. ಈ ಯೋಜನೆಗಾಗಿ ಅವರು ವ್ಯಾಪಕವಾದ ಆಕ್ಷನ್ ತರಬೇತಿಯನ್ನು ಸಹ ಪಡೆದಿದ್ದರು.
ಆದರೆ ವರದಿಯಾದ 20 ಗಂಟೆಗಳು ಪೂರ್ಣಗೊಂಡ ಅಂಡರ್ ವಾಟರ್ ಶೂಟ್ ಅನ್ನು ಸೂಚಿಸುತ್ತದೆ. 20 ಗಂಟೆಗಳ ನಿರಂತರ ನೀರೊಳಗಿನ ಚಿತ್ರೀಕರಣವಲ್ಲ.
ನನ್ನಲ್ಲಿ ನೀರಿನಲ್ಲಿ ಆ್ಯಕ್ಷನ್ ಇದೆ ಎಂದರು. ನನಗೆ ಸ್ವಿಮ್ಮಿಂಗ್ ಗೊತ್ತು. ಸ್ವಲ್ಪ ಆ್ಯಕ್ಷನ್ ಅಲ್ವಾ ಮಾಡಬಹುದು, ಸುಲಭ ಆಗಬಹುದು ಎಂದು ನಾನು ಓಕೆ ಹೇಳಿದೆ. ಆಮೇಲೆ ನೋಡಿದರೆ 8 ಗಂಟೆ ನೀರಿನೊಳಗೆ ಆ್ಯಕ್ಷನ್ ಎಂದರು. ಅದು ಹೇಗೆ 8 ಗಂಟೆ ನೀರಿನಡಿ ಇರೋಕೆ ಸಾಧ್ಯ ಹೇಳಿ? ನಾನೇನು ಮೀನಾ ಎಂದು ರಶ್ಮಿಕಾ ವೇದಿಕೆಯಲ್ಲಿ ಪ್ರಶ್ನಿಸಿದ್ದಾರೆ.
